يعطيك العافيه أخوي على الموضوع الجبار والمميز
وبصراحه قسم الصيانه يفتح النفس :d يعني بكون شغلهم 100%
والشي الأفضل المكاين الجديده
-------
بس ليش ما يبنو مبنى جديد في الدمام
^
^
^
^
انت ياللي برا ادخل
^
^
السلام عليكم ورحمة الله
اسعد الله اوقاتكم بكل خير :d
من زمان مبطي عنكم :o
لكن يقولون من طول الغيبات جاب الغنايم <<< جايب لكم صور طييييييبه
بحمد الله تشرفت بزيارة فرع وكالة هوندا الجديد في تبوك بدعوه من بعض اصدقائي العاملين فيه والذي اكنّ لهم كل التقدير والإحترام .. وخلال جولتي في المعرض فكرت قلت ليش ما اطق التصوير وخلينا نفرج الحلوين في نادي محبي هوندا
فقلت لعيونهم خلينا نصور ونعطيهم فكره عن الفرع الجديد وامكانياته والجديد فيه واللي تقريباً راح يطق كرت فرع جده <<< ايه هــيـّـن :d
بسم الله اخليك مع الصور الحصريه بالتعاون مع منتديات البرق ، وهناك تعليق على بعض الصور ^-^
اربط الحزام لو تكرمت :d
معلومات عن الفرع:
شركة عبدالله هاشم المحدوده (هوندا)
المنطقة: تبوك
كروكي الموقع: طريق المدينه ---> قبل مسجد عناد الغريض على اليمين .
نوع الخدمه: صيانة سيارات + دراجات ناريه + محركات + ماتورات + خدمه سريعه .
صورة خارجيه للمبنى (طبعاً باقي ماتم افتتاحه 100%) يعني فيه بعض الشغلات واعمال الترميم البسطيه
صورة لقسم بيع قطع الغيار .. ويظهر في الصوره الأستاذ (تيسير) أبو ياسر مدير قسم الصيانه (اكيد حقين جده تعرفون هالرجال مظبوط اخذناه عنكم هههههههه الله يوفقه والله انه رجال نشمي يعجبكم ،،
الأستاذ "تركي" يقف جانب كمبيوتر الصيانه في قسم الصيانه .. (حقين تبوك يعرفون هالشاب مظبوط) الجدير بالذكر ان الأستاذ تركي من الكوادر الشابه القادمه بقوه ،، (نشاط + همه + ادب + احترام ) هذا الرجل يعمل بجد وهمه ونشاط ،، ما اقول الا كثر الله من امثالك ياصديقي تركي
الأستاذ/ عبدالله السعيد .. موظف جديد في الفرع الجديد بوظيفة (مدير الاستقبال) .. تشرفت بمعرفتك استاذ عبدالله .
صوره لصالة عرض السيارات
صوره اخرى من زاوية اخرى لقسم عرض السيارات وتظهر الكوبيه ;)
قسم صيانة السيارات ;)
صورة لمدخل الفرع الجديد
قسم الخدمه السريعه
زاويه اخرى لقسم الصيانه
مكينه جديده في الفرع الجديد ( اداة وزن وتعبئة فريون المكيف) <<< حاجه كويسه :d
المكينه اليمنى (ترصيص الكفرات) المكينه اليسرى (مدري :d) لكن كلها جديده في الفرع الجديد ، لم تكن موجوده من قبل !
زاويه اخرى لقسم الصيانه
ايضاً زاويه اخرى لقسم الصيانه ، وتظهر بعض الأدوات الجديده
منظر عام لقسم الصيانه
صوره لقسم قطع الغيار
زاويه اخرى لقسم قطع الغيار ويظهر في الصوره يمين ( محمود خان ) موظف صيانة محركات + ماتورات .. يسار (طاهر - أبوعبدالله) موظف بيع قطع غيار
صوره من داخل مستودع قطع الغيار .. (دورين) .. الحمد لله ماني مصدق اني ماراح اسمع كلمة "طلبيه من جده" عند طلب قطعه معينه صح ولالا يا ملاك هوندا تبوك !!
من زاوية اخرى ،
صوره لإحتياجات الخدمه السريعه (زيت + فلتر + فلتر هواء )
صورة لغرفة الإستقبال (وبدأ العمل في استقبال الزبائن) .
انتهــــــــى ،
اتمنى اكون نقلت صوره بسيطه لفرع هوندا الجديد في تبوك ،، وان شاء الله هناك احتفال بالفرع الجديد خلال الأيام القادمه ، تلقيت دعوه مبكره لهذا الإحتفال وان شاء الله انني اوافيكم بصور الاحتفال والذي سيحضره مسؤول من شركة عبدالله هاشم ،، هناك المزيد من المفاجآت والأمور الساره اترك للأخوان الإستمتاع بزيارة الفرع الجديد والإستفاده من الخدمات الجديده المقدمه به واعتقد ان وضع صيانة هوندا في تبوك بدأ ياخذ المسار الصحيح في تلبية احتياجات ملاك هوندا ،،
تمنياتي للجميع بالتوفيق
مبحكم/ الأنس - ياسر الشمراني .
يعطيك العافيه أخوي على الموضوع الجبار والمميز
وبصراحه قسم الصيانه يفتح النفس :d يعني بكون شغلهم 100%
والشي الأفضل المكاين الجديده
-------
بس ليش ما يبنو مبنى جديد في الدمام
ماشاء الله عليك ياياسر تقرير شامل ووافي
ومبروك عليكم المبنى الجديد تكسرونه بالعافيه
والله باين عليه شغل مرتب وحلو
بس ملاحظه
موب كأنها سيارتك المعلقه بالهواء
الاخطبوط كان هنا
ماشاء الله تبارك الله .. فرع يفتح النفس بجد .. وشتاااااااااااااااان بينه وبين المبنى القديم :d
الله يرزقهم ويفتحون في الحسا :(
الله يعطيك ألف ألف عافيه ياياسر على التواصل مع هوندا تبوك ;)
ماشاء الله .. مقر جديد ولا أروع .. من عقب الخارابة اللي كانوا فيها .. :d
والعقبى لفرع القصيم >> عاد هذا كأنه بنشر ما أدري متى بيتطورون ..
الأنس \ جهد جبار تشكر عليه .. ولا تنسى الأفتتاح الرسمي نبي تغطية مصورة ولاعليك أمر ..
من زود النظافة ما ودك إلا تفرش فراشك وتنام بالصيانة .. :dالله يهنّيكم يأهل تبوك
777
ماشاء الله ..مبنى فخم ورائع ..
ومشكوور على التغطية الرووعة للفرع الجديد .
ياشر الشهراني والنعم والله
تقرير متكامل ماشاء الله عليك كفيت ووفيت وتصوير وتنسيق ولا اروع الله يعطيك الف عافية
تقبل مروري
أمير
ما شاء الله عليك يا الأنس من بعد هذا التقرير أصبحت أشتهي السكن في تبوك :d، مبارك لكم هذا الفرع الأنيق :d، ومبارك لك هذا التقرير اللطيف :d...
بالمناسبة، تعجبني دقة ملاحظتك يالأخطبوط ;)
ما شاء الله تبارك الرحمن
هـذا من فـضل ربي
بصراحة المعرض كـله مية مية
ياريت يفتحوا معرض ثاني في الدمام او الخبر او القطيف
للأن الي في الدمام يا كثرها من زحمة
صيانة سيارة يعطيك موعد بعد سبوعين :(
واذا سألتهم ليش
يقلك مزحومييييييييين كتييير كتيير:(
و يعطيك العافية يابو مالك على التقرير الروعة
تحياتي
ما شاء الله روووووووووووووووعه
موب كأنك غلطان يا أخطبوط ....... لاحظ الجسر تحت الأبواب في الصورة لونه أسود :p...... ولاحظ توقيع أخونا الأنس وبتشوف أنه بلون السيارة ;)
الأنس ... تقرير ولا أروع .... ما شاء الله عليك علطول فكرت فينا ونقلت لنا الخبر الحلو .... وان شاء الله نسمع أخبار زيادة عن افتتاح فروع جديدة كل مدة ....لأن فعلا هذي حاجة مهمة وضرورية لقلة الفروع الأساسية والمتكاملة
أووو يا محجوب تفوقت على الأخطبوط بدقة الملاحظة
الله يعافيكم اخواني على ردودكم وتواجدكم
وتستاهلون الخير
اما بخصوص دقة الملاحظة فالأخطبوط ماعنده سالفه :d
اللي قاله اخونا محجوب صح
سيارتي كانت في المواقف برى
لكن بشكل عام تعجبني ملاحظاتكم :d
حفظكم الله ورعاكمـ ،
يعطيك العافيه على التقرير الوافي
مشكوور على التقرير الروعة
ومبروك الفرع الجديد
و الجاي ان شاء الله فرع القصيم اللي كنه
عاد هذا كأنه بنشر ما أدري متى بيتطورون ..
مبرووووووووووووووووك يا الغلا ويا رب يحس ابو الهشاهيش >> عبدالله هاشم :d
ويفتح في الشرقيه قسم ثاني في الحسا وان شاء الله اصور لكم افتتاح :p >> ينزل الله مطر
ووتتهنون فيه يا اهل تبوك العزيزه ;)
حلو والله
بس ياريت لو يفتحوا عندنا فرع في القطيف
مشكووور على الصور والتقرير الرائع
تحياتي
ما شاء الله مبنى يفتح النفس يعطيك ألف عافية على هذا التقرير المدعم بالصور ونشكر مجهودك فيه وإنشاء الله يفتحون في القصيم أحسن من ها لبنشر إلي هم فرحين فيه ......
هلا بكم ياشباب
شاكر ومقدر لكم تواجدكم وردكم
وان شاء الله العقبى لكم يارب .
هههههههههههههههههههههههههههههههههههههههههههههههه :d خلااص ماكاانت غلطه يا جمااعه >>ماعندهم ساالفه :pبالمناسبة، تعجبني دقة ملاحظتك يالأخطبوط
الانس ...
ماشااء الله تباارك الله المبنى قمه بالروعه والترتييب وتصدق المبنى الي بسووريا وتحديداً بحمص احلى منه @@!!!!
بس على كلن تتهاوشوون بالعاافيه انتو وعماال الصياانه والله يبعد ضرب الرصااص ..
تحياااتي ويعطييك مليوون عافيه ..
اللهم اغفر له وارحمه، وعافه واعف عنه، واكرم نزله ووسع مدخله، واغسله بالماء والثلج والبرد، ونقه من خطاياه كما نقيت الثوب الأبيض من الدنس، وابدله داراً خيراً من داره وأهلاً خيراً من أهله وأدخله الجنة، واعذه من عذاب القبر وعذاب النار.
اللهم آمين .. الله يرحمك ياصلاح الغامدي
مبروك عليكم الفرع الجديد
عقبال فرع جديد في جدة عشان تخف الزحمة حق طريق المدينة
جدة بكبرها فرعين فقط
ما شاء الله
تصدقون أنه هــذا الفرع أكبر من المركز الرئيسي لوكالة كيا اللي في الرياض :d
مواقع النشر (المفضلة)