سلوكيات تغيضني

**اكورد الجنوب** · 03-09-2006, 12:20 PM

بادىء ذي بدء نشكر الله على أن جعل منتدى محبي هوندا مكان لتواصلنا جميعا ونشكر القائمين علية كل الشكر وذلك لكوننا إجتمعنا على المحبه والتكاتف.
ثانيا أحببت أن نتعرف على بعض أكثر من حيث السلوكيات وبعض مشاكل الحياة لنستفيد منها ومن المواقف التي تغيظني دائما.أولا الكثير منا يخرج بالسياره وهو رايق ويجد أحيانا مايكدره ومن ذلك أشياء كثيره وعلى سبيل المثال بعض المواقف المتكرره من البعض هداهم الله ترفع ضغطي ومنها. إذا كنت على طريق سريع وأنت متجاوز عدد من السيارات تجد خلفك أحد هالمستهترين جالس يكبس بالنور خلفك يعني وين أرحوح يمين سيارات وأنا متجاوز وبسرعه زائده لايهم المهم أن تفتح الطريق لسعادة المتهور .الموقف الثاني بعض الاجانب عند الإشاره وماأكثرهم يفتح الباب أعزكم الله ويجلس يبصق على الأرض. أيضا كسر الإشاره المروريه وهذا ياما وياما أهلك أسُر بريئه. الزحمه المروريه ترفع الضغط . أعرف بأن هذا الموضوع ليس بجديد ولكن أحببت أن أجدده . أيضا بذلك نعرف ماهي سلوكيات الكثير من الناس ولعلنا أيضا نستفيد من المواقف التي نقرأها من الشباب والله الله بالردود الي ترفع الراس

**DuGarrY** · 03-09-2006, 12:37 PM

والله فعلا يا اكورد الجنوب بعض الاحيان تكره الساعه الي طلعت فيها

اجل مره واحد يكبس لي وحالته حاله مهب بشارع سريع ولا شي واخرتها يوم تعداني يمشي شوي شوي ووقف عند الاشاره سلامات ؟

ولا واحد الشارع عنده كبر قريح يجي يشطفك تشوف انت ماسك اليمين والنص واليسار فاضيات وما فيه سيارات ولا شي يجي يشطفك والله مرض مشكور اخوي اكورد الجنوب

**Accord 4 EvEr** · 03-09-2006, 12:51 PM

الله يعطيك العافيه اكورد الجنوب ...

انا عن نفسي مايرتفع ضغطي صدق الا اذا جاك مصري والا هندي ماسك اقصى اليسار وماشي 60

اما عاد بالنسبه لليموزينات حددددددددث ولا حررررررررررررررررج

قسم بالله احيانن اتمنى يكون عندي ونيت جمس وامسك خطي ويجي ليموزين يستهبل ويسقط علي :d

ياشيخ لا اخلي وجهه اللي يشوفه

فووتكوو بعافيه ...

**اكورد 2006** · 03-09-2006, 12:52 PM

انا كل شي يهون عندي تعال اشطفني سو اللي تبي بس اهم شي موتري مايجيه شي بس اكثر حركه تقهرني اذا سقط علي احد ومسك بريك في وجهي ووراي سيارات

**ن ك د السـعــــوديه 3 5 7** · 03-09-2006, 02:52 PM

اما عني مايرفع ضغطي الا هالمبزره اذا جاك طاااااااااااااااااااااااااااااااااير

ومسوي قروشه وتكبيس واخر شي اذا وخرت عنه قام

؟؟

هذا وش تسوي له ؟؟؟؟؟؟ تفرشه قليله عليه

هذا ياطولين الاعمار <<<<<<<< جالس في خيمه الاخ ;)

مره كنت ماشي في الخدمه شوي ياولد يصقط علي بزر معاه فان لا يلعن ام اللون بعد اخضر

المهم واضرب فرامل اليييييييين طرشت الهوندا زيت ويطلع على الرئيسي

والله واجيك وراه وعلى طووووووووووول صقت عليه وحديته اليييييييين بغى يخش في الرصيف

المهم هو خق خاف لا انزل والينه تليييييييين <<<<

وش عنده الحديد

المهم اول ماحديته الا قدامي اشاره بغيت اوقف الا والدوريه على اليمين جاي مع الشارع الثاني طلع راعي الدوريه صايدني ويولع السفتي

ويطردني وانا مافيه الاقطع للاشاره وماتشوف الا الاكورد رفعت الصدام وحطته تحت الكبوت وعضت عليه

وماتشوف الا غبار وراها وانا انحاش يمين يسار مع الحواري اليييييييييين زبنت <<<يعني تخبيت واروح لاخوياي واصفط عندهم وانواع الخرشه لا يصيدوني وانواع التمغيط المهم وربع ساعه الين هدى الجو وادز الشرقيه............

اما بالنسبه للي وراك وقاعد يكبس فالحل عندي وانا ابو بكس :d ههههههههههه

ابد اللي زي كذا بس شمم له فرامل يا شيخ اذا مالقيت صدامه اللي ورا قدام والا ماني نكد<<<<<<<< كيف بس اسم على مسمى صح ;) :p

**ن ك د السـعــــوديه 3 5 7** · 03-09-2006, 03:05 PM

المشاركة الأصلية كتبت بواسطة اكورد الجنوب

يعني وين أرحوح يمين سيارات

وش ذي اكورد الجنوب ؟؟؟ والله قويه غطيت على الاخطبوط بالكلمه ذي :d

الظاهر اني وصلت 8 الحين هذا اذا ماكان اكثر ;)

صادوه

**الاخطبوط** · 04-09-2006, 08:50 AM

ارحوح >>> ادغام بغنه

انا اللي يقهرني

يجيك واحد على الدائري والدائري فاضي وهو ماسك اليسار وماشي ثمانين تكبس له مايوخر ولما تجي تسقط من يمين يسقط عليك يعني اني ليه تتجاوز من اليمين خخخخخخخخخخ

والشي الثاني لما توقف عند الاشاره وانت مستعجل وتنتظر تصير خضراء على احر من الجمر ماتدري الا وذا اللي ساقط من اقصى اليمين ويوقف قدام السيارات كلهم وتخضر الاشاره والناس بواري وتكبيس وهو مايدري >>> كأني سويتها مره :d

**S T ! N G** · 04-09-2006, 09:46 AM

على طاري الى يقهر ابقولكم سالفه

يوم الجمعه كنت في طريق الملك فهد وماسك اليمين وماشي في حالي

ما دريت الا ويجي واحد دخل من الخدمه لطريق الملك فهد وعلطول جى قدامي ووقف

انا بغيت اخش فيه

تقولون ليش وقف والشارع فاضي على شان كان يتحاد هو وواحد

وين يبوي وش قمه هل استهتار تحدى في طريق الملك فهد

ويا كثر المشاكل والاشياء الى ترفع الضغط

**BLK** · 04-09-2006, 12:46 PM

إيه والله سلوكيات مغيظة :d

ولا عاد راعيين السيارة الي في بالي <<<< معروفة بدون تجريح خخ

يجيك في الإشارة و يمسك المسار الرابع أو الثالث من اليمين و يمسك الخط قدامك !!!!! <<< تعلم منهم الهجولة :d

و أكثر شيء يقهرني الي يعصب و يفكر نفسه الصح و غيره الخطأأأأأأأ !!!

**دحوم** · 04-09-2006, 12:48 PM

كلامك صحيح لكن البعض يبدا بفعل حركات غير لائقة اخلاقياً بسبب انك طلبت منه يفسح الطريق او انك صقطت عليه .

**accord-se** · 04-09-2006, 12:57 PM

اشياء كثيره ترفع الضغط بس لازم تكون مسامح في اغلبها وإلا بتعرض صحتك للخظر والشي مايسوى

يقولك لما تشوف واحد مايعرف يسوق وا فيه رجه خليك أعقل منه وخليه يمشي لاتخليه يكون سبب في تعطيل اشغالك

من هذي المواقف ..... يكون واحد ماسك اقصى اليسار عند الإشاره وهي حمرا وبعد ماتفتح ياخذ يمين و يطلع يده من النافذه أبي يمين . هذا الموقع كثير اشوفه حتى دوريه شفته يعمل هذا الشي ... كذلك عندما تفتح الأشاره تقول مسابقه الي يشوفها قبل يدق هرن ... مادري إذا واحد بيدق هرن وهو بأول الصف ههههه ياشباب يالله امشو تراها فتحت

**S T ! N G** · 04-09-2006, 03:07 PM

اقتبس الكلام من الرجال 8 8

يقولك لما تشوف واحد مايعرف يسوق وا فيه رجه خليك أعقل منه وخليه يمشي لاتخليه يكون سبب في تعطيل اشغالك

كلام سليم يعني كلها تاخير نص دقيقه خله يروح وتسلم على نفسك وعلى سيارتك

**M///** · 04-09-2006, 03:13 PM

اي والله من جد كل واحد من الصغار يبي يسوي نفسه قوي,,, خلك اعقل منه مو تحط راسك وياه والأكورد ااشوفها للعقال مو المهزلة الكامر*

واحد من الشباب عنده Bmw M5 يقول انه شراها للأشكال هذي,,, أبد شكلها عادي للي مايعرف.. وخذ تهزيء صح!!!
على الخط مو تقوم عليه تختفي من قدامه 1000 كيلو ياشيخ...
وياما راعين ال أس أس زعطوا بتكبيس وقلة حياء وكسر راسهم
الي يعجبني فيه أنه ما يقاوم اي احد بس الي طالب حرش يخليه يتوب ما يقاوم أحد.

**accord 06** · 04-09-2006, 05:38 PM

انا ما يرفع ضغطي الا اذا جاك واحد ماسك المسار الايسر و مهدي

و تكبس له و ما يفتح لك و اذا جيت تتجاوزه من اليمين دعس عشان ما تتجاوزه

**accord 06** · 04-09-2006, 05:41 PM

المشاركة الأصلية كتبت بواسطة ن ك د السـعــــوديه 3 5 7

هذا ياطولين الاعمار <<<<<<<< جالس في خيمه الاخ ;)

ليه يا ن ك د بس ليه :d

**the_faris** · 04-09-2006, 05:50 PM

موضوع حلو ويدل على فكر عالي لاخونا أكورد الجنوب...

اما بالنسبه للسلوكيات اللي تغيضني فاغلبها قالوها الشباب...<<<< زول الاخ:d

وتحياتي للجميع,,,

**لورد الاكورد** · 04-09-2006, 06:02 PM

انا والله ما ضنيت احد يمر بموقف مثلي ويسوي الحركه الي سويتها

هذولي مبزرة معهم هايلكس ديزل :d

المهم جاي انا امشي 160 واكبس له ولا فتح الخط المهم قمت وخليت العالي عليه

لانه ماخذ المسار الايسر والاصفر بعد (شارع ابوة) المهم ضرب بوجهي فرامل انا وقتها طار

عقلي المهم مخلي انا العالي والع عليه قامو وفتحو القزاز وطلعو يديهم يسلمون علي (افهموها عاد)

المهم انا ارتفع الضغط عندي شوي مشيتها لهم قامو وطلع واحد منهو وذب علي قوطي ببسي على قزازتي يبي يكسرها المهم انا خلاص الحرارة اتش قمت وفجرت المكينه واصقط عليه من الوسط واعطيه الركن من عند غطى البنزين واصدمه :d

قام اهو وضرب بالصبات وانا طفيت النور وهي الفجره :d

واسفين على الاطاله

مع تحياتي ,,,

**اتــشـــــ** · 04-09-2006, 08:12 PM

[quote=لورد الاكورد] المهم انا خلاص الحرارة اتش قمت وفجرت المكينه واصقط عليه من الوسط واعطيه الركن من عند غطى البنزين واصدمه

quote]

:d :d :d :d :d :d :d

**هـ ل ن السعوديه 818** · 04-09-2006, 10:10 PM

مايقهرك الى الشيبان والتكاسي والسواقين في الاشاره اذا صار اليمين تقدر تروح طوالي ويمين وقف فيه الى تسمع البوري من ورى

بس ترى هالحركات مابديت اشوفها الى عقب ما شريت الاكورد
ولا قبل معي ددسن 98 ابن امه وابوه الي يخش علي ولا ويعي ويخر عن دربي مافيه الى دف صدامي يحب صدامه:d
مره راجع من المدرسه ايام المبزره(الي يسمعني يقول متخرج من الجامعه ومعه الدكتوراه مايدري توي متخرج من الثنوي)ويحادني راعي لكزس وامخشه لعانه واول مالفينا يمين دعس وروح قدامي يضرب بريك وهدي المره الثانيه سواه ما هديت مشيت على سرعتي
ما ادري الى يفجر الموت وينحاش عاد ما سلمت من هالحركات
احس اني طولتها

**Cool Civic** · 04-09-2006, 10:32 PM

لو تدرون ايش صار معاي أنا وأخوي

كنا ماشيين في الخط السريع رايحين المطار مع الأهل المهم أخوي كان متهور و مسرع شويه قامت الوالدة قالتله هدي و أمشي 120 زي السرعة القانونية طبعا ما قصر وهدى ومسك الخط اليمين بسبب سرعة السيارات الثانية و المصيبة هي الآتي إذا بشاحنة كبييييرة جايه من ورانا مسرعة وتكشح لأخوي بالعالي من ورا يقولوا وسع!!!!!!!يا أبوي ماشيين 120 و شاحنة يبغانا نوسع بعدين اللي صار انه جاك معدي من اليسار وقاعد يطالع فينا معصب.
إذا شاحنة كبييييير وجاك معدي 130 ايش تتوقع من كورولا 200..

أنا أشوف الواحد يحترم نفسه زي ما يبغى الآخرين يحترموه وهذا القاعدة اللي أمشي عليها (حب لأخيك ما تحب لنفسك).

**ن ك د السـعــــوديه 3 5 7** · 04-09-2006, 10:53 PM

صادني accord 06

**ن ك د السـعــــوديه 3 5 7** · 04-09-2006, 11:06 PM

المشاركة الأصلية كتبت بواسطة هـ ل ن السعوديه 818

مايقهرك الى الشيبان والتكاسي والسواقين في الاشاره اذا صار اليمين تقدر تروح طوالي ويمين وقف فيه الى تسمع البوري من ورى

بس ترى هالحركات مابديت اشوفها الى عقب ما شريت الاكورد
ولا قبل معي ددسن 98 ابن امه وابوه الي يخش علي ولا ويعي ويخر عن دربي مافيه الى دف صدامي يحب صدامه:d
مره راجع من المدرسه ايام المبزره(الي يسمعني يقول متخرج من الجامعه ومعه الدكتوراه مايدري توي متخرج من الثنوي)ويحادني راعي لكزس وامخشه لعانه واول مالفينا يمين دعس وروح قدامي يضرب بريك وهدي المره الثانيه سواه ما هديت مشيت على سرعتي
ما ادري الى يفجر الموت وينحاش عاد ما سلمت من هالحركات
احس اني طولتها

صادوه............................;)

**أبان الطباع** · 04-09-2006, 11:07 PM

"القيادة فن وذوق وأخلاق"

كم أتمنى من كل قلبي أن يلتزم الجميع بذلك، أخص أعضاء نادينا الحبيب

**ه ا د السعودية 451** · 04-09-2006, 11:41 PM

مشكـــــور اخوي اكورد الجنوب على التنويه <<<اقعد على الكلمات

القيادة تفحيط و رجة و اقلاع -------------------- >> نهايتها حياتك:(

القيادة فن و ذوق و اخلاق <<< قاريها في دله :d

يا شباب انا اعوذ بالله متهور لدرجة اخوياي ما يركبون الا بتعهدات وحلفان اقولها وبلا فخر

كان مع اخوي كابريس SS المهم كنا في الجنوب اجازة رمضان قبل العيد بيوم تعرفون الهجوله والدوران تعرفون طريق ابها الخمييس

واسدح طبلونه يمشي الموتر طلع لي هايلوكس سواق افغاني ماسك الخط الايمن قلت ابي اشطفه من اليمين ويحكني ويروح الكابريس ---------------------------------------

انا مادريت الا في المستشفى ابوي ونص جماعتنا الحمد لله جت سلامات ....مع انه اول ايام العيد:(