استشاره لذوي الخبره في الجنوط

[اســــير العيون]

السلام عليكم ورحمة الله وبركانه
كيف حالكم حبايب قلبي انشالله انكم بصحه وعافيه , فيه موضوع من جد مشغلني ومقلق بالي, انا مركب جنوط 18 رياضيه شريتها من السليماني وانا رجال بسافر بعد شهر وبقطع تقريبا اكثر من 1000 كم المشكله هنا انه فيه اكثر من واحد حذرني من الجنوط وقال فيه احتمال مع الحراره انها تنكسر عاد انتم ابخص بالنتائج اللي ممكن تصير يمكن انقلاب, دمار بطن السياره من الاسفل,.......الخ
الحين ابي مشورة اهل الخبره واللي قد جربوا ونصائحكم تنفعني وعلى عيني وراسي الى الااااااااان محتاااااااار ولا ادري وش السوااااااااة , انتظر ردودكم ووجهاة نظركم ودمتم سالمين.

[The Godfather]

^^^^
اذا الجنوط الاصليه معاك .. ركبها احسن لك !
و ان كانو طيس ..

الحذر واجب .. و درهم وقايه احسن من قنطار علاج !!

و لو ان في الخليج لا تضمن الجنوط .. طول ما انهم جايين من محل ...
الله يخلي النت .. و حتى بالنت مو كل مره تضمن الجنوط !

[gogo]

بسمه تعالى :

إذا كانت الجنوط أصلية فلا بأس %___@

أما إذا كانت الجنوط تجارية فأنصحك بإستبدالها برنغات الأكورد الأصلية كما السابق أي بعجلاتها السابقة العادية فهي أكثر أمانآ في السفر و أقل وزنآ من الجنوط التجارية و عند العودة للمدينة فيمكنك إرجاعها كما كانت بجنوطها التجارية مع توخي الحذر من عدم زيادة السرعة و اللف المفاجيء و الذي يسبب خللآ لوزنية الجنط مما يسبب الرجة المتعاقبة و عدم الثبات عند المناورة بحكم إختلال وزن الجنوط بسبب تبدل أو تنحي الكفر عن مسار الجنط @________- رحلة موفقة بعجلاتها الأصلية السابقة و بالتوفيق.

[اســــير العيون]

الله يعطيكم الف عافيه اخواني على ردودكم وكلامكم صحيح مافيه شك بس تدرون سيارتي سبيشل حتى الجنوط حقتتها صينيه :d:dيعني الشغله كلها صينيه ولو بغيت اركب جنوط الاكورد الصينيه يبي لي اشتري كفرااااااااات من جد انا محتاااااااااار طيب لو مثلا سافرت عليها كذا وماتعديت 140 150 هل تعتقدون انه ممكن تنكسر علي علما بأني رحت عليها من الرياض للشرقيه وبسرعه 160الحمد لله جات سليمه وربي سااااااتر ماكنت معطي الموضوع حقه .

[Black Accord 2008]

جنوط السليماني ... عادة ممتازه

واعرف اكثر من واحد سافر عليها ..

عالعموم اذا بتمشي في الليل وبدون تهور يعني 150 ودون

ان شاء الله ... ماعليك خوف ..

ومن جهة أخرى أعرف واحد معاه بي ام فايف وعلى طريق الدمام وجنوطه من بيج ويلز وبـ 30 ألف وانكسر عليه الجنط

الحافظ الله ...

تحياتي

[اســــير العيون]

black Accord الله يعطيك العافيه طمنتني وانا بوكل امري لله وبمشي عليها ماقصرتو بيض الله وجيهكم بس :(:(43مشاهدة وثلاث ردود بس :(:(.

[momo]

توكل وما عليك الحافظ ربي

نص الاكورادت السبيشل مركبين جنوط ويسافرون عليها مرات ومرات

[اســــير العيون]

اخوي momo الله يعطيك الف عافيه ماقصرت , انا بعد موتري سبيشل وكنت مركب جنوط الاكورد نفسها بس مو اصليه وماخليت مكان سفريات وخطوط طويله والحمدلله ماصار شي, بس انا حبيت استفسر عن ال18 الرياضي وماقصرتم جميع وفي الأول والاخير الله الحافظ .

[ابو مشعل]

اخي العزيز
انا معي هوندا كورد شبشل 2007
اول ما طلعتها من الوكاله ركبت لها جنوط من الغرابي 250 للواحد
وبعد سنه تقريبا سافرت بها الشرفيه والبحرين ورجعت الرياض وبعد شهر رحت الطايف ومكه وابها
والحمد الله ماصر لها شيء ...توكل على الله وسافر ..

[فقير الحظ]

انا الجنوط الي عندي اكثر من مره رحت عليها الرياض ورجعت للجبيل

ان شالله مايضر ... بس انصحك تركب جنوط شد بلد

لأنها بتفكك موترك تفكيك بالخط وبتغير شغلات كثيره اولها مسامير الهوبات

ولا فيه رساوه

ان شالله توصل بالسلامه

[اســــير العيون]

ابو مشعل الله يعطيك العافيه اخوي ماقصرت انا مجرب نفس الجنوط اللي شريتها ماخليت بها ديره :d من الرياض للشرقيه للطايف وجده والجنوب وليتها مراااااات الا مترت تمتير يحبه قلبك :d والحمد لله ماصار اي شي بس انا غيرت جنوط التجاريه شكل الوكاله ب18 رياضي,و يعطيك العافيه ما قصرت,

هلا فيك اخوي فقير الحظ يتفكك الموتر اذا كان فيه رجه في السياره وسببها الفراغ بين الهوب والجنط وقتها تقدر تركب فلنجات وتروح الرجه وما تتفك عليك بأذن الله والرسااااااااااااااوه اليييييييمه يا الحبيب ارسى من جنوط الوكاله ويعطيكم الف الف عافيه .

[مشعان بسكلاني]

مره دخلت السليماني وحشرررت لك الموظف لين قالي اصلي سوق ماهو اصلي
والله انا استغرب منكم يا شباب معقوله جنط الوكاله ما اعجبكم
اذا تبي رايي وانا اخوك غير جنط الوكاله بصراحه اخاف امشي فيه بس في الرياض وانت تقولي رح تسافر 1000 كم
الحافظ الله مثل ما قال اخونا بلاك لكن اذا هي على الوضع حقك صراحه ما يهيئ ابدا اسافر عليه

[اســــير العيون]

يارجال وكلت الله وقررت خلااااص الله يعطيك العافيه ماقصرت على اهتمامك .