الموضوع: تحقيق...للمهتمين و كاشفي الحقائق

السلام عليكم
انهبلوا هونداي شافوا ان الازيرا مشت يحسبون السوناتا زيها
طيب وش تتوقعون بيكون بديل للسوناتا يعني موتر حجمه مناسب وسعره معقول ويصبر

والله انا صدمة بعد بسعر السوناتا لي قريب شرى 2006 فل كامل l4 بسعر 65 الف تخيلو القفزه بسعر

ومقاربه لموصفات 2009

يعطيك الف عافية

السوناتا 2007 فل كامل

حساسات جنوط 17 جلد تخشيبه فتحه وووو

بـ 75 الف ريال بس


2009 بـ 101 مدري بكم

واواااووو والله اني متخوف من سعر الاكورد 2009

انا شاري الاكورد 2008 سبيشل وحاس اني دافع اكثر من قيمتهااجل وشلون لو كانت هيونداي بها المبلغ لازم يعيدون التفكير تحيه خاصه لك ياجوجو

يسلموووو عالمووضوع


والمعلومات قيمه جدا

تحياتي

السياره حلوه ومواصفات حلوه بس
اللي يشتريها بالسعر هذا غبي (معليش)
لانها كووووريه وماتستاهل
بايوي اذا الكوسه ارتفع سعرها تبي السوناتا مايرتفع سعرها

أشكرك إخي gogo على الموضوع
وبالنسبة لجنط ال2008 اللي بالصورة (النيكل)
ليش ماهو موجود عندنا؟؟؟؟؟؟؟؟؟؟؟
لأنو شكلو راح يطلع جدا رائع و خاصة على اللون الأسود

تسلم الله يطول بعمرك على الخبر لكن اتوقع ما احد بيشتريها ..

بالنسبة للهونداي اثبتت جدارتها وبكل قوة وبخصوص السعر ماكان ارتفاع من مجرد عدم لاتنسى ان فيها تجهيزات يمكن تفتقر لهاالاكورد مثل عدد الوسائد الهوائيه وسائل الترفيه انظمة السلامة ولكن مع هذا ما اعتقد انها تستحق السعر المذكور وانا متاكد انها في امريكا ماوصلت 20 الف دولار للفل ولاتروح بعيد عندك الاكورد في امريكا الطراز الفل ارخص بـ 30 الف تقريبا من اللي بالسعودية
مثل ماقلت اول واقول الحين وش الفرق بين هنا والدول الاجنبية الوكيل او اللي يشترون من الوكيل ؟؟

فعلا سوناتا وبهذي القيمه

يعني تاخذ لك سيارة جاباني بدون تفكير قال أيش قال سوناتا

اهلين شباب مشكور gogo على الموضوع
بتكلم بحكم انه كان عندي سوناتا 2006
السيارة مشكلة في الهوبات وأصوات كل يوم في الوكالة
والله من زين المعاملة في الوكالة تدخل السيارة وتطلع ما صار شي
كيف لو كان السعر مثل ما كتبت
وتقبل مروري

يعطيك العافية اخوي

يعطيك العافيهـ طآل عمرك ,


لـ رووعة ما تقدمـه ,

من يقول انها بـ 101.000 ريال ؟؟؟؟

الفل كامل مانزل للحين هذا اللي اعرفه ومتأكد منه 200%

مانزل من موديل 2009 الا السياحي مره واللي فوقه بشوي اللي جنطه 16 وتخشيبة ومثبت سرعة


لكن الفل اللي عليها الكلام للحين مانزلت ومتوقع انها تنزل في اواخر شهر رمضان المبارك


وبالنسبة للسعر برضو مغلوط اذا هذي اللي فوق السياحي بشوي سعرها 56 من جدك انت الفل بيصير سعرها دبل ؟


من اللي قايلك هالكلام وانت صدقته

ياعمي ماراح توصل الـ 70 وانا متأكد من كلامي لأني من مستخدمي الهونداي من عام 94 م والحين وللأسف غيرت وشريت اكورد

اربعه سرندل فل كامل مافيها اي شي يذكر ووكالة مع احترامي اقل من عادية في صيانتها وخدمتها اللي يتميزون فيه انهم يحطون لك كرتون مناديل اذا وديتها للصيانة غيرهم مايحطه ولو تمش خشمك بمنديل انتفخ خشمك وجتك حساسية


اوديلهم سيارتي عشان صيانة دورية مانحهم ثقتي وخوفا على حلالي اللي دافع فيه مايقارب المئة الف واروح اخذها مافيه اي تغيير او تعديل على الاشياء اللي اعاني منها وهي سيارة جديدة

غير كذا مخش في الكبوت


السيارة تجلس عندهم اربع ساعات خمس ساعات عشان ايش ؟ عشان يغير لك زين وسيفون

ويقول تعال تفضل تبي شاهي تبي قهوة كلو موجود


ياحبيبي حنا ناس ورانا بيوت وعيال وعندنا اشغال ودوامات تخليني اقضي عندك يوم ليه


وبالاخير 266 ريال على زيت وسيفون ومخش كبوت وقرطاستين مكان الدعاسات


ولو قلت نا خلاص الوكالة تعب علي بسوي الصيانه في اقرب فني جنب بيتي

وش النتيجة ؟ ينلغي الضمان ليييييييييه؟؟

لأنك مامشيت مع الجدول اللي مكتوب في دفتر الضمان

يعني ضمانهم خله لهم وبعذرهم خلوه مية الف او ثلاث سنوات


روح للوعلان وكيل هونداي في الرياض والمجدوعي في الشرقية والناغي في الغربية هذي هي المعلومة الصحيحة لأن الاخ صاحب الموضوع كاتبها غلط


ضمانهم ساري حتى لو جيتهم وسيارتك ماشية 99000 ولا جبتها لهم ولا مره هذي نقطة

النقطة الثاني ماكلف الله نفسا الا وسعها فروعهم للخدمات السريعة تلقاها ملازمة لكل محطة الدريس تقريبا

يعني انا جنب بيتي بدال الوحدة ثنتين وشغل وكالة وقطع غيار وكلشي نظيف ورخيص

غيار الزيت والسيفون عندهم كان يكلفني 70 ريال بينما هوندا 266 والورش اللي برا والبناشر تكلف تقريبا 85


اسعار هونداي وقظعها مناسبة جدا وقوية في التحمل وتطلع السيارة من الوكالة ولا تحتاج انك ترجعها لأن فيها عيوب مصنعية


وبالاخير هذي هي الوحيدة في السوق ياباني 100%

ابي اعرف انا وش بتفيدني هالكلمة اذا مو كل الامور ماشية تمام ؟


وش بتفيدني اذا عيون القطط اذا صرت احس انها تدخل في راسي


وش بتفيدني اذا انا مطلع سيارة قيمتها مية الف الا شوي وتلف يمين لحالها ومع كل صيانه اقولهم ولا يصلحون فيها شي وهو كاتب انه شيك عليها وزينها


وش بتفيدني اذا انا افتح دريشة السائق واسمع قرقعه وكأنك راكب ددسن 82 واقولهم مع كل صيانة ويقولون فكيناها ونظفنا الغبار وزيتناها

غبار وهي توها مكملة الف ؟

غبار وانا اسمه هالصوت وانا عند باب الوكالة مطلعها ؟

وهالجواب اسمعه مع كل صيانة

ياخون في الصيانة الدورية حق زيت وسيفون وشغل يد و و و

ابي اعرف وش معنى كلمة ضمان عندهم ؟


الضمان اذا خرب القير او المكينة ؟


ياحبيبي اذا خرب القير او المكينة ماراح ادخل على الصيانة واقولهم صلحو سيارتي


هذي بتدخل فيها محاكم


توني جاي من الصيانة وفاقعين مرارتي واعذروني على الاطالة

وترا سيارتي جديدة ماعمري تعديت المية وعشرين واللي يبي يشتريها يرسلي خاص


والله اني ابي اخذ سوناتا ياحبيلها عشرة عمر اكرفها كرف وقسم بالله يوم ركبت الاكورد وهي جديدة وفرق بينهم خمس موديلات


السوناتا اريح وهي قديمة

سلامات


في امان الله وبرب

بسمه تعالى :

^^^^^^^^^^^^^^^^^^^^^^^^^^

أعصابك يارجل أعصابك *____________________* إن أحببت أن أحذف الموضوع سأحذفه لخاطرك و لا تعصب ^_____*

الكلام الذي جئت به هو من مسؤول موظف المجدوعي و لا أفتي به بل تحريت الدقة بالرد و لا أعلم لما التهجم و سرعة التحكيم بلأمور ---_--- إن كنت غلطان فأنا أأسف و حقكم علينا و إن كان موظف المبيعات هو الآخر أخطأ فما هو ذنبي ^______^

الأسعار لموديل السوناتا 2009 قفزت بمعظم الأسواق و منها السوق الأمريكية و التي زادت بنسبة عالية عن العام 2008 و السعر لطراز الفل أوبشن يصل إلى 98000 SR حاليآ لموديل 2009 و ليس بعد تغير أسعار المواد الخام مستقبلآ بإرتفاع أسعار البترول عالميآ و الذي لا نعلم إلى أين يصل *__*

نموذج لموقع autoblog يوضح الحقائق بالنسبة لقفزة الأسعار و لا أعلم لما الأسعار لدينا قفزت عاليآ مقارنة بأسعار هيونداي بأمريكا --_--

2009 Hyundai Sonata gets big bump in price

Posted Feb 7th 2008 4:03PM by Chris Shunk
Filed under: Car Buying, Sedans/Saloons, Hyundai

click above for more high-res images of the 2009 Hyundai Sonata

The new 2009 Hyundai Sonata gets a bump in interior refinement and available power, and the South Korean automaker would like to be paid for all its troubles. The 2009 Sonata Limited saw the largest jump in price, with the new model going for $24,645, up $1,650 from the 2008 model. At the bottom of the Sonata lineup, Hyundai increased the sticker on the entry GLS by a more reasonable $700 to $18,795, or $19,995 with the upgraded five-speed automatic transmission. Oddly enough, however, the base Sonata is now $75 more than a base 2009 Camry, which is an interesting decision on Hyundai's part. With destination and delivery charges included, the base Sonata GLS is now $585 less than the base 2009 Toyota Camry, which starts at $19,380. The base Chevy Malibu LS, meanwhile, now equals the automatic Sonata GLS in price at $19,995 with d&d costs included.

ياحبيبي حنا ناس ورانا بيوت وعيال وعندنا اشغال ودوامات تخليني اقضي عندك يوم ليه

وبالاخير 266 ريال على زيت وسيفون ومخش كبوت وقرطاستين مكان الدعاسات

مع إحترامي الشديد دفع مبلغ محترم لتغيير الزيت و السيفون و عمل اللازم لفحص الأجزاء المهمة بالمركبة لدى وكالة
هوندا هي أفضل و أكثر ضمانآ من تغيير الزيت عند محلات تغيير الزيوت و التي يتعلم أفرادها عل حساب سيارتك و عدم وزن مستوى الزيت بالطريقة الصحيحة و بالإضافة لذلك عطب شديد لبرغي خزان الزيت من شدة الشد و الربط و الأسوأ لمس الحساس أسفل الفلتر و وضع قماش قبل عملية التنظيف مما يؤدي لزيادة دورات المحرك بسبب تغيير زمن التحكم بالدورات بسبب تغيير طفيف بموقع الحساس و التي تصادف معظم ملاك السيارات الجديدة.

اسعار هونداي وقظعها مناسبة جدا وقوية في التحمل وتطلع السيارة من الوكالة ولا تحتاج انك ترجعها لأن فيها عيوب مصنعية

أختلف معك بهذه النقطة ...قطع الهيونداي باهظة و غير دقيقة الصنع غالبآ و الهيونداي يشتكي معظم ملاكها من غلاء و سوء الصيانة لديهم و فارق السعر عند البيع و الذي يهبط بفارق كبير عن فئات السيارات الأخرى

وبالاخير هذي هي الوحيدة في السوق ياباني 100%

ابي اعرف انا وش بتفيدني هالكلمة اذا مو كل الامور ماشية تمام ؟

الأمور يراد لها الصبر و عدم التسرع و أخذ الحكمة و التروي .... كلمة ياباني قليل في حقها و الصحيح يجب أن نقول
الساموراي أو المارد الياباني

وش بتفيدني اذا عيون القطط اذا صرت احس انها تدخل في راسي

نسم الكفرات لضغط 3.0 و شوف الفرق ... أحب أعرف إللي جربوا السوناتا كيف تكون عند عيون القطط
أنواع الموسيقى الكلاسيكية بسبب التعليق القاسي جدآ

وش بتفيدني اذا انا مطلع سيارة قيمتها مية الف الا شوي وتلف يمين لحالها ومع كل صيانه اقولهم ولا يصلحون فيها شي وهو كاتب انه شيك عليها وزينها

عذرآ تلف يمين ببعض الفئات و ليس الكل ... معظم السيارات الجديدة بها تلك المعظلة بسبب سرعة التجميع
و بعضها ما شاء الله تختفي به تلك المشكلة .... و لا ننسى مقاومة الهواء الجانبية و التي تؤثر بشكل أو بئآخر
على الثبات الخطي للمركبة .

السوناتا اريح وهي قديمة

خذلك سوناتا و ريح بالك لأنك بالأساس معجب بالهيونداي و مبروك مقدمآ .

انا من مستخدمي السوناتا من عام 94 وقلت هالكلام في ردي السابق وذكرت اني اتجهت للاكورد طمعا في المزيد من القوة والمتانه والرفاهية في الخدمة ولكن للأسف اللي صار العكس تماما وهذا مقصدي من الموضوع

لاتعليـــق . . مــوووو مــعــقــوول

ههههههههه اجل ياحبايب كم سعر الازيرا

لا تلوموني ان قلت 130الف اجل مابقا الى هي

ولله والكوري وصل100الف الله يا دنيا من زمان الى وصل 50قلنا غالي عليه

بس انا استاجرت سوناتا 2008 سيح طبعا سواقتها نفس الكامري بالتمام بس الفرق المراتب مهيب مريحه ذاك الزود
و الطبلون لون الاضائه كلووووو اخضر كنك في غابه

اسمحولي لو مابقى في الكون الاسوناتا ماشريتها