عزم الاكورد 2008

[ماكل الجو]

السلام عليكم ورحمه الله وبركاته.....

اممممم ... مااطول عليكم بس عندي سؤال عن عزم الاكورد 2008 انا بصراحه من اصحاب الاكورد 2008 فااستغربت من عزمها جدا في الخط انها ضعيفه جدا لان صار بيني وبين واحد من اخوياي تحدي معاه بيجو 407 موديل 2008 قالي قومه تروح علي بس في الخط لو تنهبل المهم جربت معها في خط وياليتني ماجربت والله ياجماعه انه يهدي واذا قربت عنده يروح علي طبعا كلها 4 سليندر وانا امشي 210 لما تفصل عاد اعطوني رايكم هل مشكله في عزم سيارتي والا الاكورد هذا عزمها طبيعي بس بيني وبينكم البيجو في الخط ماعليها زود لان كان معي وحده قبل الاكورد وتعطيك في الخط ماتقول لااا ابدااا ماشاء الله........ وسلامتكم:d

[دحوم]

اول حاجة لازم تعرف ان اكورد 2008 اثقل من 2007 هذي نقطة ، النقطة الثانية يختلف اداء وعزم السيارة من سائق إلا سائق ، النقطة الثالثة الاكورد تفصل على 220كم/ساعة وهذا اللي يخلي المنافسين يهزئون للأسف خاصة في الطريق :(، النقطة الرابعة واجهة السيارة في 2008 اكبر وارفع واصدام الهواء فيها يسبب مشكلة في قلة عزمها بينما العكس في 2007 حيث نزول الواجهه الأمامية بشكل ملحوظ واتخاذ وضعية الطير المنقض على الفريسة منحدرة بشكل يخلي الهواء سلسل معها ، النقطة السادسة البنزين إذا صار فل او فيه اغراض او اشخاص في السيارة او مركب جنوط او اي عامل يثقل السيارة يقلل من عزمها اثناء الطريق وجرب لحالك والبنزين على الربع وجرب ومعاك عفش واشخاص والبنزين فل فرق السماء عن الارض ، النقطة الساعبة والاخيرة ممشى السيارة له معنى كبير فواحد ماشي بسيارته 20الف غير واحد ماشي بسيارته 100الف ، واحد ماشي بسيارته 100الف داخل المدينة غير واحد ماشي 100الف بسبب كثرة السفر فالمحرك يتنشط على الخط اكثر من داخل المدينة ;)

تحياتي لك اخوك دحوم ;)

[أبوعبدالله]

انا عندي نفس المشكلة .

وكلام الاخ دحوم صحيح من ناحية عيوب 2008.

[قصيمي جدة]

اول شي لو الهنادي ديزل كان شريته
بعدين انت شاري السيارة تمشي به ولا تسابق به؟؟؟؟!!
وبعدين لوعلى عزم ضعيف انا موتي ولله الحمد طرحت كامري 2008 قومة وخط
بس انت موترك يمكن ماتمرن زين

[سنودي]

نعم الموتر عزمه ضعيف وصاير عند العالم مضحكه كلن يقوم عليك وقومتها ثقيلة والله هزلت شي يقهر يمر من جمبك ددسن ولا ياريس وتقوم عليك عند اشارة
لاتجي اخوي الي تقول ماتمرن ماسويت انا مرنتها احسن تمرين وتمرين يهوود لاكن مافي فرق الموتر ثقيل مع العلم الي عندي 2008 فل

[amer09]

يا شبااب انتوا ماخذين اكوورد ولا بووووورش



وبعدين لو دباب يقوم على الاكورد ماعندي مشكلة شاريها شاريها الله لا يعوق بشر


<<<< يبي يتصفق

[A N M A R]

ثقيله احسن من انها خفيفه

الثقل لها ميزات

اولها الرساوة في المنعطفات

[AHA]

من كذه احب الهوندا ما تخليكم تسرعو شلكم بالسرعه
لان الهوندا تحبكم
ههههههههه
اللي يبي سرعه ياخذ تويوتا ولا نيسان بس راعي الهوندا ياخذها علشان شكلها
يا اخي من ياخذ الهوندا انسان متزن هههههههههههههه

[هنادي 8]

كلام سليييييييييييييييييييييم

تبي تقاوم خذلك بوغاتي عشان محد يقوم عليك؟؟؟؟