السلام عليكم ،،
لاحظت شباب ان بعض أصحاب الهوندا تعديلهم على سياراتهم مهيييين جدا لإسم الشركة و يخلي أهل الكامري و الكورولا يضحكوا عليهم ...
مثلا هذاك اليوم اشوف سيارة مركبة نمر ؟! بداخليتها ، و اليوم الثاني اللي مركب جناح إرتفاعه ١٠٠٠ متر على سيفيك اللي هي دفعها أمامي يعني أصلا ما راح يفيد الجناح شي بال down force ، و اللي بعده اللي كاتبلي Accoord بخط ضخم على زجاج السيارة ؟! ليش ؟! الله أعلم ..
------------------------
القصة المحزنة ...
الأسبوع الماضي كنت أدور بالمعارض على سيارة سبورت نظيفة (موستنج الشكل الجديد، زد ، سوبرا ، ايفو ..) بإعتباري ناوي أبيع السيارة السنة الجاية...
المهم ، شفت 350z سلفر موديل ٢٠٠٨ و ماشية ١٠٠٠ كم بس !!
...السيارة فيها دعمة من كل زاوية تقريبا و عليها عازل رخيييص ابو ٥٠ ريال ... لما دخلت السيارة..إنصدمت !!! إنصدمت صدمة فظييييعة و خاصة ان الزد هي سيارتي المفضلة و دائما كان نفسي املكها و اعدلها بنفسي ..
أبو الشباب المحترم ... مركبلي خروف !!!!! نعم خروف !!! على الجير..ايوة على جير سيارة محترمة وهي الزد .. اللي هو نفس تبع التكاسي و الكروزرات ...
علب المرلبورو معبيه السيارة و الدبة ..على الأرض و الشورما على الهاند بريك و العدادات !
انا طبعا انصدمت و عصبت و بدا السب و البهدلة...تركت المعرض و رحت البيت من كثر ما انحرق دمي..
يعني شخص مثل هذا حرام يمتلك سيكل و الله مش زد ؟!
-----------------------------------
فأرجوووكم تحترموا سياراتكم و تقدروا قيمتها عشان المنظر العام مش اكثر ....
تحياتي لكم و تقبلوا موضوعي هذا ،،
عبدالله
مواقع النشر (المفضلة)