شباب اكورد الجنوب يبي الفزعة؟

**اكورد الجنوب** · 18-09-2006, 01:31 PM

ياشباب افزعولي انا رجال ابيلي سيارة دفع رباعي وملمومة على بعض غير الامريكي فكوني شره ووقعت عيني على الطوارق فل كامل اسود وابي مشورتكم الي يعرف عنه شي لا يبخل علي لني جاد وشراي .
وناوي انزل جده يوم الخميس اشتريه وتكفون ما ابي زيارات من غير ردود

**ح ل م الـسـعـوديـة 6 0 6** · 18-09-2006, 01:54 PM

شوف الطوارق حلو وكشخه ورزززززه

بس بالقطع هلاااك شامل

وبعدين مزززززززززززززززعج في الخط
يعني من تعدي ال 120 الله يعينك
جرس الانذار حقه رنه وحده مزعجة متواصله طننننننننننننننننننننننننننننن

**ح ل م الـسـعـوديـة 6 0 6** · 18-09-2006, 01:55 PM

بس برضوو ماعتقد هالاسباب تمنع من الشراء

بس اللي نبي نعرفه كم القيمة الشرائيه؟؟؟

**DuGarrY** · 18-09-2006, 02:06 PM

اكورد الجنوب للاسف لا اعرف عنه شي كنت اتمنى اساعدك لكن الشكوى لله

**accord 06** · 18-09-2006, 02:16 PM

ان شاء الله بفيدك باللي اعرفه بس عندي كم سؤال ابيك تجاوبها

1- طلعاتك للبر كثيره ولا اغلب استخدامك بالمدينه ؟

2 - كم معدل ممشاك بالسنه تقريبا ؟

3 - فيه فرع للوكاله عندك بابها و محلات لقطع الغيار و لا لا ؟

4 - كم اقصى مبلغ تقدر تصرفه على السياره بالشهر ؟

**الاخطبوط** · 18-09-2006, 05:08 PM

فكر بالنيسان مورانو قبل لاتشتري

**saudi club** · 18-09-2006, 05:33 PM

بالنسبة لي بعطيك العلم يا اكورد الجنوب اللي يجمد على الشوارب

الموتر ما علية كلام الطوارق معروف حالة حال الكاين والاودي جيوب تستاهل تحط فلوس فيها ويكفي انها المانية لاكن!!!!
أولاً:هل انت قد وكالاتهم بالدفع للصيانة لانه اكيد وبلا شك القطع نار موقدة . جاوب بنفسك بدون رد بالمنتدى وجلس وقرر بصدق وعقلانية بحتة.
ثانياً: هل عندكم وكالة سماكو بالجنوب ؟ اذا كان ما فية لا تقرب علية.
ثالثاً: هل تتوقع بدفعك مبلغ ضخم للحصول على الطوارق انه حل نهائي لأمتلاك جيب دفع رباعي ؟ اكيد لا لأن البديل كثير .
رابعاً: هل تبي تكشخ ولا تبي قوة أداء بالمناطق المرتفعة وتحللة . اذا كنت بتكشخ الله يقوي جيبك والله يعينك كل شهر بجدة للصيانه .

بالنسبة لي فية بدائل بتراب الفلوس وخصوصاً انك بتغير من الأمريكي وهي بالترتيب حسب الأولوية:
1-جيب باثفايندر2007 se بحدود 110 الف ريال ولا le بحدود 125 الف. وانا كنت ناوي لي واحد لولا مشيئة الله ودفعت المبلغ بعد بس ربك وما يريد بسبب تأخر وصولة .
2-جيب برادوتويوتا الحقيقة السعر لا اعلمة بالضبط لاكن فئاته كثيرة منها بـ118 الف وحتى 130 الف.
3-جيب باجيرو متسوبيشي بحدود 130 الف ولا أروع.
4-جيب سزوكي قراند فيتارا 6 سلندر فقط لا يتجاوز 80 الف وكن عملي لأبعد الحدود.
5-جيب دايهاتسو وعلى فكرة الأن وكيل ديهاتسو عبد اللطيف جميل يعني اكيد فية وكالة بالجنوب .
هذي خيارات الجيوب ذات الدفع رباعي بمحرك 6 سلندر ولاكن هناك جيب وله الحق ولاكن للكشخة دون العملية وهو دفع رباعي مستمر فقط جيب نيسان مورانو بسعر 125 الف ريال ويوجد نفسة انفنتي للرفاهية العالية وبنظام ملاحة بعد بس ناسي اسمة لاكن نفسة بالضبط ولك الخيار وعلى فكرة بالرياض طايحين بكثرة بالمورانو لجمال شكلة وسعرة

**أبان الطباع** · 18-09-2006, 05:51 PM

أرى أن النادي السعودي كفى ووفى

**HONDA 888** · 18-09-2006, 05:57 PM

والله يا الاحمري ودي افيدك بس الطوارق ما اعرف عنه شئ

**دحوم** · 18-09-2006, 09:58 PM

يااخي وفر فلوس وخذلك إنفينيتي Fx35 ماشاءالله عليه فخامة وقوة ورزة وعليه جنوط وخذلك لون برتقالي ومن قدك ياعمي والسعر 160000ريال .

وبصراحة في العليا بادي يكثر احسن من جيب لكزس Rx شكله غبي قدام الإنفينيتي الفخم .

وبالنسبة للطوارق جيب حلو وفخم لكن بصراحة ماعندي معلومات إلا ان سعره 200000ريال او اكثر .

**الماستر حنوم** · 18-09-2006, 10:32 PM

المشاركة الأصلية كتبت بواسطة دحوم

يااخي وفر فلوس وخذلك إنفينيتي Fx35 ماشاءالله عليه فخامة وقوة ورزة وعليه جنوط وخذلك لون برتقالي ومن قدك ياعمي والسعر 160000ريال .

وبصراحة في العليا بادي يكثر احسن من جيب لكزس Rx شكله غبي قدام الإنفينيتي الفخم .

وبالنسبة للطوارق جيب حلو وفخم لكن بصراحة ماعندي معلومات إلا ان سعره 200000ريال او اكثر .

والله انها على لساني
FX35
افضلللللللللللللللللل

**H 4 EVER** · 19-09-2006, 12:31 AM

انا والله اسمع بمشاكلة
وانا مع الاخطبوط بالمورانو

تحياتي وبالتوفيق

**اكورد الجنوب** · 19-09-2006, 08:31 AM

ح ل م الـسـعـوديـة 6 0 6 شاكر مرورك يالغالي
DuGarrYيعطيك العافية على المرور
accord 06
*طلعاتي للبر قليلة ولكن هالايام بيجي موسم البرد ونزلات البحر عندنا .
*معدل ممشاي انا كان عندي جمس يوكون دينالي2006 بعتة الأسبوع الي فات في 9أشهر مشيت علية 19000كم هذا والاكورد تخدم دونه هي والدباب .
*لا ما فية فرع للوكالة بس سمعت ان صيانتة وغيار الزيت كل 20000كم في جده .
*انا لم احسب صرفيتي على السيارات من قبل ولا سيارة بحياتي بس اليوكون ما غيرت ولا قطعة وأذكر اخر صيانة كلفتني تقريبا 532ريال.
الاخطبوط
شاكر مرورك يالغالي
انا كان ببالي مورانو بس الناس كلها تقول ابتعد عنه وواحد من العيال يقولي صيانة 40000كم مكلفتة 4635ريال وهو محافظ مره علية .
saudi club
*شوف اذا كانت اسعار الوكالة غالية فلا والله انا ماني قدها.
*صادق بعدين انا ابيه فترة مو طويلة لاني كل سنة اجدد.
* لا يوجد وكيل لدينا بالجنوب وعدد سيارات طوارق بأبهـــا كلها لا يتجاوز 6سيارات .
*والله انا ابي سيارة اكشخ وما ابي اصرف عليها اكثر من استخدامي يعني بالصرفية لا.

Honda
اشكر مرورك

HONDA 888
مرورك يكفي يالغالي

**اكورد الجنوب** · 19-09-2006, 08:51 AM

دحوم
يعطيك العافية على المرور ومشور يالغالي والانفنيتي يخربة وكيلة الحمراني وممطلتهم بالصيانة ولي سابق تجربة بسيارة الوالد
الماستر حنوم
مشكور يالغالي وشاكر مرورك والموتر ما علية كلام بس عيبة وكيله
H 4 EVER
يعطيك العافية بس المورانو والانفنتي ما عيبها الا وكيلها والاسعار نار وتسلم على المرور

**accord 06** · 19-09-2006, 01:57 PM

اها انا توقعتك بتبيع الاكورد و بتستخدمه بدالها

اذا كان استخدامك كذا اتوقع ما راح تواجه منه مشاكل ان شاء الله

المشكله الوحيده انه يطيح سعره اذا بغيت تبيعه و يمكن تتعب عشان تحصل له زبون

فعشان كذا اذا ملزم عليه انصحك تاخذه مستعمل استعمال خفيف و سعره بيكون طايح

و ما راح تخسر فيه كثير اذا بغيت تبيعه ان شاء الله

و بالتوفيق

**HONDA 888** · 19-09-2006, 03:07 PM

يا الغالي وش رايك في جيب كدلك اسكاليد 2007 قمة الكشخه والرزه

يالبيه بس فره في الخالديه ولا مشهد ولا طريق الملك عبدالله وتشوف الشعب كذا

في امان الله

**Blue Love** · 19-09-2006, 03:29 PM

من اسوأ الوكالات بالمملكة هي سماكو .. لذا ابتعد عنها نصحية لله .. صحيح ماسكين وكالات سيارات سنعة لكن مابعد البيع ماعندك احد ...

وبصراحة لو جد بتكشخ وتبي سيارة تستاهل عندك اللكزس , هذي مجربة ..

والاكس 5 برضة حلو ايضا ...

والله يوفقك ..

**اكورد الجنوب** · 20-09-2006, 08:05 AM

المشاركة الأصلية كتبت بواسطة HONDA 888

يا الغالي وش رايك في جيب كدلك اسكاليد 2007 قمة الكشخه والرزه

يالبيه بس فره في الخالديه ولا مشهد ولا طريق الملك عبدالله وتشوف الشعب كذا

في امان الله

وين هي الاماكن ذي ؟
اتوقع انها بابها لني سبق وسمعت فيها
مشكور على مرورك يالغالي الاسكاليد قمة لكنه غالي والقطع نار وصرفية البنزين موت وانا لسا ما اشتريت محطة لي ملك

**اكورد الجنوب** · 20-09-2006, 08:07 AM

Blue Love
يعطيك العافية على هالطلة الحلوة وصراحة كسرتو مجاديفي وبطلت شكلي بطلع يوكون جديد دينالي 2007وارتاح

**Storm CiViC** · 21-09-2006, 11:46 PM

اعتقد اني جيت متأخر

اولا اعتذر اخوي اكورد الجنوب ( انت عارف الظروف):o

المهم يا أخوي انا اشوف انك تفضل على الاكورد وتعملها صيانة وتقطبها احسن واذا كنت ملزم على جيب ( كنت راح اقلك مورانو بس الشباب قالو صيانته غالية وللأسف لا يوجد بديل عندي):(

اما اذا كنت تبغى دفع رباعي ( ايش رايك في السوبارو الليقاسي او الامبريزا وانا اشوف شكل الامبريزا احلى

)