فررررررررررررررررررق بقوه
بس فرع الرياض وديتها تشييك 10 الاف وجلست عندهم ساعتين بس
السلام عليكم و رحمةُ الله و بركآتة
يا هلا و الله و غــلا بكل أعضائنا ،
أخباركم ، عسآكم مرتاحين إن شاء الله ، ؟!
ها بشّروا شلون الإجــازة معاكم ، عسى بس مستانسينْ ، ؟! :d
يا خي من جد طفشْ خخخخ ، ليت الدراسة ترجع P:
عشان ما نطوّل عليكمْ ،
وصلت سيارتي إلى تشييك الـ 10 آلالافْ ،
فـ لازم أحجز لي موعد في الوكالة عشان التشييكْ . .
المهم ، اتصلت على الصيانةْ ~
أنا : السلام عليكمْ ،
الموظف : و عليكم السلام و رحمة الله . .
- : أخوي بس بغيت أسوي عندكم موعد لتشييك الـ 10 آلالافْ . .
الموظف : ما فيه مشكلة أخوي خل اشوف لك بس . .
- : خذ راحتكْ أخوي ،
الموظف : فيه عنِدك تقدر تجينا في تاريخ 23 / 7 ، يوم السبت و تآخذها في نفس اليومْ . .
- : هاه o.0 <~ كِذا صارت عيوني خخخ ، طيب ما فيه أقرب من هالوقت ، ؟!
الموظف : خلاص نخليها لك يوم الأربعاء 20 / 7
- : ( في خاطري ، ما سويتوا شيء و الله ) اوكي اخوي مشكور و ما قصرتْ . .
الموظف : يا هلا فيك أخوي ،
..
انتهت المكالمةْ ،
طبعاً بتكون تشييك على السيارةْ ، و لكن متى ؟؟؟
بـَعد طال عمركم 11 يومْ ، هذا بعد مقرّبها لي ، يعني في الأصل بعد أسبوعينْ ،
:
اتصلت على الوكالة اللي في البحرين
بعد التحويلات و الزحمه
أنا : السلام عليكمْ ،
الموظفة : و عليكم السلام ، اهلين
- : هلا فيك أختي ، بغيت أسوي التشييك حق 10 آلالاف
الموظفة : ما فيه مشكلة ، انت فاتح عِندنا فايل ( ملف ) ، ؟!
( طبعاً أنا كنت متصل عليهم قبل أسبوع و فتحت عندهم ملف باسمي و كل معلوماتي )
- : أيه فاتح تقريباً قبل أسبوعْ ،
الموظفة : شنو نوع السيارة ، ؟!
- : أكورد 2008 ، ويا ليت لو تشوفين لي أقرب وقت أسوي فيه التشييك ، ؟!
الموظفة : عِندك تقدر تجيبها لنا بكرة يوم الخميس الصباح و تخلص مع قريب المغرب لأنه زحمه . .
أو أنك تجيبها لنا يوم السبت الصباح و تخلص الظهر . .
- : أوكي يعطيكِْ العافية ، راح ءأكد جيتي لكم ، اتصل عليكم عقبْ ،
الموظفة : اوكي على خير
- : مع السلامة
الموظفة : باي
..
اللي استنتجناه ، اِن اذا جبت سيارتي لهم بكرة بتخلص في نفس اليوم لكن وقت متأخر ،
أو أجيبها لهم السبت يعني بعد 3 أيام من اليوم ، و تخلص عقب ساعتين إلى 3 ساعات بالكثيرْ ،
:
:
ها شفتوا كيف الفرقْ بسْ ، ؟!
ملاحظة : لأهل الشرقية ، نصيحه لكم روحوا الله يسلمكم تشييك البحرين عشان تخلص سياراتكم بسرعةْ ، :d
و بالتوفيق ..
فررررررررررررررررررق بقوه
بس فرع الرياض وديتها تشييك 10 الاف وجلست عندهم ساعتين بس
هلا بيك اخوي كاكشي .......
يحبيبي تحط وكاله البحرين عند وكالتنا هنا استريح بس انا يوم طلبت الجناح والنسافات والازياج هنا بالدمام مرمطوني وكل يوم رايح جاي امااااااا في البحرين اول شي جابولي قهوه وحلاااااا وبعدين جابولي الكتلوج الخاص بالاكسسوارات وقالولي كلي شي عندنا متوفر ويوم جيت احاسبهم وانا على الكرسي الموظف الي راح جابلي الباقي والقطع للسياره بس بقولك شي ترى التشييك عندهم اغلى من عندنا بنسببه للاكورد 2008 تقريبا 500 ريال اما في السعوديه تقريبا 350 ..............
تحياتي ......
يشرفني يكون اول مشاركه لي في هذا المنتدى الرائع على موضوعك
نفس المعاناه مع فرع الدمام
جيت ابسوي لسيارتي تشييك 30 الف قالولي تعال بتاريخ 28 -7 ليه طيب اكثر من 15 يوم
انتظار لا ومااستلمها بنفس اليوم قالولي تحطها وتاخذها اليوم الثاني او اللي بعده
تشييك وماني مشييك و 350 بارده مبرده ماراح اعطيكم
ارتحت يا هاشم جميل
انا يوم وديت سيارتي تشييك 40000 الف بالرياض دقيت
بالتلفون رد علي المهندس قالي تعال بكره انا استغربت كنت احسبه يتاخر
يعطيكم العافية اخوانيْ ،
بلاك اكورد
ما فرقت يا خوي ، كلها 150 ريالْ ،
و دام اني مستعجل على السيارة ما فيها مشكلة ادفعْ ،
و الظاهر ان تشييك الرياض أحسن من الدمام ،
لا هِنتم جميعْ ، ~
طيب فرع الخالديه بالرياض عطاني موعد التشييكـ 20,000
بعد أسبوع :d
المشكلة في فرع الدمام ان هو الوحيد في المنطقة وعليه ضغط شديد ..
انا اقدر سيارات الهوندا الا في الدمام اكثر بكثير من سيارات هوندا الا في البحرين .. ولا تنسى المناطق المجاورة كالخبر وضواحيها والقطيف وضواحيها .. وعليك الحساب
Honda Inspire : The other face for German Currency
شكلي مالي الا الرياضْ و انا خووكْ ،
ممكن احد يعطيني رقمهم ، اي فرعْ ما فيه مشكلةْ ،
بس اهم شيء يكون اوكيْ ، :d
السلام عليكم ...
في البحرين عندنا ثلاث مراكز صيانه حق الهوندا في المنامه ، ستره و المحرق.
بس اذا بغيت اودي سيارتي حق فحص ، احجز قبل ثلاثة اسابيع - أضمن - ...
سعر الفحص حق ال 10 ألاف في البحرين في حدود ال35 دينار فقط .
اي والله في فرق واجد ...
انا رأي تروح البحرين اريح لك ...
انزين الله يهداك اشفيك عصبت علينا ، :d
شيسمونه ؛ يعني نروح هناك و نتمشى عقب ، و نزور الربعْ ،
كـ قضاء وقت ، لا أكثر و لا أقل . .
و إذا على العج ، الله يسلم البرقع ما يقصّر ، ^^
البحرين الله يسلمك ، الوالد خايف علينا و مو راضي لنا نروحْ خخخ :d
تسلم ع مرورك عزيزي ( :
NightHawk + the pirate
يعطيكم العافية ع هيك مرورْ ،
و شسمه ؛ لو بيدي كانت رحت اليوم قبل بكرهْ ،
بس الله كريمْ ، :d
الله يعينا نصبر على ما يجينا الموعد حق الدمام ،
و ألا إذا حصل لنا أقرب منّه في الرياض يمكن أروحهْ ،
لا هِنتمْ
لا تلوم الوكاله في فترات تمر تصير زحمه غير طبيعيه على الوكاله زي يوم تطلع مشكله الطاره ...
انا يوم اودي تشييك الالف في الخبر اخذت ساعه وخمس واربعين دقيقه ..
بس ممكن الالف غير بس انا الي شفته ان تعاملهم زين ...
اهم تعاملهم من أحسن ما يكون ،
و الله ما قصر معاي الله يعطيه العافية في تشييك الألف و الخمس آلالاف ،
لكن نطالب انه يكون فيه صيانة بالأحساءْ . .
لأنها تضم الهفوف و المبرز و غير القرىْ ،
مو كل مرة نضرب مشوارْ ،
Honda Inspire : The other face for German Currency
هههههههههههههههه
ويش ليك بصيانة الوكالة
انا للاحين اتصل فيهم حق كشافات اكورد مو لاقي عندهم
مواقع النشر (المفضلة)