وي وي وي :d
<<<معرووفه الـ2008 بفخامتها وحلاوتها:pههههه:d
بس ليت تعلمين بكم بالريال السعودي
السلام عليكم
اليوم رحت الوكاله
وشفت الملكه عن بعد تناديني
ركبتها وعشت اللحظه
والله فخمه فخمه الصرااحه
الله يرزقني فيها
المهم
سعر الاكورد الفل اوبشن 4 سلندر
جلد
فتحه سقف
ب 8700 دينار
بالتسجيل والتامين والرايبون
تصير ب 9100 دينار
حبيت اخبر اللي ناوي يشتري اللحين
وطبعا في عروض في رمضان اكثر
تحيتي
مها
وي وي وي :d
<<<معرووفه الـ2008 بفخامتها وحلاوتها:pههههه:d
بس ليت تعلمين بكم بالريال السعودي
هههههههههههه يوز :d
زيد صفر ع اليمين وتصير بالسعودي
اسعاركم ارخص من السعوديه
وليت السعوديه والبحرين يطبقون نظام منع الازدواج الضريبي بين الدولتين عشان نفتك من دفع الجمارك
بالتوفيق اختي مها
ايه والله
ياليت تعلمونا بكم ريال تسوى :d
بدون اللوحات تصير بـ 87000 ريال
~> آآآآآآآآآآآآآآآآخ ، كتبت رد شطوله و شعرضه ،
و في الأخير راح هباءاً منثوراْ ><"
:
شسمه ؛ أول شيء و عليكم السلامْ
ثآني شيء ،
يعطيكِْ العافية الشيخةْ ،
بصراحة جاتني ايام كنت ببيع الأكورد حقتي و بجي البحرين و بآخذ لي أكورد 6 سلندرْ ،
كنت شايفها بـ 105 بس ، !!
و غير العروض اللي وياهاْ ، :(
من جد عروض و لا احلىْ ،
يعني سعرها بالسعودي 87 ألف ،
يعني و لا احلى يا شبابْ ،
أذكر سمعت مثل هالمواصفات وصل سعرها عندنا الى 95 ألف ، !!!
يعني يا شباب اللي يبي يشتري ، الله لا يهينه يروح البحرينْ ،
و عقبآل ما نشوفِك كاشخه بالموتر الشيخةْ ،
نبي نشوف تصويرِك له عقب ما تشترينهْ ، ;)
لا هنتِْ ،
.,’~
والله السعر جدا ممتاز هنا عندنا وصلت لأبواب الـ 95 ألف يعني فرق حوالي 8 ألاف ريال >>> فرق ماهو هين
مع العلم اني اخذت الـ 2006 على أيامها بـ 88 ألف ريال واذا كانت الـ 2008 قريبة من هذا السعر فهو أكثر من رائع
مين عنده خبر اذا السيارة بتاخذها جديده من احد دول الخليج كم بتكلف عشان ندخلها السعودية ونسجلها؟؟
الاخطبوط كان هنا
يعطيك العافية مها
بصراحة فرق مو هين بالسعر
طيب لو اشتري السيارة من البحرين كم بيكون سعر الجمرك ؟؟؟
يا شباب مثل ما قال لي صديقيْ ،
إذا أخت سيارة من أحد دول الخليج و هي وكالةْ ،
ما تدفع لهم شيءْ ،
و اللي يسأل و يتأكد أفضل له ( :
.,’~
والله سعرها جدا حلو ...
87
بس شكلها اللوح تكلف عندكم ... يعني 4000 لوح وتأمين مو كثير ..
عالعموم الله يكتبها لك بأقرب وقت
وشكرا عالمعلومه ..
والله كشخه ..... نفس آخر مرة رحت البحرين ... كانت نفس ذي الأسعار
بس وش العرض؟؟؟ ما في هدايا ؟؟
عوافي.. عقبال ما أشوفك مآخذه فضية.. عشان نصير طقم خخخخخ :d
هذا إللي أنا ناوي عليه...
بس أستنى الأسهم توصل لحاجه معينه..
وناويها من البحرين وإلا الإمارات :d
على الأقل يقولون فيها شاشات... ولا شغل أبو نصب إللي عندنا هم وشاشاتهم خخخخخخ
بيعوهم بيعوهم
<< تحرضكم :o
بس لما سألت قالي مافي الشاشه
بس مادري جان على اخر السنه بتنزل او لا
انا ماراح اخذها الحين
باخذها في عروض رمضان ان شاء الله
لانه بتكون ارخص من كذا وعلى اخر السنه فالسعر ينزل لانه 2009 نازله
<< تخطييييط يزعم :d
و الله اني اليوم عزّمت بروح ابيعها في المعارضْ ،
بس يا خي حرام و الله ،
ما بقى شيء ما اضفت عليهاْ ،
في الأخير يتهنّى اللي بيشتريهاْ ،
بس يعني بالعقل شو بنستفيد لو تم بيع سيارتنا و نشتري جديدة نفسها o.0
ما أظن راح ينزلون شاشة حتى لو 2009
و عقبال ما نشوفِك كاشخةْ بالأكوردْ ،
صديقي البحرينيْ ، عند اخته اكورد ذهبيْ ،
اظن هاللون اهو اللي يناسب للبناتْ ،
و بالتوفيق الشيخة ~
لا امزح لا تبيعها
انا قالو لي اجريها جربي سواقتها مارضيت
لانه حرام تدفع فيها وتتعب عليها واخر شي تبيعها
بعدين تاخذ وحدها مثلها مو حلوه
خلك على الملكه اللي عندج والله يرزق خيرها ويكفيك شرها
اقدر اخذها بدون لوحات وبدون تأمين؟؟
لأني ابي اسوي التأمين بالسعودية
وبعدين اللي اعرفه ياشباب ان سعر صرف الريال السعودي بالدينار البحريني اختلف الحين
ريالك يالحبيب صار خرطي مهب الاولي
اتمنى تجاوبين اخت مها
أي اخوي تقدر
تشتريها من دون ولا شي
وسعرها من دون اللوحات ولا التسجيل ولا التأمين
ب 87000 ريال
سؤال صغير اختي
كم سعر الاكورد الـ v6 في البحرين ؟؟
خلك على الملكه اللي عندج والله يرزق خيرها ويكفيك شرها
أختي مها تراج تحاجين ريال ( رجال ) خخخخخخخخخ
معليش أنا أجاوب :o ....... الاكورد الـ v6 في البحرين ما تجي الا فئة وحده وهي فل كامل جلد .... وسعرها مع التأمين واللوحات والاستمارة وتظليل السيارة كامل = 10500 دينار بحريني ... يعني 105000 ريال سعودي تقريباً ........ واذا تبغاها بدون التأمين واللوحات والاستمارة والتظليل .... أعتقد يطلع سعرها أقل ب5000 ريال تقريباً
وشكرا..
اعتقد اذا ماخاب ظني الجمارك تاخذ 5% من قيمة السيارة رسوم جمركية
ترسيم السيارات وألية تحديد قيمتها الجمركيةترسيم السيارات وآلية تحديد قيمتها الجمركية:
إرشادات للمستورد :
- مطابقة السيارة للمواصفات القياسية بالمملكة ، ولم يجري تعديل بمقودها.
-عدم وجود تلفيات بالجسم الخارجي للسيارة ، إلا إذا كان ذلك بميناء الوصول، فيقدم شهادة من الجهة المختصة .
-لا يسمح بإستيراد السيارات التي تعرضت لحوادث غرق أو حريق أو تصادم أو إنقلاب .. الخ .
-لا يسمح بإستيراد السيارات التي كانت تستعمل كسيارات إجرة أو للشرطة.
-سريان مفعول صلاحية وثيقة الإقامة للمستورد ، إذا كان من غير مواطني دول مجلس التعاون لدول الخليج العربية .
-لا يحق إستيراد أكثر من سيارة في السنة ، ما لم يكن لدى المستورد سجل تجاري في نشاط بيع واستيراد السيارات.
المستندات المطلوبة لترسيم السيارات المستوردة :
أولاً/ السيارات الواردة من دول مجلس التعاون لدول الخليج العربية :
1.نموذج تصدير، صادر عن الجهة المختصة (إدارة المرور) بدولة تسجيل السيارة ، أو تقديم مستند براءة ذمة مع دفتر ملكية سارية المفعول من الجهات المختصة ببلد التصدير، للسيارة إذا كانت مستعملة .
2.بيان جمركي من الجمارك بدولة التصدير.
3.إذا كانت السيارة ليست بإسم المستورد ، تقديم وكالة شرعية لم يمضي على إصدارها أكثر من سنة، تعطي حاملها حق التصرف بالسيارة وترسيمها.
4.لأغراض المقاصة بين دول مجلس التعاون:
أ / إذا كانت السيارة مستوردة عن طريق أحد المنافذ الجمركية لدول مجلس التعاون (عبور) ، بعد تــاريخ 1/1/2003م ومقصدها النهائي المملكة العربية السعودية، يلزم تقديم المستند أدناه :
- نسخة من (بيان الإستيراد) لمنفذ الدخول الأول ببلد التصدير، أو صورة مصدقة منه. مختومة بـختم المقاصة من دولة التصدير بحيث يتضمن كافة البيانات المطلوبة ومقدار الرسوم الجمركية الخاضعة للمقاصة .
ب/ إذا كانت السيارة واردة إلى إحدى دول مجلس التعاون بعد تــاريخ 1/1/2003م وقام المستورد بشرائها من أسواق دول المجلس ويرغب نقلها إلى المملكة ، يلزم تقديم المستندات التالية :
1.أصل (البيان الجمركي الإحصائي) مختوم بختم المقاصة من دولة التصدير بحيث يتضمن كافة البيانات المطلوبة ومقدار الرسوم الجمركية الخاضعة للمقاصة .
2.نسخة من بيان الإستيراد الأصلي لمنفذ الدخول الأول ببلد التصدير، أو صورة مصدقة منه .
ثانياً/ السيارات الواردة من الدول الأخرى :
1.تقديم مستند نظامي ، يوضح ملكية المستورد للسيارة. مصدق من الملحق التجاري السعودي ببلد الشراء أو من ينوب عنه ، أو من الغرفة التجارية ببلد المصدر .
2.بيان تصدير من الجمارك بالدولة التي تم تصدير السيارة منها ، مرفق به الفاتورة وشهادة المنشأ .
3.وثيقة من الجهات الأمنية ببلد الشحن تفيد أن السيارة ليست مطلوبة.
آلية تثمين السيارات المستعملة :
1.تحتسب القيمة للأغراض الجمركية وفقاً لقائمة الأسعار الصادرة عن الشركات المصنعة، ويستثنى من ذلك السيارات ذات الأغراض الخاصة والسيارات الأثرية.
2.يتم حسم نسبة الإستعمال وفقاً لسنة الموديل وإضافة قيمة الشحن والتأمين.
3.يكون إسلوب الحسم بشكل شهري حسب عمر السيارة .
4.يؤخذ في الاعتبار تاريخ الإستيراد لتحديد عمر السيارة من حيث عدد السنوات و الأشهر . كما أن سنة الموديل تبدأ مع بداية شهر يناير وتنتهي بنهاية شهر ديسمبر.
5.السيارة التي ترد خلال الستة شهور الأولى من سنة الموديل تعتبر جديدة وليس لها حسم .
6.السيارة التي ترد خلال الستة شهور الأخيرة من سنة الموديل يحسم 2% عن كل شهر أو أجزاؤه .
7.السيارة التي ترد خلال السنة الثانية حتى السنة الخامسة من سنة الموديل ، يحسم 1% عن كل شهر أو أجزاؤه.
8.الحد الأقصى لنسبة الحسم هو 60% من سعر السيارة التي ترد بعد مضي أكثر من خمس سنوات من بداية سنة الموديل .
9.فئة الرسم الجمركي (السيارات السياحية 5% ، الشاحنات 12%) .
منقول من موقع الجمارك
الظل من زمان انت خفيف ولا هاي شي مستحدث :d
هههههههههه مشكور ع المرور
مواقع النشر (المفضلة)