تكفووون فزعتكم يااخوان ؟؟؟؟؟؟؟؟؟؟

**ن س ر 9** · 23-07-2009, 09:24 PM

السلام عليكم ورحمة الله وبركاته

تكفون فزعتكم يااخوان ابي حل لمشكلتي

انا معي اكورد 2008 فل كامل غير البطاريه امس طبعا كلمت الوكاله سالت عن البطاريه قال 250 ريال

والتركيب 50 ريال وشريتها من عند الطيار للبطاريات 200 ريال مع التركيب نفس النوع اسيدولكو نفس اللي بالوكاله

طبعا اللي كانت بالسياره حقت االوكاله ياباني مقاس 55 امبير واللي ركبتها 60 امبير قالي راعي البطاريات نفسها

55 امبير 12 فولت و 60 امبير 12 فولت بس حجم 60 امبير نفس حجم حق الوكاله اليابانيه صغيره ماحصلت

55 صغيره الموهيم يوم جيت اشغل السياره كل شي تمام يوم مشيت وصار المغرب شغلت الانوار فجاه صار نور

الطبلون والشاشه ضعيف واذا طفيت النور يرجع قوي مدري والسالفه بس ركبت بطاريه 55 امبير اسيدولكو حقت

خويي وفكيت اللي شريتها الجديده 60 امبير الموهيم نفس المشكله مدري وش الحل تكفون افيدوني اللي حاصله

نفس المشكله يقولي تكفون موتري ماعاد قدرت احركه اخاف يكون فيه التماس او لخبطه بالظفيره مع العلم

اني ماركبت اي اضاقات على السياره لازنن ولا اي شي انتظر ردودكم ياابطال .....

**AcCo7rD** · 23-07-2009, 09:42 PM

وعليكم السلام ورحمة الله وبركاته

كيف حالك يا خوي إن شاء الله طيب

لا تخاف ولا شي ولايكون خاطرك إلا طيب
إن شاء الله موترك مافيه إلا العافية

بس المشكلة البسيطة اللي عندك وهي ماهي مشكلة
إنك لما جيت تغير البطارية فصلت الأصابع وبكذا ينقطع الكهرب عن كمبيوتر السيارة اللي فيه الذاكرة اللي تحفظ إعداداتك.

أنا ودي بس أنك تشيك على شي واحد :
* إذا الراديو عندك ضيع القنوات اللي كنت انت مخزنها فيه، معناها نفس اللي قلت لك.

أبد ... ماعليك سوى أن تعيد الإعدادات مرة أخرى
أنك تقوي النور الداخلي من السويتش حقه وتخزن قنوات الراديو وتركد الساعة ......

وخبرنا وش يصير معك
بالتوفيق

أتمنى أني أكون أفدتك يارب

**ن س ر 9** · 23-07-2009, 09:48 PM

الف شكر اخوي على الرد المفييد بس الراديوا ماصار فيه شي

بس الحل حصلته اني ازود من التحكم حق الاضاءة لاني ماعرفته الا قبل شوي من خويي الف الف شكر

بس ماغبني الا ذا الوكاله اللي تسرقنا وحنا مادرينا

**AHN** · 24-07-2009, 01:02 PM

المشاركة الأصلية كتبت بواسطة ن س ر 9 0 0 0

الطبلون والشاشه ضعيف واذا طفيت النور يرجع قوي مدري والسالفه

حبيبي ., سيارتك مافيها أي مشكله .,
بس يا طويل العمر .,
فيه عصا تلقاه بالطبلون . الي يغير لك العداد واذا انت فل كامل (يطلعلك درجه الحراره ) :p
المهم ذا لفوه ( دوره) يمين .,
وأن شاء الله يطلع أوكـــي

**الـمـسـافـر** · 24-07-2009, 01:17 PM

بس ماغبني الا ذا الوكاله اللي تسرقنا وحنا مادرينا

وشريتها من عند الطيار للبطاريات 200 ريال مع التركيب نفس النوع اسيدولكو نفس اللي بالوكاله

ولو انت سالت كان وصفت لك محلات الجمله تركبها بـ 150 ريال (ونفس مقاس الوكاله بالضبط)

يعني على قولتك الوكاله لعبو عليك والطيار اخذ منك 50 ريال زياده

*نصيحه : اسال قبل تركب اي شي اذا ما عندك خلفيه عنه