المنافس الجديد للسيارات الالمانية

**دحوم** · 09-09-2006, 12:11 AM

السلام عليكم ورحمة الله وبركاته ،، كيف الشباب اقدم لكم اليوم المنافس الكبير والجديد في عالم السيارات من ديرة سياراتنا اليابان وبالإسم والشكل الجديد كلياً على شوارعنا :

LS460 ;)

المواصفات الجديدة التي تختلف او تزيد عن اللكزس LS430 :

1- قوة المحرك 4.6لتر ويولد 380 حصان .
2- يوجد كاميرا في امامية في الدركسون لمراقبة اتجاه وجه السائق وتنبيهه بخطر الاقتراب من السيارة الامامية عند التفاق وجه السائق يمين او يسار .
3- يوجد في الصدام الخلفي رادار لمعرفة مدى قرب السيارة الخلفية ومدى سرعتها وفي اي زاوية سوف ترتطم ليقوم بعد ذلك نظام تنشيط المساند الامامية لحماية العمود الفقري لدى السائق (شيء جديد وذكي ) .
4- ثلاث وضعيات لإصطفاف السيارة يعني بإمكانك ضغط اي زر ومن ثم تقوم السيارة بالاصطفاف تلقائياً .
5- وسائد هوائية ذات نظام جديد بحيث عند انتفاخها يوجد مكان لراس السائق وكتفيه لحمايتهما .
6- كاميرا امامية متطورة لمراقبة الطريق والسيارات الامامية وايضا اي شيء يقطع الطريق من مسافات بعيدة .

طبعا ياشباب هذي اهم المواصفات القوية والذكية من LS 460 يعني هناك مواصفات كثيرة نجهلها ولانعلمها حتى الآن
طبعا خلاص نقدر نقول زمن LS430 ولا والبديل هو LS460 .

هناك نوعين للكزس الجديد :

LS460 وسعره 320000ريال .

LS460L وسعره 360000ريال . ويتميز بمواصفات خاصة .

وسوف تكون هذي السيارة شكلاً واسماً جديداً في عام 2007 وهي الآن موجودة عندنا ونزلت في ميناء جدة اخليكم مع الصور:

صورة داخلية ماشاء الله تحفة فنية تلاحظون الازرار البارزة والمنتشرة في كل مكان :

اتمنى يكون الموضوع اعجبك ولو انه من وكالة ثانية .

تحياتي للجميع ,,,

دحـــــــــوم .

**ن ك د السـعــــوديه 3 5 7** · 09-09-2006, 11:36 AM

يعطيك العافيه يابو 1000 وعقبال الالفين ان شاء الله

**دحوم** · 09-09-2006, 12:48 PM

شاكر مرورك ن ك د وهذا العشم فيك بس مستغرب من شيء الصور ليش ماطلعت .

ارجو تدخل الإدارة .

**الاخطبوط** · 09-09-2006, 10:12 PM

دحوم

كيف الحال:d

ان شاء الله بنشتريها بعد عمر مديد

صورك ماطلعت والمشكله بموقع التحميل ياتحملها على المنتدى ولا شفلك دبره لاأطلعلك الكاراتيه من الشنطه الحين :d

**Cool Civic** · 09-09-2006, 11:56 PM

ما شاء الله تبارك الله مواصفات منافسة بل وأفضل من الألماني

بس أخوي دحوم هل فعلا حتنزل بهذه المواصفات عندنا أم هي مواصفات أوروبية كالعادة؟؟!!

و وكيلنا عبدالله هاشم يبغاله يشوفله صرفه في الليجند قبل ما السوق يروح عليها.

**دحوم** · 10-09-2006, 12:13 AM

الاخطبوط بالنسبة للصور انا طلعت عندي كله حاول مرة ثانية وشاكر مرورك الكريم .
كول سيفيك شاكر مرورك حبيبي واكيد 100% ان هذي المواصفات راح تنزل عندها ولا كان مرفع ابوجميل في السعر واللكزس معروف مايقدر يأخذ منه او يغير اي شيء .

**دحوم** · 15-09-2006, 03:31 PM

وش دعوة الموضوع مااعجبكم يعني لكزس 460 وش تبون اكثر من كذا .

والله لأرقيه .

**دحوم** · 15-09-2006, 03:31 PM

يعني مايكفي السعر 320000ريال منافس شرس وحقيقي للسيارات الالمانية .

راقي راقي الله لايعوق بشر .

**دحوم** · 15-09-2006, 07:38 PM

الموضوع طالع طالع الله لايعوق بشر

**accord 06** · 15-09-2006, 09:02 PM

ايه و الله منافس شرس

و بالنسبه لي افضلها على الالمانيات

الله يرزقنا بوحده

**ن ك د السـعــــوديه 3 5 7** · 15-09-2006, 09:26 PM

تبي نطلع الموضوع دحومي

خلاص ابشر ;)

والله انا اشوف انه او كي بس مااقارنها بالليجيند

انا عندي الليجيند احلى :p ;)

واللا وش رايكم............

**H @ Z ! M** · 15-09-2006, 09:43 PM

صراحة مواصفات حلوووووووه

وسعر أحلى

وعقبال مانشوف المواصفات هذي على الأكورد :p

مشكور خيو دحوم

**أكورداوي** · 15-09-2006, 11:00 PM

اللكزس منافس شرس للسيارت الألمانيه ... والله والنعم بالياباني ..

**دحوم** · 16-09-2006, 12:29 PM

ن ك د معليش الليجند تهوها تبدا تتطور لكن اللكزس ماشاء الله من زمان وبعدين قارن سعر 320000ريال بــ 170000ريال وشف الفرق والمواصفات يعني وهل يخفى القمر .

**ن ك د السـعــــوديه 3 5 7** · 16-09-2006, 03:27 PM

ياغبي انا ادري بس ابغى اسوي زحمه لموضوعك

**دحوم** · 06-10-2006, 01:13 PM

ياسلام عليك يا ن ك د وش ذا الحب الزايد .

**ن ك د السـعــــوديه 3 5 7** · 06-10-2006, 02:41 PM

المشاركة الأصلية كتبت بواسطة دحوم

ياسلام عليك يا ن ك د وش ذا الحب الزايد .

بدري يابو

توك ترد شف التاريخ

والله ياانك غبرت علينا ;) :p

**هويدا** · 26-02-2007, 04:13 PM

4- ثلاث وضعيات لإصطفاف السيارة يعني بإمكانك ضغط اي زر ومن ثم تقوم السيارة بالاصطفاف تلقائياً
وش تقصد با الاصطفاف اذا الي انا فهمتهاا كأنهاا شوي قويه !!!!!

**الهادف** · 26-02-2007, 05:03 PM

بالعربي .. تلبق السيارة في موقف بحالها

**هويدا** · 26-02-2007, 05:46 PM

الهادف........... معقوله تبركن السياره لوحدهاا!!!

**يامطنش** · 26-02-2007, 05:53 PM

يبو دحوم وين الصور ويا اخطبوط خل الكرتيل في الشنطه لا اطلع عليك التكوند من تحت المرتبه وامسطك الي قاهرني انه تويوتا ومبدعين فيه طيب يعطون شويت لمسات لنعجه حقهم(الكامري اقصد)

**922** · 26-02-2007, 06:03 PM

السلام عليكم

مشكور دحوم على الموضوع
ومشكلة الصور سهلة بس يحتاج المشرف يغير روابط الصور بروابط مضمونة

لاشك بان اللكزس الجديدة متعوب عليها واتوقع لها النجاح الباهر في سوقنا

لكن معليش ..

الالماني هذا شئ مايتنافس لو اجتمعت كل الشركات اليابانية

ماجابت سيارة تقارن بالالماني

الالماني مو بس تقنية
الالماني احساس وذوق و فخامة واهتمام شديد بالتفاصيل

تحياتي
محمد

**يامطنش** · 26-02-2007, 06:11 PM

الاماني صراحه شي لا يتقارن فيه اليباني ممكن تقنيه غريبه بس الاناقه والتفاصيل والجوده الاماني يكفي انهم صنعو مرسيدس الفئه اس (بنوراما)

**shagyan** · 26-02-2007, 08:34 PM

حلوووووووووه
حلوووووووووه
حلوووووووووه

بس الاكورد اكيد احلى

**A C C O R D** · 26-02-2007, 08:41 PM

مشكور دحوم على الموضوع ...

والله انا شفتها واذا تبي الصراحة السياره ما لها هيبة مثل هيبة (الحوت)و(البانوراما)وخاصة اذا جاك اللون اسود تحس قمة في الفخامة والهيبة اما اللكزس على عيني وراسي صناعة يبانية الكل يفتخر فيها وبقوتها لكن ما توصل لهيبة الالماني ابدا...

ومشكور يادحوم للمرة الثانيه..