ابي نصائحكم عن السوبارو ليجاسي

[mjoood99]

السلام عليكم ورحمة الله وبركاته

مساكم الله بالخير جميعا

ياجماعه ادري ان نوع السياره ماله دخل بالمنتدى

بس انا والله شفت المصداقيه بالمنتدى هنا

والاعضاء مايقصرون

بس بغاكم تكرمون علي وتعلموني عن سلبيات وايجابيات السوبارو

من عزم ورساوه واذا تتفكك ولا لا

واكون شاكر لكم

[CR@SH]

كل شي في السيارة ممتاز ما عدا وقت الصيانة و عند اعادة البيع

قطعها صعب انها تتحصل و في نفس الوقت غالية

و السوبارو غير مرغوب كثير

لكن ما ناحية المواصفات و العزم و الشكل و و و ... فكلها ممتازة

هذا رايي

و ان شاء الله الاعضاء يفيدوك اكثر

[أبو الريش]

والله بصراحة اليجاسي سيارة حلوه

ولكن قطع الغيار غير متوفرة

واسعارها نار نار حبيبي والله نار

هذا الي اقدر اقوله فقط لا غير

[هـــوندا وبـــس]

الليجاسي سياره حلوه ورياضيه

بس يعيبها أنها ضيقه (صغيره)

[الـــظـــل]

الليجاسي سياره روعه بمعنى الكلمه و أنا راكبها و سايقها و مجربها
سياره حلوه و ممتعه لكن عيبها مثل ما قالوا الأخوان إنها غير مرغوبه عند البيع و ضيقه من الخلف
و قطع غيارها قريبه من الهوندا

لكنها سياره حقت مكده يعني أكرفها لين تقول بس ولا تخرب مثل الهوندا سياره عمليه بمعنى الكلمه
بصراحه أنا أشهد لها

[Jack]

انا عندي وحده لكن مثل ماقالوا الشباب قطع الغيار مشكله + ضيقه من الداخل
بس ماعليها كلام
لكن انا اللعندي أوت باك - هاتشباق

ارجو انك استفدت من المعلومات

تحياتي واتمنى التوفيق للجميع

[o-k-r]

اول عيب مصنعي

كل 80000ألف كيلو لازم يتغير جنزير المكينة انا سمعت الخبر من مدير الصيانة في الرياض

[mjoood99]

لكل الموديلات لازم يتغير الجنزير ولا 2008 بس

[o-k-r]

من بعد 2006 اقصد الأشكال الجديدة فيها هذا العيب

[محجوب]

بصراحة السيارة coooooooooooooooooooooooooooooooooool يعني حركااااااااااااااااااااااااااااااااااااااات

أنصحك بها وبقسوة :d

من جد فخامة وأناقة ومرتبة بشكل رهيب داخليا وخارجيا

وسعرها معقول جدا ولا تنسى أنها ياباني أصلي مو زي التيوتا والنيسان وبصراحة نظام الدفع الرباعي فيها يكفيك ...... ثبات ورساوة على الطريق ..... وعزم جبار وسريع ;)

[CIVICORD]

بصراحه ما أقدر أقول الا انها .................. سيارة .. << باللهي .. وهو يحسبها قارب ...

بس قصدي انها من جد تستاهل كل ريال ينزل ...

ومأنتكه حتى أكثر من اللكزس GS ... <<< طبعا عندي كلام كثييييييييير عن الـGS ... لأنها و عن طريق التجربة ما تستاهل هالسعر العالي ... << وش دخلها فالسالفة ..:d

[بلا حدود]

^
^

انا لا حظت بكل سيارات لكزس انها ماتستاهل سعرها واخر تجربه لي كانت مع الـ Es350 طاح من عيني كثير وماتوقعته كذا ( لا عزاء لمن يقارن اللكزس بالالماني )

من بعد 2006 اقصد الأشكال الجديدة فيها هذا العيب

ياعزيزي هذا مو عيب ابداً كون السير ربل فهو بلاشك يحتاج صيانه دوريه وتغيير مابين 80 الف الى 120 الف ( على سبيل المثال الاكورد V6 سيرها ربل )


نرجع لصاحب الموضوع

بالنسبه لليجاسي سياره تحفه بماتعني الكلمه من معنى

مميزاتها :

1- شكلها الانيق ومواصفاتها
2- رساوتها العاليه جداً
3- دفعها الرباعي
4- سيارة كرف من الدرجه الاولى
5- متميزه لندرتها

عيوبها

1- ارتفاع سعر قطع الغيار ( مقارب لسعر قطع غيار الاكورد 2007 )
2- مالها سوق بالسعوديه ويطيح سعرها
3- تعليقها قاسي
4- عزل الهواء فيها ضعيف
5- صغر حجمها وضيق مساحتها الداخليه


اذا هي عاجبتك ومسألة الضيق ماتشكل حاجز بالنسبه لك فـ انصحك فيها وبشده وراح تعجبك كثيراً