الموضوع: أيهما افضل هوندا اكورد ام اوريون

اذا بتاخذ أكورد سته سلندر اوكي
اذا أربعه لاتفكر في غير الاوريون
وجهة نظر

السلام عليكم ورحمة الله وبركاته

أخوي من ناحية تجربتي للسيارتين راح أعمل لك مقارنة و أنت أحكم :

من ناحية الجودة :

- متقاربة لــكن الأكورد تتفوق على الأوريون .

من ناحية الثبات :

متقاربة لــكن تتفوق الأكورد في الثبات أيضاً .

من ناحية العزم :

متقاربة لــكن تتفوق الأوريون بفارق بسيط .

من ناحية الفرامل :

تتفوق الأكورد على الأوريون .

جودة الديكور الداخلي :

الأكورد تتفوق وبجدارة .

المواصفات بالنسبة للسعر :

تتفوق الأوريون بجدارة .

خدمة ما بعد البيع والصيانة :

تتفوق الأوريون على الأكورد .


عيوب الأكورد من وجهة نظري :

1- رجة في الدركسون عند الفرملة على السرعات العالية .

2- قساوة المقاعد نوعاً .

3- قلة المواصفات بالنسبة للسعر .
___________________________-

عيوب الأوريون :

- الديكور الداخلي سئ نوعاً ما وتكثر منه الأصوات .

الرجه من مانع الانزلاق وهذي احلى ميزه بالاكورد

والله عيب عليكم تقولون الكلام هذا بالاوريون .. طيب جربتوها !!!

انا عني ما جربت الاكورد عشان اكون صادق معكم بس المواصفات فيها قليلة مقارنة بالسعر

اما عن تجربتي بالاوريون فهي كالتالي

سيارة من ناحية القوة .. ماشاء الله تبارك الله وحش ..اما اذا قلبتها غير عادي وربي فيها قوة تخوف الواحد لدرجة ان رجلي بدأت

ترتجف خوفا من قوة العادي فيها .. مواصفات ممتازة و رائعة من شاشة الملاحة الاصلية السوداء .. تشغيل بزر ..دخول ذكي

مكيف الكتروني ..شاشة المعلومات .. جلد مريح .. جلد دركسون طبيعي .. ايضا عجبني فيها الرساوة و الثبات بالطريق

وربي اني ما اكذب عليكم اذا قلت لكم ان السيارة فيها ثبات ممتاز خصوصا بالمنحنيات .. ويعلم الله في منحنى قوي جداا

اني اخذتها على سرعة 180 و كانت جدا ثابتة ماشاء الله تبارك الله .. السيارة صار لها حول 8 شهور معي .. ومافيها اي عيب

يذكر .. يعيبها فقط صوت الكفرات لانها من يوكوهاما .. ايضا نقطة حاب اذكرها و هي ان الكثير قال بانها استرالية

اوكي استرالية بس من مصنع تويوتا الياباني و قطعها يابانية 100% .. وليس مثل الكابريس و اللومينا من مصنع هولدن الاسترالي

واللي يقول من الداخل نفس الكامري .. اقوله اسمحلي .. بعطيك الفروق

الفروق .. دركسون ذو جلد طبيعي .. مقاعد جلد .. تشغيل بزر .. طبلون زينون .. شاشة ملاحة .. مسجل 6 سيديات .. شاشة معلومات

جير متطور ( تبترونك ) .. مكيف الكتروني .. صحيح انه كمنظر داخلي في تشابه بس بنفس الوقت راح تحل فرووق كثيييرة جدا

بعدين اكثر السيارات فيها تشابه داخلي يعني ما وقفت على الكامري و الارويون .. مثل الفورد و الميركوري .. Gmc و شفر من خلال

السيارات الكبيرة .. الخ

بالاخير اعتذر عن الاطالة في الكلام ..

ونصيحتي للكل دور سيارة تعيش معاك .. وافضل الانواع التويوتا و الهوندا .. من ناحية السيارات اليابانية متوسطة الفئة

وخير برهان شوارعنا ممتلئة بسيارات تويوتا و هوندا .. و هذا يدل على ثقة الشعب الخليجي بها

وسلامتكم

ياخي يعجبني عدم التعصب بالرد .. على اني ما أطبقه :d

الاوريون كويسه ولا عليها كلام لكن لاشفت الديكور أتذكر الكامري وتحوم تسبدي


طيب ما طلع لك صوت بالديكور مثل الصفير اذا مشيت بسبب احتكاك الديكور


واذا ماطلع لك انتظره لأنه مع الوقت يبي يطلع وتكره حياتك وتكره الساعه اللي شريت فيها اوريون

طلع الصوت مع اخوي معه كامري وولد عمي برضو معه كامري ووحد من الشباب معه اوريون

أخوي ما قلنا شئ الأوريون ممتازة

أما بالنسبة لصوت الديكور فــ أعتقد أن 90 % من سيارات أوريون

موجود بها أصوات الديكور صحيح أنه خفيف وممكن ما تسمعه لو شغلت المسجل

لــكن الصوت موجود (صوت تك تك من الديكور أما من تخشيبة القير - بجانب الساعة )

أنا أذكر أنه لما كان عندي الصوت أخذتها للوكالة وتم التصليح على الضمان

اخوي الخفي .. الصوت هذا جاني و كنت مستعد له و متوقع انه يجيني .. يعني انا شريت السيارة و ادري بهذا العيب المصنعي

وليست مشكلة .. و الحمدلله تم حل الصوت بنجاح و السيارة ماشاء الله تبارك الله زي العسل .. وبالعكس يوم طلع الصوت تراه خفيييف

جدا .. يكاد يسمع .. طبعا الصوت هذا غالبية ال 2007 لكن في ال 2008 قل بشكل كبييرة .. طيب سؤال اخوي الخفي

انت ما صارت معك مشكلة باقفال الابواب .. لاني اعرف كثيييير من ملاك الاكورد بنفس موديلك او 2006 يعانون من

مشكلة بخراب قفل الباب .. يعني ما تقدر تفتحها بالريموت لازم تدخل المفتاح و تفتح الباب و هذا الشي صارت لقريبي و قالوله

تكلفة التصليح لكل باب 1000 ريال يعني الاجمالي للاربع ابواب 4000 ريال ..

طيب لو رحنا ل 2008 انا سمعت الكثير من الاعضاء يعانون من صوت طقطقة عن الباب .. يعني عيب مصنعي مثل عيب

الاوريون ..

خلاصتي من الكلام ..

مافي سيارة جديدة مهما كانت نوعيتها لا تخلو من عيب مصنعي ولو كان صغيييرا ..

لا الحمد لله ماعمره صارت لي


وكلامك سليم مافيه سيارة جديدة لاتخلو من العيوب واكبر دليل الاكورد 2008 مشاكل صارت لأكثر الاعضاء

ومن أهمها التكييف

تلاحظون صاحب الموضوع ماجاب خبركم :d

المشاركة الأصلية كتبت بواسطة ليوناردو

شكرا جزيلا على نصيحتي يا وهم وجزاك اله خيرا

لا والله انه رجال اسنافي اخذ الزبده ومشى :d

يا عمي فلها و ربك يحلها :d ..

اهم شي سيارة لك و للزمن بغض النظر عن العيوب البسيطة :d

تقديري

كل واحد ورايه

نصيحه لاتفرط في الاكورد موتر ماعليه كلام* اكورررررررررررررررررررررررررررررد وبس

ملك الملكه