هل أنت راضٍ عن أداء وكيل سيارة هوندا ؟
لا والله .. ما أحد كرهني بالهوندا غير عبدالله هاشم ولو يرجع الزمن ورى .. قسم ما أركب هوندا .. لأن الحي يحييك والميت يميتك .. وهذا وكيل ميت وأمرض الهوندا عسى الله يفك وكالتها منه ..

وهل ترى أنه قدم شيء لسيارة هوندا أو ملاكها ؟
ما أظلمه .. ما لقيت عنده غير الفحص السنوي المجاني واللي بعد تجربتي مع الحمراني وكيل النيسان أشوفها خدمة متخلفة بالمقارنة مع فحص نيسان ..
ورش الصيانة متخلفة .. وأقرب ما تكون ورش بنشر حديثة ..
أسعار القطع خرافية خاصة الاستهلاكية ويتعذر موظفيه لا قلت اسم تويوتا وأسعار قطعها يقول هذي قطع ما هي درجة أولى .. شايفينا بله وما نفهم ولا شركة عبداللطيف جميل من نصف قرن تضحك علينا وتجيب تجاري !!!
المهندسون .. وآآآآآآآآآخ منهم .. دخلت سيارتي لصيانة 40 ألف وأتفاجأ إن لي الرديتر ينقط مويه وهم ما عندهم خبر ..
نفسي أشوف له دعاية .. ياخي ارفع سوق سيارتك أقلها لا جينا نتخلص منها ونبيعها نلقى فيها سعر قريب من اللي دفعناه..

ولو حبيت تقترح اسم وكيل غير الوكيل الحالي مين تقترح ؟
من غير أبو جميل ( عبداللطيف جميل ) .. شوف الدايهاتسو يوم استلم وكالتها وش صار لها .. من الطين للسماء رفعها .. عساه ياخذ الهوندا .. ونفتك من أبو هاشم ( عبدالله هاشم ) وتواضع خدماته ..
شكرا أخوي ..