الموضوع: إحترم سيارتك ، أنت مو راكب ****!!!

اذا اكرمت الموتر اكرمك .. واذا ااهنته اهانك

حكمة 100% و اؤيدها

المشاركة الأصلية كتبت بواسطة accord2002

كنت اسولف مع ابوي لما شفنا جيب لاند كروزر 2008 لاعب فيه لعب .. وقلت له هذا خرب سمعة الجيب ..

قال لا والله هو الي خرب موتره .. سمعة الجيب من سمعة راعيه..

اذا اكرمت الموتر اكرمك .. واذا ااهنته اهانك .. حكم اسمعها من الوالد حفظه الله .. :d

التعديل في السياره مسألة ذوق ..

يعني اذا شفت التعديل على الاكورد وحاط تلبيست نمر والا خروف .. هذا شي خاص في راعي السيارة ومال اي شخص يتدخل .. اذا بيعطيه رايه اهلا وسهلا .

وحتى في السيارات الاخرى

...

اشوف انها مسأله شخصيه .. وانت قلتها انك شفت السياره بالمعارض وضاق صدرك ..

اجل لو تجي عندنا وتشوف ..
جمس بوجهية فياقرا .:p
اكورد بكفرات خط وجنوط مرسيدس.:p
همر بكفرات تريلا.
وسيارات كثيره ..

:d

نشوف الشباب وش بيقولون ..

ماقلنا شي انها سيارته و حر فيها و كيفه .. و هذا شي اكيد .. بس لازم ما يزعل اذا جا حد و تمسخر عليه و صارت سيارته معروفة انها شغل خواريف ..

بصراحة اللي اشوفه بالنت كفاية .. شي مرعب جدا جدا و خاصة موقع (جدة بتانز ) شي رهييب ههههه...و خاصة اللي يركبلي هيدروليك عشان تنطنط السيارة ..شكلها قمة بالغباء و الجهل .. شوف هالفيديوات بيوتوب و التعليقات عليها .. ٩٩٪ منها تعليقات سلبية بشكل..

فعلا في ناس ما عندها ذوق اصلا بالسيارة :d

المشاركة الأصلية كتبت بواسطة أبو الريش

اذا اكرمت الموتر اكرمك .. واذا ااهنته اهانك

حكمة 100% و اؤيدها

و الله تعجبني و طلعت حكيم و احنا مو عارفين ههههه صح لسانك !

بصراحة فيه سيارات يشمئز الواحد من التضبيط اللي صاير عليها مثل نسافات بالله ياجماعة تخيلوا المنظر نسافات على الاكورد ولا جناح مرتفع كم سنتيمتر ولا كفرات هايلكس ولا إستكرات بايخة ، كأن معاك كامري ولا كورلا ، ياجماعة اكورد في نظري كأن معاك بي ام بس ناقصة تكنولوجيا عالية فقط ، ولكن المظهر العام الداخلي والخارجي ينذر بلو سمحت توقف وانت تعدل فيه خطوات لازم تراعيها ، ان معاك سيارة مو اي سيارة ، لازم تعديل يبهر الناظر ويزيد الجمال آناقة ، لازم نعرف وش نقتني من اكسسوارات لهذي السيارة المحترمة ، ومثل ماقال اخوي الاخطبوط فيه موضوع قديم يمكن من حوالي السنتين عن التعديل البرستيج :

http://www.hondaarabia.com/club/showthread.php?t=387

الله يهديك يالاخطبوط فتكت مواجع في اعضاء مالهم طاري وماعاد لهم اي باعث الله يذكرهم بالخير ، بصراحة دخلت على هذا الرابط ومن جد حزنت :(:(الله يجمعنا بهم من جديد:(

تحياتي للجميع ،،،:d:d:d

كله كوم وتعديلات ابو بكس على الليموزينات كوم :d
استكر اخضر واحمر واصفر وزهري
علم باكستان
لمبات لوحات لونها أخضر
لاوجايك واحد وفاك علامات الهونداس وحاط علامات لكزس :d وياكثرهم
بس ماينلامون يبقون ابو بكس العتب على ربعنا

حدث ولا حرج ..

لو ينفتح لي المجال ما بأسكت ..


.............


بس فيه شغله اذكرها وقهرتني :

واحد راعي اكورد شفته ,, الأخ في الله حاط استكر ( v-cool )

على اللوحه الخلفية .. بدال ما ينحط على القزاز ..!!


............

يسلمو اخوي على الموضوع الحلوووو

و يعني لا تشيل في خاطرك على الزد و اذا تبي تشتري واحد في واحد اصفر موديل 2005 او 2006 الظاهر انه معدل شوي بس مدري صاحبه لسى يبي يبيعه و الا هون المهم نرجع لموضوع نضافة الزد انافي وجهة نظري انه ما تعب في قيمتها و الا ما سوى فيها زي كذا

و اذا على التعديلات بالمرة لا تدقق لانه انا شايف كرسيدا ابيض موديل يمكن 88 عليها جناح وردي يعني اش تبي اكثر من كذا و هناك الكثير الكثير جدا جدا جدا >>> الين تتعب

تحياتي ,,,

موضوع شيق ... لي عوده

و لا كامري موديل 2008 حاط على الكبوت علامة تايوتا حق الكرسيدات

طيب وش رايكم باللي شاف اكورد 2007 بجنوط 2005

خليكم من لزقة الوكالة اللي على الشباك ، و من اللمبات الزرقا اللي تحول العين على الفاضي ..

ابواب اللمبورجيني الهبلة اللي يركبوها على السيفيكات و الاكوردات..هذي ايش اعربها ؟؟ انا اول ما اشوفها الصراحة اضحك و اقول ... ياااااه شوف هالخروف مفكر عنده لمبورجيني .. :d

و لا الل يفكلي السبير -الكفر الإحتياطي- عشان يخفف وزن السيارة .. لوووووووووووووووول

ليش كم وزنه الكفر ؟! مفكر راح يأثر ؟! ليش كم قوة ماكينتك ؟! مفكر نفسك راعي فراري ؟!

و لا اللي يروح يركب جلاد و يقول انا صبغت .. تقول عشان ان الصبغ كشخة ههههههههه

و لا اللي يحطلي نار و لا ستيكرات قد راسه على السيفيك ؟! تقول سيارة رالي و هي كلها ١.٨ هههههههههه

و ما تنسى طبعا اللي يركبلي اضواء تحت السيارة ... "ياناس ياعالم انا موجود ايوة ايوة ارجوكم شوفوني الله يخليكم " !!!!؟؟؟

:d:d:d

كلمة "تعديل" صارت تخوفني و الله ......

الناس أذوااااااااااااااااااق .... وكل واحد حر في سيارته ... انت تشوف الشي مو حلو راعي السيارة يشوفه حلو .. والعكس صحيح ..
......
تحياتي

صحيح كلام أخــوي ^^


بعدين زي مايقول المثل >> إلي عنده قرش محيروه يقيب حمام ويطيروه << المثل مصــري


وعلى فكرهـ أنــا راعي الأكورد ال2008 وإلي منجد نمري كمــان .. ومكيف مع التنجيد لأبعد الحدود ومرتاح نفسيا وعاطفيا

ومن جميع الجهــات

وشكرااا

المشاركة الأصلية كتبت بواسطة i-vtec2005

الناس أذوااااااااااااااااااق .... وكل واحد حر في سيارته ... انت تشوف الشي مو حلو راعي السيارة يشوفه حلو .. والعكس صحيح ..
......
تحياتي

ما قلنا شيء

كل شخص حر في سيارته لكن أنا اقصد عن نظرة الناس لهذا التعديل

فيه تعديل محترم يجمل السيارة ويدل على ان صاحب السيارة له ذوق

وفيه تعديل لراعين هيط يقلب شكل السيارة للقبيح ويدل على ان صاحب السيارة فيه عرق باكستاني

سويت بحث في قوقل وطلع لي هذي الصورة



هو حر في تعديله يحط كفرات خط يحط اللي يبي لكن ايش نظرة الناس له ؟

كان سويت بحث بالمنتدى وراح تلقى الصورة:d


وبالنسبة للموضوع الاساسي انا اشوف كل واحد حر باللي يسويه

المشاركة الأصلية كتبت بواسطة مجرد رأي

حدث ولا حرج ..

لو ينفتح لي المجال ما بأسكت ..


.............


بس فيه شغله اذكرها وقهرتني :

واحد راعي اكورد شفته ,, الأخ في الله حاط استكر ( v-cool )

على اللوحه الخلفية .. بدال ما ينحط على القزاز ..!!


............

على طاري في كوول

انا مايرفع ضغطي الا اللي مظلل تظلليه ابو 50 وشاري استكر في كوول من الزينه وحاطه على القزاز يبي يوري الناس انها في كوول طيب وبعدين وش صار لا وحاط استكر على كل قزازه حتى اللي قدام :d

تخلف


مشكور ياصاحب الموضوع

وموضوعك في الصميم

وماكرهني بالكامري والتويوتا الا هالناس المتخلفين

'
'
'

بالمختصر المفيد

لولا اختلاف الأذواق لابارت السلع
واصابعك ماهي سوى وكلاً يعدل ع مزاجه اللي يروقه

دمــ تَ
بود

ويييييييييين حاسس ان الردود الأخيرة كلهم مركبين ابواب لمبورجيني زعلوا هههههههه

حبيبي انا وضحت و اكدت بكل رد ان الفلوس فلوسك و انت كيفك تسوي اللي تحبه كيفك حر ، بس مو مفروض تزعل لو واحد قعد يطالع سيارتك و يضحك و يصورها و يحطها بموقع بالنت عشان ينبسطوا الشباب عليك ... لا مو مفروض تزعل .

و بالنسبة لشغلة ان الناس اذواق ، ما قلنا شي اكيد الناس اذواق ، بس في حدود بالتعديل ، و في فاصل بين التعديل المحترم للسيارات المحترمة اللي يدخل بالراس ، و بين التعديل الفوضوي ،

يعني مثلا شوفوا هالصورتين ...

- سوبارو ابريزا sti wrx : سيارة رالي ٤ سلندر بتيربو جبار و معدلة لتصل احصنتها ل ٦٠٠ حصان على الكفرات.



- ميتسوبيشي اسكليب : سيارة ضعيفة دفعها أمامي .



... لاحظوا ان السيارتين تقريبا نفس الشكل العام للجناح و حجم الستيكرات على السيارة ،

و لكن الفرق ان السوباروا سيارة دفع رباعي راح تستفيد من الجناح الخلفي ، و الميتسوبيشي دفع امامي ماراح تستفيد من الجناح ابدا و لكن راح تنضر من الوزن الزايد على الفاضي و تعطي هالمنظر البايخ ....

و نفس الشي بالنسبة للستكرات،السيارة الأولى مركبة قطع و ستكراتها على البودي ، و عندها سبونسر و هذا اسمه على خلفية و جانب السيارة ، و هذا كله للدعاية ...شئ عادي جدا تشوفه على سيارة رالي ..

اما على الميتسوبيشي ، فالستيكرات كلها الزايدة مالها اي معنى ، و منظرها بيخلي الناس تتمسخر على صاحبها لا اكثر ، و المثال على هذا ان اللي اخذ الصورة حطها بالنت و كتب عليها "rice" يعني بالعربي ممكن تقل مثل..شغل بتان ، شغل هيلقية لوووول ..

و في ملااااااين من الصور المشابهة بالنت ، و إذا كان عندك نفس هالحركات ، فتأكدد ان سيارتك موجودة بموقع معين و الناس قاعدة تتسلى عليك ..

و مرة ثانية ، كل واحد حر بفلوسه ، بس ما تزعل إذا استهبلنا عليك

المشاركة الأصلية كتبت بواسطة accord2002

اكبر دليل الي مركب تنجد نمر بالاكورد 2008

والله يالي جاااااااااه انواع التنتيف ... بس الرجال مقتنع ولازعل .. ولا قال ابروح اشيلها ..

نوبربلم .

اذا الشخص اقتنع في تعديل على ذوقه ولو يطلع الذوق مييييييييح عادي هو مقتنع .. بس ماراح يزعل من النتيف..

والا المسخره .. انا عن نفسي اذا شفت سياره ماعجبني التعديل .. عادي اقول وبكل برااااءه (ذوقك ياكابتن ) >>مفهومها ان ماعندك سالفه بالذوق .. ^_^

بس

انتظر السؤال لما يقولك

س/ وش دخلك...؟

س/ من الي شاورك..؟

س/ معدل من فلوسك..؟

يعني ماله دااااعي يجيك هالرد وبعدين حبه من هنا وحبه من هناك ويشتعل .. ومايردك الا مفك العجل خخخخخ

:d

طيب اذا هو مو حاب يسمع آراء العالم ... ليش كاتب موضوع في منتدى عام ؟! بشكل عام يعني ما أتكلم على أخوي راعي النمر ،،،

حطه بمنتدى عام ، لازم يتحمل آراء الناس ، و كل واحد حر برأيه ..

بصراحة شغلة الذوق هذي عملتوها حجتكم ... يعني اذا واحد مشي بالشارع و لابس نعال على راسه ..بتقوله ذوقك يا كابتن ؟؟ لوووووول :d