السرقات و التفحيط بهوندا أكورد 2008 موضوع يحتاج نقاشكم

[SAUD]

السلام عليكم ورحمه الله وبركاته

قد يكون العنوان غريب قليلاً

لكن كنت قبل فتره في الوكاله اسولف مع مسئول الصيانه وسئلته عن المثلث الموجود بالزجاج الخلفي للاكورد 2008 فقال لي السوداني والله تجينا من فتره لفتره ونغيرها بفعل السرقات ... فما ادري ليش هوندا متمسكه بهذا المثلث الي قد يساعد على السرقه للاسف واستغله ضعاف النفوس لذلك فانا للاسف لا املك ( كراج ) لكي اوقف سيارتي فيه وكل يوم اوقفها بالخارج واقول عسى ربك يستر

النقطه الثانيه يا أخوان التفحيط الكل يعرف ان افضل سياره للمفحطين هي الكامري + السوناتا ولكن ماذا عن الاكورد 2008 وخاصه بعد ماشفت هالصوره خفت والله فهل هي خفيفه ام لايحبها المفحطون المخربون ؟؟؟

[AL5FY]

اللي يفحطون بالاكورد 2008 أغلبها مسروقه والباقي ايجار

[امبراطور الاكورد]

اتوقع ان السياره ماتشتغل وهي واقفه يصرقونها وهي تشتغل

[accord08 4 ever]

^^^^^

كلام سليم 100%

[B Unique]

ودي اعرف ليه مكبرين الموضوع ؟!

السرقات والتفحيط تصير لكل السيارات مو بس للاكورد 2008
ما فيه احد احسن من احد

الله يحفظنا وياكم ونسأل الله السلامة

[ملك الحر]

يا أخوي إللي يكسر المثلث هذا يدور جوال ولا محفظة أو فلوس أو أستبنة.

أما إللي بيفحط ... لازم يسرق السيارة و هي شغالة (شغالة أي و المحرك يدور على رأي الشاعر و ليس الشغالة إللي بالمنازل).

لأن كل مفاتيح السيارات الجديدة يوجد بها سينسور (قطب سالب) و يوجد في السويتش سينسور آخر (قطب موجب) فلا يمكن للمحرك أن يدور إلا إذا إلتقا القطبان.

و تحياتي للجميع،،،

[CIVICORD]

صادق ..

بس الأكورد 2008 .. فيها نظام يطفي السيارة بعد ما تمشي 1500 متر ..

[king accord 2008]

أولا بالعكس المفحطين يقدرون الاكورد للاسف
ثانيا اذا صارت السياره شغاله لا تتركها لان اللي يبي السياره كلها بيسرقها وهي شغاله
لكن الخوف من سرقة الجنوط والحل قفل الجنوط

[kakashi-san]

و عليكم السلامْ ،

قبل ما أبدأ في كلامي ،

أحب أقول لك ما فيه سيارة في العالم ما تنسرق ،

بالله عليك جب لي سيارة ما تنسرق ، XD

إذا ما انسرقت و هي مغلقه ، اجل بيسرقونها و هي مشتغله ، :d

يعني فيها فيها ..

صديق الوالد عنده مايباخ ، ما ادري كان اسمها كِذا ،

الزبدة أهي علامتها مرسيدس ، و ما تشتغل الا بالبصمةْ ،

و مع ذلك سرقوها ،

يعني اللي يبي يقي نفسه ، عليه بالقراءة على السيارةْ ( :

و بالله التوفيق ~

[محمد بن عبد العزيز]

كل سياره معرضه للسرقه راح يفحطون فيها ..

حتى التريلا العايدي .. مفحطين وقاص الدوار صح .. خخخ

^^^
اترك التعليق لكم >>بس طحت من الكرسي من قوة التخلف ...

:d

والكابرس..

وسيارات اخرى .. انتو عارفينها..

[Slam tic]

أنا ماأتوقع لو شالوا المثلث بتخف السرقات ... أصلا اللي يبي يسرق بيكسر اضعف شي واللي تنكسر بسهوله وقريبه من مفتاح الشنطه عشان يسرق الاستبنه اما بالنسبه للتفحيط فأتوقع انه لابد تكون سليمة من اي خلل حتى القزاز.

[أبو سليمان]

أغلب السيارات اللي يفحطون فيها مسروقه وهي تشتغل

لذلك خذها قاعدة لا تنزل من السيارة إلا والمفتاح معك حتى لو كانت السيارة جمبك ممكن يجيك حرامي بجيح ويركب من الجهه الثانيه ويقفل البيبان , تنسرق السيارة قدام عيونك

اما الكفرات , ركب مسمار الحمايه والشنطه قفلها بالمفتاح

يبقى الخوف على كسر القزازة وتفتيش السيارة

الواحد يسوي اللي عليه ويتوكل على الله

[هنادي 8]

كلام سليييييييييييييييم ابو سليمان

[..rec0o0o..]

بالعكس ترا السيارات الجديدة صعب سرقتها يعني مو اي احد يقدر يشغلها ويمكن مافيه احد
لكن الاكورد اللي تشفونهم يفحطون عليها ترا اغلبها اجار حتى لو عندكم صور لتفحيط داخلي تشوفون تعليقة المفتاح حقت اجار

وبعدين ترا الطارات يقدرون الاكورد بالذات من 2006 تراها عندهم اطلق من الكامري :d

ما نقول الا الله يستر والا لو تحط فسيارتك سيكورتي بتنسرق :d

لعيون نادي محبي هوندا

[م ل ك 2008]

افضل سياره للمفحطين هي الملكه سوأن فيه مثلث او مافيه مسروقه مسروقه والله يستر علينا من السرقات اهم شي لاتخلي السياره شغاله

[SAUD]

أولا بالعكس المفحطين يقدرون الاكورد للاسف
ثانيا اذا صارت السياره شغاله لا تتركها لان اللي يبي السياره كلها بيسرقها وهي شغاله
لكن الخوف من سرقة الجنوط والحل قفل الجنوط

وش المقصود قفل الجنوط ؟؟

ممكن توضيح

[المباشر]

هو قفل لكل جنط من الجنوط الأربعة يتم تركيبه لحماية الجنوط من السرقة وله مفتاح خاص يصعب وجود مثله و يختلف المفتاح عن كل قفل من المصنع والمفتاح يختلف للأصلي فقط وليس للتجاري

[King]

الأخوة الكرام

من الأفضل عدم ذكر طرق السرقات لتفادي سرقة سيارتك

ومن ناحيتي أن التفحيط شائع بشكل عام وليس بنوع معين من السيارات

تحياتي

[accord08 4 ever]

أقـــول لو أحد نــاوي يسرق سيارتكـ سرقهـــا

حتى لدرجه يعطيكـ كف وياخذ السيــــاره:d

[xHeartcoreboyx]

التفحيط ببساطة ، هو نتيجة طبيعية...لما تحط فلوس بيد خروف ماراح يعرف كيف يتصرف فيها...

لما تجيب واحد شخصيته تعبانة و ما عنده شي يعمله .. و تعطيه "بااااع" يعني سيارة..ما عنده غير يحفط..

و بالنهاية...تنحرق في السيارة...و يبدا كل واحد يعزي و يبكي و يخربط...اما انا شخصيا ، اقول الله ريح الأوادم منه ،الله يصبر اهله..

[malathe]

افضل سياره للمفحطين هي الملكه سوأن فيه مثلث او مافيه مسروقه مسروقه والله يستر علينا من السرقات اهم شي لاتخلي السياره شغاله

وانت فرحان عشانهم يفحطون بها

[زووم6]

اخوي هى وصلت على الاكورد فحطو على بي ام 2006 وقلب فيها قدام عيني ومفحط مشهور بعد

والاكورد مشهور بالتفحيط من 2003 وكثير من الفحطين يمدحونها ويفضلونها على الكامري

واكثر السيارت الى يفحطون فيها ايجار مع انهم طايحين بحركه يصدمونك صدمه خفيفه واذا نزلت

تشوف الصدمه نزل واحد منهم وسرقها قدام عينك

[Jack]

الله يكفينا شر السرقات

يا شباب ترى التفحيط موزين

فارجوا من اليفحط يتركه اسلم له ولغيره

دمتم بحفظ الله

تحياتي..

[king accord 2008]

وش المقصود قفل الجنوط ؟؟

ممكن توضيح

كل كفر فيه خمس صواميل تركب اربعه والخامس يكون صاموله غير لها مفك غير وما يفكها الا هالمفك طبعا هالكلام للاصلي

[xHeartcoreboyx]

على فكرة يا شباب أقفال الجنوط ممكن بسهولة تنفتح بأدوات معينة أو بدرل بريشة صغيرة ..

الحل الأفضل لتجنب سرقة أي شئ بالسيارة ، هو انك تركب سنسورات للحركة .. اي تغير بوضعية السيارة و لو لسنتي واحد يبدا الإنذار بالتشغيل و يفضح الحرامي فضيحة ... يعني بهذي الطريقة مافي اي مجال للسرقة ..