الموضوع: يا اصحاب ..الاكورد ..والسفك..و Mrv و Crv ..؟؟

الاكورد ماتعاني من هالشي ابداً

بصراحه مستغرب من المشكله اللي ظهرت لك بسياره تابعه لهوندا

لأنه وكما هو معروف المشكله هذي لم نسمع بها الا بالافالون ولك ان تسأل اصحابها

الله يكون بعونك

حبيبي هذي في كل السيارات لا تخاف انا كان معي هونداي النترا 2005 وكل ما عطيتها دعسه تطلع لي الريحة وانا لاحظتها بكل السيارات عموما ,,,,

شيء من جد غريب ...... خصوصا أن سيارتك اللي هي Mr-v عند الوالد الله يحفظه مثلها ...... و أستخدمها دائما وبصراحة أفضلها على سيارتي خاصة اذا كان مشواري طويل ...... و أحيانا كثييييرة أدعس بها لين أفطسها سواء من الصفر و لين تفصل معاي على الـ185 .... وعمري ما شميت ريحة بها .... مع أن المكيف شغال دايما ....... شي غريب

عندي اقتراح لك بس ما أضمن نتائجه ...... يمكن لاحظت في الوكالة وجود ورقة كبيرة في قسم الصيانة تحكي عن تنظيف لأجزاء المكيف وتعقيم عن البكتيريا وهالحاجات ...... ليش ما تجربه خصوصا أن سعره معقول بحدود الـ200 ريال !

أتوقع راح يفيدك بمشكلتك

الله يكون في عونك ياخي وتلقى السبب
عندي اكورد وcrv ومالاحظت شيء
لايكون فيها قطو صغير نشب داخل المكينة والطبلون ومات وإذا هب المكيف هبت عليك !

المشكلة موجودة عندي سيفيك 2007 بس مو ريحة قوية جدا بس من السهل انك تلاحظها:d

أفضل طريقة أنك تفتح فلتر المكيف إلى موجود بالدرج

وتضع دهن عود أو معطر جو للسيارة

وإذا لا يوجد فلتر بالدرج

ضع معطر وثبته على فتحة المكيف

السلام عليكم ورحمه الله وبركاته أنا عندي مارفي 2004 مااشم شي احيانا اشم شي بسيط اذا دعست وهذي عاديه من ريحه المكينه لانها جديده رحت الوكاله مثل السياره اذا طلعتها جديده يقولون لك لاتتعدا 80 لو تعديت ومشيت مثلا 120 رايح تشم ريحه ويمكن يكون كلامي غلط حبيت اشارك شكرا لك.

السلام عليكم ياشباب .. واعتذر عن عدم الرد لان بصراحه اشغلتنا الدنيا عن منتدانا الغالي واللي تعلمت منه الكثير قبل شراء السياره وبعد الشراء .. واشكر كل من اكرمني بالرد على المشكله وبصراحه الاحظ انها خفت عن اول بكثير .. اتذر مره اخرى عن تأخري في الرد عليكم . وااله يحفظكم ويرعاكم .. وشكر لمشرفنا الغالي