^
^
صح كلامك أبو أكرم بس أحب أنوه على نقطة مهمة و هي مهارة السواق في القيادة .
يعني مثلا حبيبي ألتيما وبس , إنت سيارتك أوتو و شكلك جربت مع أكوردات أوتو كمان و المكينتن نفس بعض في القوة الإجمالية لكن الصافية تتفوق الأكورد فيها , بس الألتيما عوضت عن تفوق الأكورد بوزنها الخفيف فتلاقي المستوى متقارب بينهم .
و كمان لاحظ إن الأكورد تستخرج قوة أكبر من الألتيما رغم إن سعة محركها أقل بـ 0.1 لتر .
إنت قلت إنك مرة طلعت و أنا ما أنكر إن فيه ألتيمات طلعت على سيارتي لكن القير العادي هو إللي يطلع بس في القومة لكن في الدحدرة أنا أطلع إلين أخلي الألتيما يمسك في صدامي إللي ورا , والأوتوماتيك يقدم شوي في القومة لكن بعد فصلت الثاني تلاقيني طلعت عليه بشوي .
الشغلة تعتمد على مهارة السواق أولا و أخيرا و طريقة تحشير النمر خصوصا الأوتوماتيك .
أنا بقولك عن تجربتي مع واحد في أصحابي .
أنا معاي أكورد 2006 مكينة الـ 4 سلندر قير أوتوماتيك , و صاحبي معاه ألتيما 2005 مكينة 4 سلندر قير عادي .
جربت معاه مرتين من القومة , الصراحة هو يطلع أول و ثاني بس بفارق مرة بسيط يعني أنا أكون ماسك في بابه و أجي جنبه على الـ 120 و أعديه بس بشويش لأن مستوى السيارتين متقارب زي ما ذكرت , و أنا عارف إن سواقته ماشالله ممتازة . وجربت معاه دحدرة و معروف إن فزة الأكورد قوية و الألتيما القير العادي تحفر مكانها بعدين تمشي و طلعت عليه بفرق حلو .
و جربت معاه كمان بعد ما ركبت الإنتيك وصار الفرق بيني و بينه سيارة كاملة و أحيانا سيارة و نص طبعا لصالحي لأن الأإنتيك يعطي عزم للسيارة في الخط .
بالنسبة للفصلة , الأكورد فيها فصلة على الـ 219 زي ماذكرت لكن مين يبي يتقاوم إلين هذيك السرعة ؟؟؟؟
أرجو إنك تاخذ ردي حبيبي بروح رياضية و لا تاخذ بكلامي , لأن يمكن إن سيارتك محتاجة بواجي أو تنظيف بخاخات لأن هذي تأثر على العزم يالغالي و أكيد تفرق و قت المقاومات .
تحياتي لك .
مواقع النشر (المفضلة)