وعليكم السلام ورحمة الله وبركاته
عشان تفتح لك حساب Shop & Ship مع شركة ارامكس عندك طريقتين :
عن طريق فروع الشركة او عن طريق موقعهم الرئيسي على الانترنت
اول شي يبيلك تسجل عضوية جديدة في الموقع
وبعدها تروح على الرابط تحت وتفتح لك حساب Shop & Ship باستخدام بطاقتك الائتمانية
بالنسبة لحساب PayPal اشوفه ضروري جداً اذا كنت بتشتري من موقع eBay عشان تتفادى عمليات النصب اللي تصير فيه لانك غالباً تتعامل مع اشخاص وليس شركات
ميزة الحساب هذا انه يحافظ على سرية معلومات بطاقتك الائتمانية وفي حال تعرضت لعملية نصب يرجع لك فلوسك لان الحوالة ما تكتمل ولا يستلم البائع فلوسه الا بعد فترة من عملية الشراء .. اظنها اسبوعين
اتوقع المشكلة اللي واجهتها في فتح الحساب هي عملية تفعيل بطاقتك الائتمانية
طبعاً هم يسحبون منك مبلغ بسيط قابل للاسترجاع ويطلبون منك رقم مكون من 4 خانات عشان يتأكدون انك صاحب البطاقة
تدري وين تحصل الرقم ؟
تسوي كشف حساب لبطاقتك وتاخذ الاربعة الارقام الموجودة جنب اسم الشركة في عملية السحب
بعد ما تسجل الرقم في موقع شركة PayPal وتتفعل البطاقة يرجعون لك المبلغ ووقتها تقدر تستخدم حسابك
طبعاً بتسأل نفسك اشلون استخدم الحساب ؟ ووين رقم الحساب ؟!
ايميلك هو رقم حسابك
وقت ما تسوي اي عملية شراء اذا كان الموقع اللي بتشتري منه موفر لك خدمة الـ PayPal بكل بساطة تدخل ايميلك والباسوورد وباقي الخطوات مجرد تعبئة بيانات وتكملة اجراءات الطلب
واذا كان الموقع او الشخص اللي تتعامل معه ما يوفر خدمة الـ PayPal بيرسلون لك الفاتورة على ايميلك عن طريق شركة PayPal ومن هنا مجرد تكملة اجراءات
بالنسبة للتسجيل في موقع eBay سهل جداً مجرد تعبئة بيانات على الرابط هذا :
في موقع eBay خلك حذر جداً ولا تتعامل الا مع الاشخاص اللي عندهم Feedback قريب من 100%
الـ Feedback هو انطباع الناس اللي تعاملوا مع البائع وكلما كانت الانطباعات ايجابية كل ما زادت نسبته وكل ما زادت ثقة الناس فيه .. يعني من مصلحته انه يهتم في التعامل معك عشان تكتب فيه انطباع حلو
وفي الاخير حاول انك ما تعطي بيانات بطاقتك الائتمانية على الايميل الا لشخص مضمون يعني موظف في شركة تبي تشتري منها مثلاً ولا تشتري الا من مواقع معروفة او من مواقع الشركات لانها الأضمن
ان شاء الله ما اكون دوختك بالسوالف
بس حبيت اوضح لك كل شي ممكن يمر عليك في عمليات الشراء من مواقع الانترنت
مواقع النشر (المفضلة)