بسم الله الرحمن الرحيم
طيب وش بتسوون بالسياره ؟؟
فتح كمبيوتر ؟؟
السلام عليكم ورحمة الله وبركاته
مرحبا ياشباب
انا احب ادخل في الموضوع طوالي
بعد فتره من الوقت الان الفرصه امامك لزيده السرعه مافوق ٢٢٠الى ٢٤٠او ٢٦٠
يوجد ورشة في القصيم _عنيزة_دوار المعارض
اسم الورشة _ مركز الشلال
الفرصه امامك مع وجود الضمان ويمكنك استرجاع السرعه كما كانت
*******
*******
تم حذف أرقام الاتصال
لوحه الصيانه الداخليه
داخل ورشة الصيانه 1
داخل ورشة الصيانه 2
داخل ورشة الصيانه 4
التعديل الأخير تم بواسطة الاخطبوط ; 17-11-2008 الساعة 12:50 PM
بسم الله الرحمن الرحيم
طيب وش بتسوون بالسياره ؟؟
فتح كمبيوتر ؟؟
لاحول ولاقوه الا بالله
هذي تهلكه بالنفس والله تجيب الذنوب لنفسك لو مات احد من جراء فك فاصل السرعه
الله المستعان
مثل ماقال اخوي unlimit بالله وش تستفيد يعني اذا وصلت 240 والا 220
كل واحد يفكر بعقل يعني !!
بتسرع وتوصل 200 والا 220 تلحق وشو بالله !!
وتسرع ليه من الاساس
يكفي ياناس كل يوم حادث وسببه السرعه ؟!
مأدري يعني احنا ماعندنا عقول والا مجانين نشوف الحوداث يوميا وسببها السرعه ومانتعلم بالعكس تزيد في عنادك لا وتفك السرعه عشان تبيها تتعدا الـ 200
والله عندي كلام كثير ابي اقوله بس وين الي يسمع
طيب يالغالي ابسالك سوال وش يسوون بضبط في السياره يعني يفصلون سلك او يلعبون في البرمجه
حقت الكيمبيوتر ولا وش يسون وهل اذا شالو الفاصل الطبلون يصير يمشي ولا واقف على الصفر
هذه ميزة سلامه ولا أنصح أحد بالعبث فيهـا ,
والله يحمينـا من شر الحوآدث
ميشو ، تخيل معاي تمشي 220كم/ساعة فأنت اساساً تلقي بنفسك إلى التهلكة يعني كأن التهلكة ماجت إلا لما فصلت العداد إلى 240او260 لا الخطر معاك من يوم تلامس 140كم/ساعة ، العضو للأهمية حبيت اسأل هل يستطيعون تفعيل هذي البرمجة لموديلات 2007 ام فقط لــ2008 ، ولك جزيل الشكر على الموضوع .:d
الناس يصنعون سيارات وانتم تتفيخرون انكم تسرعون السيارة على حساب الروح ؟؟ يالريت يغلق الموضوع
ميشو انا معاك ممكن مع زيادة السرعة النتائج تكون وخيمة اكثر انا اايدك من هذا المنطلق لكن 200كم/ساعة تكفي لقتل نفس بشرية وبالنسبة للعضو للاهمية الرجال شاف ان اكثر الاعضاء يبحثون من زمان عن طريقة فصل 220كم/ساعة إلى 240كم/ساعة لكن لاحظ ياميشو ان الخطر الاكبر راح يكمن في 2008 تفصل من 220كم/ساعة إلى 260كم/ساعة هذا من جهة ، من جهة اخرى (اخبار ياابوالشباب:d) انا كلمت الاخ ذياب وقال لي ان القطعة سعرها 1800ريال سواء ل2007 او 2008 وطريقة الطلب تدفع عربون وتجي تستلم القطعة بعد اسبوع نتجية طلبها من الخارج وذكرته له اليابان قال بالفعل وعليها ضمان وفيه ثلاث اكوردات ركبوها وجربوها .
تحياتي للجميع ،،،;)
صباح الخير ياشباب
اول شي انا مانزلت الموضوع الا لسبب واحد بس
وهو كثرت الكلام عن زايده السرعة
والعاقل يمشي على كيفة
((الطريقة هي طلب قطعة من امريكا مع وجود الضمان ))
وافضل شي لكم ياشباب المذاكرة
و الله يستر عليكم ويحفظكم من الحوادث
بسمه تعالى :
الأخ للأهمية لم يقصر بجلب الخبر و تكليف نفسه بتصوير مركز الصيانة --_-- و مراكز برمجة السرعة كثيرة و لا يحتاج الباحث سوى البحث و التقصي بأروقة المواقع على الشبكة العنكبوتية للحصول على مبتقاه --__-- شوارعنا و أجوائنا الصعبة لا تسمح بزيادة السرعة و الوصول لهذه السرعة الصاروخية التي تؤدي بأغلب الأحيان لحدوث مأساة حقيقية --__-- أفضل طريقة للسرعة هي الدخول بمعترك المعركة بلعبة BornOut الجديدة على محطة العااب PS3 و لا حاجة لنا للسرعة على هذه الشوارع المشوهة و الملئى بالتعرجات و الحفر و سوء التصميم و الأهم وجود الأرواح التي لم تخلق عبثآ ( أرجوا الإنتباه لهذه النقطة يا مفحطين و مسرعين ) --_-- أرجوا السلامة للجميع و أوقاتآ ممتعة و مشوقة أتمناها للمفحطين و المسرعين بلعب BurnOut على محطة الألعاب المفضلة لديهم ...و شكرآ .
لعبة المسرعين و المفحطين الجديدة
يا شباب السرعه مو في صالحكم تراها ضدكم في كل شئ
انا مع اخوي gogo اشتري بلاي ستيشن اثري بـ 1800 ريال وشريط بـ 200 ريال وسارع وفحط زي ما تبي وجاكر الدوريات زي ماتبي مافي حجز ولا حوادث تضركـ
ولا تكلف روح عشان لذة السرعه الزائفه
شباب بما ان الموضوع قديم حبتين بس حلوو وطلعه ابو عزوز الله يذكره بالخير ...:d
شباب ممكن تسألون عن الاكورد 2005 ... هيه تصلح لها ؟؟
وشكراً..
طاط طاط طوط طيط ... بأقتبس كلام فيما معناه ... من موضوع آخر .. لإحدى سيارات هوندا ..
ان الشركة يسعدها انك تمشي بسرعة 272كم/الساعة --160ميل/الساعة--
بسبب درجة الأمان المتوفرة في إحدى سياراتها .. ولكن اللي يكتبه ربي بيصير لو توقف محلك يمكن تطيح عليك طيارة ..:d<<<تفكيرك يا بطل .
الموضوع قديم .. لكن عندي معلومة بعد زيارتي للورشه ..
طيب .. إذا أنت لك رغبة بفك برمجة السيارة .. هو فيه قطعة تشتريها ويبرمجوها لك ..
وأحلى تكيه للعداد ..
القطعة يشتروها لك أو أنت .. تكلفة القطعة والبرمجة والتركيب 1800 ريال ..
ويقول إنه ماراح يجي القير شي .. > بعد مشيئة الله
ــــــــــــــــــ
مرة كنت طالع من عنيزة إلى البدائع .. بحضر زاوج ولد عم كاتب الموضوع .. ;)
وبأول الخط .. إلا ذاك الأكورد اللي يكبس يبغاني أفتح له الخط . وقتها كنت أمشي 180 تقريباً ..
وأنا أرد نمرة للرابع .. وأدعس .. والرجال مُصر إلا أفتح له الخط ..
فتحت له وأنا على 210 ممكن قبل ماتقطع .. الرجال جابني وتعداني
وأنا بدءت سيارتي تقطع على 220 ..
والرجال مازال قدامي بمسافة سيارة
والمشكلة إني داعس من أول ما كبس لي ..
بصراحة أنا أنحرشت
وكل الخط 25 كيلو والرجال قدامي .. وانا موتري ما عطيتها الخامس أبداً من يوم ما كبس لي ..
قطعت معي السيارة قريب 8 مرات ..
ولا يزال الرجال قدامي بمسافة سيارة ..
ياكبر لوحه الورشه صراحه جبت مجهر عشان اشوفها
ثانيا تتوقعون التحكم في الاكورد على سرعه 260 كيف بيكون
ليتها تزيد العزم ولاتزيد السرعه
الله يحفظنا وياكم
هذي سلمك الله .. قرار صدر من بلدية محافظة عنيزة أنه ضريبة على اللوحات .. بمعدل 100 ريال لكل متر سنوي تدرفع هذا المبلغ ..
يعني تتعب إذا أنت تدور محل بعنيزة .. إلا بمنظار - دربيل - وزين إذا شفت شي
إذا تبغى زيادة بالعزم .. الله لايهينك عدل بسيارتك : فلتر هواء ، دبة رياضية ، هدرز ،
تنسيم للبخاخات ، ........... إلخ .. والقائمة تطول ..
يسلمووووو على المرووور...........;)
السلام عليكم امس وانا ماشي في خط الملك اكورد وصني قومة وخط والصني قدام الاكور فرق عامود والصني مركب فلتر مشاء اللة عليها موديل 2007 والاكورد 2007 والصني قدام والاكورد عل الدبل3 ماجاب نتيجة واللة النيسان جبار مكاين صغيرة وتعمل كدا
يسلمووووووو على المرووور
الله يهديك يا اخي هذا حرام لاترمي اخوانك الى التهلكه استغفر ربك و لا تنزل مواضيع مثل هذه الله يجزيك كل الخير
'
'
'
بسم الله
ابداء
اقول لمن اراد ذالك
لاداعي لأن ترمي بنفسك للتهلكه
تذكر:
اولاً انها انتحار
ثانياً هنالكَ مَن يسئل عنك ويكون في انتظارك
ثالثاً لاتخسر نفسك ومالك واهلك
دمتم
سالمين بحفظ الله ورعايته
مواقع النشر (المفضلة)