ناوي اشتري اكورد 2008 فل كامل 6سلندر::استفسارات

[zeyad]

السلام عليكم

انا طالب القرب من اكورد وتوني مطلق الكامري؟.؟.؟؟؟؟

انا جربت الهوندا 2006 سيح واعجبتني

وناوي اشتري 2008 نوع 6سلندر فل كامل

طبعا من المعارض وخل الوكاله لاهلها

كم اسعارها

هل هي راسيه

وهل صوت المحرك واضح

الكلام الى سامعه انها مريحه جدا وسلسه اكثر من سابقتها 2007

واتمنى الى معه وينصحني يحط رد او اشتري فل بس 4سلندر وهل يوجد لها جلد
وما الفرق بين فل كامل 4 وفل كامل6 بالتفصيل وهل الشاشه تفرف وهل يوجد نفقيشن للفل 6 الدفعه ال2

[A C C O R D 0 8]

من ناحيه فل الاربعه تمام التمام وفرقها عن السته سلندر الزينون وكاله والمكيف الخلفي موجودين فيها بينما الاربعه سلندر غير موجود فيها الزينون وكاله او المكيف الخلفي ..


وطبعا شكمانين :d وفيه قطع ربل تكون بزوايا الصدامات الاماميه والخلفيه لحمايه الصدام في التوقف :d ..,,

ومن ناحيه صوت المحرك والاشياء الباقيه والله المعذره اول مره اتزوج من هوندا ..


والرساوه والله الحمد لله معي الاربعه وهي ماشيه زي العسل ...


ومن ناحيه سعرها انا اعرف ان فل الاربعه الان وصل سعرها 95 بس هذا الكلام قبل كم اسبوع يمكن تغير شي ..

وانا انصحك تتنظر لين تنزل 2009 وبتنزل الاسعار اكييد ..


والله يوفقك

[zeyad]

حبيبي تراني بدون سياره الحين

وموصي واحد يدور لي على فل كامل

وهل فيه لون سكري او عنابي لل2008 او ناخذ الؤلؤي ونستريح

ومن الداخل بيج اكيد

[A C C O R D 0 8]

ياحبيبي انت :d مافيه عنابي ولا سكري ..


هي خمس الوان .. لؤلؤي .. اسود .. ذهبي .. فضي ( فيراني ) .. كحلي .. << حسب مااذكر من الوكاله ..


ومن ناحيه انها بيج ايه داخليه الؤلؤي ووالاسود الفل بيج .. لكن السبشل والسياحيه ماادري والله ..

والفل ترى عروووس .. الحق عليها

[kakashi-san]

وعليكم السلامْ ..

يا هلا فيك أخويْ ،

والله أنا أشوف أن 2008 جاي عليها اللون الأسودْ ،

وترى 2009 ما راح تتغير ابدْ ،

يعني توكل على الله وخاصة انك مستعجلْ ،

ومبروك عليكْ مقدماً ،

[zeyad]

مشكورين على ردودكم

ممكن سعر ال فل كامل 6سلندر بالوكاله والمعارض

طبعا انا طلبي هو لون خارجي ابيض والداخليه بيج فل كامل كم تجي سعرها

[AL5FY]

انصحك بالفيراني


بالتوفيق

[zeyad]

ولله احسه لون ماهضمته اخوي

احسه ممل

[sunnyee]

الفل 6
يجي سعرها بحدود 110 أو 114 أظنها في هذه الحدود اذا ما خاب ظني

وفي فئة ثانية 6 بـ 101 بس الفل اربعة أحسن منها في المواصفات

نرجع للفل 6

ازيد عما ذكره الإخوان
نظام منع الانزلاق Vsa موجود عكس الأربعة سلندر
نظام Vcm للتحكم في عدد الاسطوانات العاملة للتقليل من استهلاك الوقود
يوجد مرشات او بخاخات لتنظيف الأنوار الأمامية

بالنسبة للألوان
أبيض لؤلؤي --- اسود --- كحلي --- ذهبي -----> داخلية بيج مع تخشيب
فضي --- فيراني ----- > داخلية رمادي فاتح مع كروم " نفس الموجود على الدركسون "

والله يبارك لك فيها مقدماً

[zeyad]

اقول مستحيل توصل 110

اصلا معروف ان الاكورد كوبيه ب110 على قوله احد الاعضاء

ومعروف ان السيدان ارخص من الكوبيه ب اكثر من 5000ريال او اكثر

ووكيل هوندا سياسته ينزلها اول ماتنزل بسعر فوووق وبعد فتره تنزل والى شاف طلب زايد رفع<<ومن زينها

[kakashi-san]

أخوي أجل أخذها من البحرين احسنْ لكْ ،

بـ 105,000

ومعاها عروض بعدْ ،

روح شوفهاْ هِناكْ ،

:d

[amer09]

^^^^^

مكن تعطينا عرض البحرين

وكم ياخذون عليها الجمارك لاهنت

[zeyad]

لو اني من سكان الشرقيه كان شريتها من البحرين

بس معارض النسيم ماتقصر اهي اهي

[MR.DREAM]

شباب انا حجزت ستة سلندر اللي بعادمين يعني 2 اكزوز هذي اهي احسن سيارة فئة 6 سلندر ولا في نوع ثاني لأني بصراحة انا شفت هذي وعجبتني وبالنسبة

ل Ex4 و الرموز اللي تحطونهم ممكن اعرف شنو اهم لأ،ي ان مو خبير في السيارات كلش ميح

[H خالد H]

كم اسعارها في المعارض

حدود 110000

هل هي راسيه

ما شاء الله راسيه

وهل صوت المحرك واضح

الصوت خفيف وسلس

الكلام الى سامعه انها مريحه جدا وسلسه اكثر من سابقتها 2007

ما جربت 2007 اما 2008 مريحه
واتمنى الى معه وينصحني يحط رد او اشتري فل بس 4سلندر وهل يوجد لها جلد
وما الفرق بين فل كامل 4 وفل كامل6 بالتفصيل وهل الشاشه تفرف وهل يوجد نفقيشن للفل 6 الدفعه ال2[/quote]

الفروق لصالح 6 سلندر الآتي
رشاشات شمعات امامي
مكيف خلفي
شكمانين
وسائد هوائيه امامي وخلفي
يحمل 7 سي دي

والفرق المهم بين 4سلندر و6 سلندر سلاسه ونعومه وقوه الـ6

ونصيحتي تاخذ الـ 6 سلندر.................................. وبالتوفيق

^^^^^^^^^^^^^^^

حبيت اضيف نظام توفير الوقود ونظام ثبات vsa بمفتاح اختياري