Honda Accord 2008 I4 VS V6
السلام عليكم ورحمه الله وبركاتة
هذي اول مشاركه لي معاكم يا اخوان ...
انا طبعا من محبي الهوندا و امتلك حاليا سيفيك 2006 الفل والحمدلله ماعليها اي كلام
بس بصراحه مسوي فيها حادث قوي :( وناوي ابيعهابعد التصليح وعندي مبلغ وحابب اخذ اكورد
طبعا بعد مقارنه مطوووووله مع الاوريون ولكن الحين رجعت في مقارنه ثانية وهي :
هل اخذ السته رقم ثنين قيمتها 101 الف او الاربعه رقم واحد بكامل المواصفات 94الف ؟؟ بما اني ماعندي علم نهائيا
بتجربة الاكورد غير الي اقراه من الانترنت والي شفته في المعرض حبيت اخذ راي المجربين
مع العلم اذا اخترت السته هي غير موجوده في الوكيل الا انتظر 2009 طبعا بدون اي فروقات
وبسعر اغلى لكن الاربعه موجوده بجميع المواصفات ..وبصراحه زميلي في العمل بيبيع اكورد6 رقم ثنين ممشاه 25الف بـ90 الف هل يسوى هذا السعر ؟؟
بخصوص استخدامي انا مشواري للعمل والجامعه يوميا ياخذ بحدود 150 كيلو لهالسبب يعني خلال سنتين ثلاث اكون
مشيت اكثر من 200 الف يعني ارغب في سياره ما تتعبني من ناحية استهلاك وقود وقطع الغيار والمشاكل الميكانيكيه
لاني بصراحه متخوف من السته لاني نادرا ما اشوفها في الشارع ويوم سئلت الوكاله ليش مخلصه هل هي تنباع اكثر
جاوبني : انهم ما يجيبوها بكميات كبيره لهالسبب تخلص
طبعا انا ارغب في سياره قوتها معقوله ما تكون ميته :d وبنفس الوقت قرأت بعض التعليقات في مواضيع ثانيه ان الاربعه
صوت المحرك فيها عالي وتعبانه و من هالكلام ؟؟ هل هذا الكلام صحيح ؟؟؟
وان السته قطعها اغلا بكثير من الاربعه ؟؟ بصراحه انا في حيرهواتمنى تعاونوني في الاختيار
عذرا على الاطااااله ...
وعليكم السلام ورحمةُ الله وبركآتة
هلا فيك أخويْ ،
بصراحة الـ 4 سلندر ما عليها كلام
ودام انك راعي سفر فـ خذ لك 4 سلندر
انا قبل كم يوم كنت متساوي في السرعة مع أكورد 6 سلندر وانا راجع من السفر
كنا نمشي حول 200 واشويْ ،
فـ دامك انت راعي سفر ، خذ لك 4 سلندر
وشسمه ؛ واحد من الأعضاء عنده اكورد 4 سلندر 2006
ممشاها 261 ألف تقريباً ،
وما غيّر فيها الا الأشياء الاستهلاكيةْ ،
فـ خذ لك يا اخويْ 4 سلندر وتوكّل على اللهْ ،
وشسمه ؛ مبروك عليكْ مقدًماُ ،
لا هِنتْ ،
..
أخوي أنا بأكلمك عن تجربتي في موديل 2007 بما أنها V6
طبعا أنا كنت مثلك محتار بين إلــ 4 و إلـــ 6 سلندر و كنت خايف من المشاكل لأن السياره نادري و غير منتشره مثل الــ 4 لكن ...
الحمد لله إني أخذت 6 سلندر لأنه في فرق كبير بالهدوء على الخط و بالقومه طبعا أخف و أقوى بالعزم و تعيش جو الفخامه أكثر بسبب هدوء المحرك ، و طبعا حتى على الخطوط السريعه ما شاء الله ما تسمع صورت المحرك ، و السياره صار لها معاي سنه و 6 شهور و الحمدلله ما عانيت من أي شي طبعا هذا من فضل الله ثم من جودة الصناعه اليابانيه الأصليه ، و الهوندا شركه عريقه و لها سمعتها يعني تطمن من ناحية الجوده و الإستهلاك اللهم إنه في فرق بسيط بأسعار قطع الغيار إللي تكون تختلف مابين المحركين ...
إن شاء الله إني أفدتك بما فيه الكفايه ...
خذ ال6 مع اني معاي فل 4 2008 بس فيه اشياء بفل 4 مو موجوده بال6 الفئه الثانيه
شكرا للاخوان kakashi-san ..الـــظـــل .. momo الي ابدو رايهم بالموضوع
بصراحه انا كان ميولي للسته بس يوم اني ما كنت ناوي ماشاء الله شكثرها عندهم ويوم نويت ماهي موجوده
بس في النهايه تساهيل ونصيب تدرون ياخوان المشكله اني مستعجل لان ماعندي سياره مثل ما ذكرت سابقا
والسيفك يبغا لها وقت تتصلح وطبعا راح تنباع لان الدعمه محترمه وماعتقد تكمل معاي بخير . وهذا سبب
تحويلي عالاربعه ( توفره عند الوكيل )وايضا انتشار الاربعه سبب لي نوع من التخوف من السته لان مستخدمينه قلال
kakashi-san : انا فعلا خطوطي كثيره و لهالسبب الاربعه افيد لي من ناحية الاقتصاد بس بعد البعض من مستخدمين السته يشوفون ان سياراتهم في المدن والخطوط تصرف اقل من الاربعه ( آراء شخصية ) بس طبعا حسب تقارير بعض المواقع المختصه مثل motor trend يقولون العكس
الـــظـــل : معاك حق قعدت السته وسواقته والفروقات البسيطه فيه تعطيك جو من الفخامه وهدوء صوت المحرك وقومته ما تحس فيها
وبصراحه رأي شخصي اشوف ان الفل السته بس تركب له شاشه يقارن باللكزس ES350 من ناحية المواصفات والرفاهيه بس طبعا
كله بحسابه ( قطع الغيار اغلى ) .
momo : ليش تنصح بالسته مع ان الاربعه الفل تبين فخمه وراهيه ؟؟ ومثل ما ذكرت ان الاربعه فل فيها مواصفات اكثر ؟؟ افدني بما انك مجرب ؟؟؟ لانك تقول خذ السته وبنفس الوقت الاربعه الفل مواصفاته اكثر ؟؟
بسمه تعالى :
بالتوفيق
التعديل الأخير تم بواسطة gogo ; 12-08-2008 الساعة 12:26 AM
ضوابط المشاركة
رد مع اقتباس
مواقع النشر (المفضلة)