الموضوع: عضو جديد وأبغى رأيكم بصرااااحه......

يا الغالي حياك الله ....
بالنسبة لمنطقة عسير عادي تاخذ الأكورد لو تماتيك تراها قوية مرره انا انزل العقبة وانزل البحر اكيد تعرف الشقيق والدرب والشاليهات الي هناك ... انا نزلت عد واغلط ...
ورحت للمجاردة اذا تعرفها والعرضيه الجنوبية ... ومحايل . والله مالقيت اي شي صدافني هناك بسم الله عليها ...

قصة بسيطه :
كنت نازل محايل انا واحد من الشباب معي بنروح لناس من اخويانا هناك تعشينا وكنا بنطلع ابها >>أيام العزوبية
ولمن طلعنا سيارة خويي مكسيما وسيارتي اكورد ... قسم با الله ان المكسيما ماصفت بجنب الاكورد مع اللفات والطلعة ومشيت علية مثل السلام عليكم ... ليش مشيت عليه ؟؟ لان السيارة تعطيك مع الطلعة ورااااااااااااسية جدا جدا ...

ونفس القصة حصلتلي وانا جاي من السودة مع راعي مرسيدس قديم بس ملحم فيه ماقدرت اطوفه :d...

أتمنى اني افدتك يا الغالي ...

لاتنسى اذا بتشتريها ان شاء الله اذا بتنزل العقبة خل سيارتك في d3 عشان ماتمسك فرامل كل شوي وبتنعدم عليك الفحمات والهوبات وسلامت قلبك ...

الله يعطيك العافيه أخويaccord05 معلومه جميله جداً بس أيش رأيك بعقبة الصماء إذا تعرفها رغم أن معي مرسيدس وأنزل بها وأصحاب الفورد اشوفهم طالعين نازلين.
ملحوظه لي تجربه مع الأكورد 2004 قير عادي ممكن هي الي خلتني أفكر مجدداً فيها بس مشكلتها في الكلتش بعد 100000 تثقل دعسته مرررره ويا دوب يأخذ النمره الي بعدها ويطلع صوت صرير في التعشيقه

الله يعافيك ... اها عقبة الصما وش تفرق عن الي قلتلك عليه عقبة ضلع وشعار الا ان الصما تخلي قلبك يطلع من القمطة :d..
الكلتش اكيد من كثر ماتضغط علية ... وش رايك في المكسيمات وهي طالعة نازلة !!!! والكوامري والكرسيدات !!!! والهايلكسات القديمة !!؟؟!!!! يعني تتوقع هذي كلها افضل من الاكورد؟؟؟؟!!!!
انت شوف الي انت مقتنع فيه عسى الله يوفقك ... انت تبي تسأل عن الاكورد في هذي المواقف يعني في هذي الطرق الوعرة والقوية واللفات الكثير والانفاق ... انا عن تجربة شخصية ... مالقيت الا كل خير وهذي سيارتي ماشية 112000 مالقيت الا كل خير اللهم لك الحمد ...

انت استخر وشوف الي بترتاحله الله يسعدك ...

الله يوفقك ويجزاك خير أخوي راح أستخير الله وبعدها أقرر

اخوي القبيسي بقولك شغله ولا تاخذها من باب التعاطف مع الهوندا ويمكن الشباب افادوك فيها قبلي
انا اشوف قير الهوندا بصراحه نفس فعاليه قير اللكزس ومن واقع تجربه ومن دون مبالغه حتى وانا سرحان ماحس بتغييرات النمره
من ناحيه القوه والراحه وبعدين ان كانك راعي طلعات ونزلات <<< مع اني ماعمري رحت هناك ,,, ليش ما تشتري لك جيب والا هايلكس وتريح لان الهوندا بصراحه حقت دلع
وبالنسبه للكامري على فكره لو تروح اليابان وتشوف الكامري هناك ماهي تويوتا هي من شركة ديهاتسو بس عبداللطيف جميل غير في اسطباتها يعني ماهي كامري واذا تحب تتاكد هذا الرابط http://www.albrwaz.com/vb/showthread.php?t=28707
<< كب العشا كله :d

أخوي مشعان شكـــــــــراً لك : بصراحه بعض الأماكن في منطقتنا ما يبيلها الا سيارة دفع رباعي وأنا عندي جيب بس أبغا سياره سيدان لأن السيدان حتى هو يمشي معانا بس هل يتحمل مثلاً القير الطلوع والنزول ؟وزي ما ذكرت بعاليه أنا لي تجربه مع الأكورد 2004 بصارحه لا يعلى عليها لاكن أبغى أشتري 2008 لأن شكلها فعلاً جذاب ولكن ماهو كل شئ الشكل أبغى أسأل عن فاعليتها خاصة الأوتو ماتيك وهل هو مثل المرسيدس لأني امتلكها أيضاً حالياً لكن ممكن استغني عنها إذا الأكورد مشت معاي وأفادوني رواد المنتدى وأقنعوني لأن لو أخذتها ماراح تحتفظ بقيمتها مثل الكامري وهذي معلومه لازم نعترف بها حتى لو ماحبينا الكامري أو(daihatsu)

باختصار 2008 افضل وبكثير من 2004
واذا حاب تطمن روح جربها في الوكاله
لكن اذا تبي رايي صدقني رح تمل خليك على الجيوب والهايلكس صدقني احسن لك اذا انت راعي طلعات ونزلات والله حرام هوندا تنكرف بالشكل هذا :(

انا عندي اكورد 2007 4 سلندر قير اتو ماتيك وابغا انزل من عقبة الصما في غسير واطلع منها ايضا هل فيه مشكله على القير الاتوماتيك طول العقبه 8 كلم

اول حاجة شرفتنا وياهلا باهل عسير ياهلا بالطبيعة والجمال والجو العليل ، وانا اقول توكل على الله وخذلك اتو بالنسبة لقير الاكورد يتحمل لأنه من افضل القيور في العالم ويستجيب بشكل رائع وانصحك بـ2007 اكثر لأن 2008 ثقيلة الوزن وثقيلة القومه .