الموضوع: شح في معارض القصيم,,

هي الأكورد كذا ...لازم تتعب على ماتحصل عليها خصوصاً بالقصيم ..دور بالرياض أو الشرقيه

أما بالنسبه للتضليل على ما أذكر أنه ممنوع

تروح لمعارض القصيم تدور اكورد خخخخخخ

لاتروح لمعارض القصيم الا اذا بغير هايلوكس ولاجيب ربع خخخخخخ

والتضليل للقزاز الامامي ممنوع

اما الجوانب الاماميه المسموح 00 فقط

وباقي الدرايش مسموحه

اخوي سعد ماحددت موديل الاكورد اللي تبغاه ، لأن فيه في قسم البيع والشراء دائما اكوردات تعرض للبيع ، وطبيعي تلقاء الاكورد مختفية من المعارض خاصة ان الوقت الآن عطلة حتى في الرياض ممكن تلقاها وبالعذاب وحتى لو لقيت راح تلقاء سعرها ضارب فووووووق تبغاها ولا فيه احد غيرك محتاجة لها وراح يشتريها وماراح تفرق معها 3000الاف او 4000ريال زيادة ، الموسم هذا اللي هو موسم العطلة الصيفية موسم غلاء السيارات لحد بعد رمضان وخاصة موسم العيد فأنصحك انك تنتظر حتى لو لقيت لاتستغرب من ارتفاع الاسعار والسبب كل السيارات الجديدة الان مرتفعة حتى اكورد2007 جديدة في الوكالة ابى سعرها ينزل تحت او ينزل كثير ، وبالنسبة للتظليل فالتظليل كل السيارة زيرو زيرو مايقولون الشرطة شيء عنه او هو اللي سامحين الشرطة به ، انا مظلل السيارة كامله زيرو زيرو ماعدا الخلفية زيرو تو ، والامور تمااااااااام