الموضوع: احب الهوندا بس خايف منها بنفس الوقت

مااتوقع الفرق يبي يصير اكثر من الفين

اما القطع الشكوى لله .. الزين غالي

اذا كنت خايف
مالك الا اكره سياره في العلم عندي
وتقدر تكدها اذا حدتك الظروف

اخوي توكل على الله ومبروك مقدماً انا مثلك , قبل ما اشتري سيارة وهي الأكورد2008 كنت خايف نفسي نفسك أولا من قطع غيارها , وثانياً خايف ان الأكورد2009 تتغير لكن ابشرك قطع غيار الأكورد 2008 ارخص من إلي قبلها بشوي ((وهذا على ذمة واحد شغال في الوكالة وهو موريني ورقة التخفيظات)) وإلي شفتة بعيوني البريكاااات (الفحمات) في 2007 وتحت سعرها 266 رياال 2008 سعرها 199 ريال يعني 200 ريال والله اعلم ,, ومثل ماقالوا الشباب 2009 ماراح تتغير بأذن الله , وانا سألت واحد في الوكالة قال للي بيوصل لنا في رمضان أول دفعات 2009 ماراح يغيرون فيها شيء وأبشرك شريت اكورد 2008 فل كامل 4 سلندر ومن جد إذا قالوا عليها ملكة ;)

باعزيزي توكل على الله واشر الملكة
وفي تخفيض 40% على قطع الغيار عن 2007

اخوي نصيحه استعجل في السيارة قبل بداية 2009 سمعت انه على بداية عام 2009 راح ترتفع اسعار جميع السيارات + قطع الغيار 40%

مشكورين اخواني على الردود شكلي باعجل فيها

ابد توكل على الله ياابوعابد ولاتشاور في الاكورد ، وعلى فكرة كل السيارات بقطعها غالية الآن حتى تويوتا اللي يقولون رخيص مزعجينا فيه الحين اصبح ناااااااار ، بالعكس الاكورد هي اللي نزلت اسعار قطعها .

نفس كلام الاخوان ترى سيارات 2009 راح ترتفع اسعارها بفرق كبير

مشكورين اخواني على الردود بس ياليت واحد يفيدني بالدفعات
مثل الدفعة الاولى والدفعة الثانية وش الفرق بينهم

ما اعرف بالدفعات لاني مش بالمملكه عايش بس انت تقول بتشتري السياره جديده يعني انشاء الله 5 سنوات لاتحتاج غير صيانه وبس والهوندا معروفه بجودتها العاليه وقله خراباتها توكل على الله اخوي الاكورد موتر وللعمر

السلام عليكم انا امس كنت بالوكالة بجدة واخذت الأخبار التالية:-
1- الأكورد اسبشل+ فل لاتتوفر الوان منها
2- أسعار القطع اقل من القديمة بفارق ملحوظ
3- سوف تنزل الأكورد 2009 وبدون اي فرق يذكر في 20 من رمضان بالتأكيد ان شاء الله
4- راح ترتفع الأسعار من 500 الى 1000 دولار في 2009
وهذا يا أخي كلام الموظف بشركة هوندا بجدة طريق الميناء
واذا معاك كاااااااش الحق المعارض قبل ماتغلى:p

ولاتتردد بالأكورد تراها كذا

مشكورين اخواني ويعطيكم الف عافية بس ياليت واحد يفيدني على الدفعات

ياجماعة سؤال اخير انا عارف اني ثقلت عليكم
الاكورد سبيشل انا شفت طبلونها 260 ولا جميع الفئات تمشي 260

الـ 260 شكل بس :d لا تغرك

بجميع الفئات

يعطيك العافية اخوي
والله شكلي باحتري لين تجي 2009 وشوف بعدها
يمكن يحطون عرض زين عليها خاصة برمضان
ولاوش رايكم ياخواني

ها شباب وش رايكم انا غلطان ولاظنكم صادق بها الشي

اللي يقول ان جميع اسعار سيارات 2009 بترتفع ..

من وين جاب ذا الحكي ..؟

كلام صدق ولا كالعاده (خرطي) :p

والله ياخوي بياله هذا مو كلامي كلام الموظف اللي بشركة بهوندا
وانا لين الحين حاير مره

اللي اعرفه في الفرق بين الدفعه الاولى والثانيه هو انه لو كان فيه مشكله في الدفعه الاولى او شي يتعدل في الدفعه الثانيه
توكل على الله
وخذلك 2008
بس يمكن ما تحصل ألوان مثل اللؤلؤي والاسود

اخوي كنج انا حصلت سياحي لون لؤلؤي بس والله شكلي حاير مره