البلاستيكيات والربلات لاتدخل بالضمان ....!!!

**أكورداوي** · 06-09-2006, 07:18 PM

اليوم كنت بالوكاله لأستلام سيارتي ... طبعا السياره كانت مشكلتها في عداد البنزين يلعب مره أشوفه على النص ومره فوق ومره تحت ومره مولعه اللمبه .. الزبده يتريق علي ..

طبعا السياره كان لها يومين عندهم وكنت متوقع الشغله من الطرمبه او العوامه وقلت أحتمال ضعيف من نفس العداد ..

مرت اليومين وكنت متوقع ان السياره خالصه جاهزه .. رحت المهندس وسألته عن المشكله قالي انها كانت في قطعه صغيره جدا بلاستيكيه تثبت الطرمبه ... والقطعه مو موجده في فرع الدمام وطلبوها من جده فهاذا الي أخر تصليح السياره ... طبعا طلعت السياره مؤقت الى ان توصل القطعه ...

لكن الي زعلني بصراحه ان تصليحها على حسابي مع أن السياره لا زالت على الضمان .. صحيح ان القطعه ماتكلف الا 125 مع شغل اليد لكن اذا كانت هذي وكل البلاستيكيات والربلات مو على الضمان والاستهلاكيات مو على الضمان أجل وش بقيتوا للضمان ..............؟؟؟؟

**ن ك د السـعــــوديه 3 5 7** · 06-09-2006, 08:55 PM

الله يعينك اكورداوي

بس والله مشكله انا ملاحظ ان اي شي يصير يحاولون يطلعونه من الضمان واذا على قولك انه الربلات والبلاستيكيات بعد ماهي على الضمان مابق شي يعني يصير الضمان بس اسم او دعايه للوكاله.....والله مشكله

**أكورداوي** · 06-09-2006, 11:57 PM

أشكرك يالغالي على مرورك ومثل ماقلت صار الضمان دعايه عند البيع فقط لكن الله يستر من التكاليف الضخمه ...هذي تهون لكن المصيبه لويصير شي خطير ... ناكل هوا ياشيخ ..