مثل ما قالوا الشباب الله يحفظهم انا ابغاك تفكر بالعقل التظليل الكوري ما يتعدى 300 ريال احسن محل وشغل ما في احسن منه لكن لون فقط لا غير اما التظليل بالماركات المعروفه مثل جونسن او زيبارت او في كول كول لايت اقل سعر شفته ومع المعرفه 1400ريال وشغل يوم كامل وداخل ورشه مجهزه بالكامل وانت بعقلك تقدر تحكم وما تعرف الفرق إلا اذا ركبت شي عليه القيمه انا ركبت هذا اللي تقول عليه صحيح لونه حلو وتشوفه كانه عازل لاكن في الحقيقه لا يعزل سوى 10% من حراره الشمس اما بالنسبه لما ركبت جونسن والله حسيت بقرق واضح واخص بالذكر للي مقاعدهم جلد يعطيك عزل 80 % حسب كرت الضمان
ثاني شي تخيل تركب عازل ب300 ريال مثلا وتجي عند الاشاره ويفكه لك العسكري لانك ما عندك بطاقه كرت الضمان معترف فيها من المرور بشرط يكون غير كاتم او حاجب للروئيه وحسب مخالفات المرور فيه بند يقول اذا كان التظليل غير كاتم ومن شركه معترف فيها من الاداره العامه للمرور بالممكله اي قائد مركبه مركب عازل حراره بنفس الشروط اللي ذكرتها مسبقا ومن شركه معروفه فليس لاي عسكري مرور الحق في اعطاء مخالفه او ازالة التظليل من المركبه هذا للافاده ولكم مني جزيل الشكر يا اخواني