الموضوع: التحسينات التي تقوي المحرك..

غير زيت وسيفون بانتظام كل 5 الاف

زيت القير كل 40 او 50

سير المكينه كل 70 الف

فلتر الهواء غيره بانتظام كل 50 الف

لاتنسى تسخن السيارهـ الصبح .. او اذا هي مطفيه لها اكثر من 3 ساعات او 4

بواجي كل 40 الف

وان شالله عزمها يبقا زي ماهو وقوة المكينه بعد

اشياء اضافيه

فـلـتـر هواء رياضي أصـلـي مع رامير (ماسوره) ...

بواجي سبورت

بكرة وسير رياضي

طيب ياخوي ..وين الاقي هذي الاشياء في الرياض ؟وكم تكلفتها .؟
ماعليش..ثقلت عليك..:d
ومشكور مقدماً..

أخوي أكورد V6 التلغيم و الترهيم عالم و لايمكن يتحقق إلا بالإرادة و الصبر و كثرة الدراهم و هي الأهم...

لكن الحاجات الخفيفة إللي ما تكلف كثير ... فلتر رياضي هديرز... أما إللي يقولك ركب بواجي رياضية فأحب أقوله أنك ما عند سالفه لأن وظيفة البواجي الرياضية هي زيادة الشرارة التي تؤدي إلى حرق كمية أكبر من البنزين. فإذا ركبت فلتر رياضة بدون فيول بمب يعني ما كأني سويت شي ... البنزين المحترق بالبواجي الرياضية نفسة المحترق بغيرها.

و إذا بغيت يا الحبيب معلومات أو أي إستفسارات عن التزويد و الأداء العالي للمحركات زيادة علمني وش إللي براسك ... يعني وش تبغى تسوي بالسيارة و أنشاء الله أقدر أفيدك.

و تحياتي ،،،

اخوي مالك ومال الشغلات الإضافية .... مثل دبة سبورت وبواجي سبورت << ويكون في علمك ترى إذا ركبت بواجي سبورت بعد سنتين بالكثير قل على مكينتك السلام << بااي بااااااي :d ناس جربوها واعرفهم ... ندموا ... وبعدين تعال انت تقول موتري 2007 V6 انت منت صاحي <<< وش بعد تبي غير الستة السلندر ولا بعد 2007 ماشاءالله << لايقول نظلها :d اقوول اركد وانا اخوك وهد وحافظ على مكينة الأميرة وبلاش من هالخرابيط >>وهذي نصيحتي لك :d

خليك هلى الهوائيات كما يسمونها ياعزيزي

فتلر رياضي + انتيك عازل ولازم يكون نوعيه اصليه ومن شركه معروفه حتى لايسرب اي غبار او شي داخل المكينه ووضيفته زيادة كمية الهواء الداخل للمكينة بما يعني زيادة الإحتراق لكنه يحتاج عنايه وتنضيف دوري

واي بايب وهذي عباره عن مواصير تركب بدل دبات التلوث بعد المكينه ووضيفتها كذلك تسرع خروج الهواء وتعطيك اداء فعال مع الأنتيك

كت باك وهو نظام العوادم للسياره يبداء من المنتصف وحتى نهاية الشكمان وعادة ماتكون اوسع من ناحية عرض المواصير والفلاتر فيها أقل ومصنوعة من معادن لاتصدأ مثل الأستانلستيل وهذي كذلك تسرع خروج الهواء من المحرك وتعطيك صوت طربي

هذا مالدي من معلومات بسيطه ولو أخطأت في شي ياليت تصححون لي

اقول لا تعدل ولا تسوي شي ترى v6 تعتبر ملكه ...

انا اايد كلام عشقي الاول ركب حاجات خفيفه زي الهدرز والانتيك والاكزوست سستم وراح تلاقيها في مواقع التلغيم والتزويد لانو الاكزوست سستم حق السته سلندر مو متواجد في السعوديه لازم تجيبو طلبيه وراح تلاحظ فرق مره حلو في السياره لو ركبت الحاجات لي ذكرتها لكن البكرات ما انصحك فيها لانو ماعليها امان ومو اي واحد يركبها لكن الهدرز ممكن تلاقيه في جده وادخل على الموقع ذا راح تلاقي الاكزوست تبع السته سلندر magnaflow.com
ولو ماقدرت تجيب الاكزوست انا اقلك على طريقه حلوه تسويها ركب كنداستين ماركه ماجنا فلو وفك دبه الرصاص وولف ماصوره ولا تنسا تركب الحساس في نفس الماصوره وركب الانتيك وشوف الفرق واسأل مجرب ولا تسأل طبيب

والله يا أخوان اني دخت...
انتم تقولون حاجات اول مرة اسمعها..الهدرز؟..الأنتيك؟..لاتلوموني..ترى مالي خبرة بالتلغيم

الله يكفينا شره..وشو الهدرز هذا.؟وين يركب؟


أنا أهم حاجة عندي أنها ماتضر بالسيارة..

وإذا ممكن يا حبايبي...كيف أحصله. أنا في الرياض..وكيف أركبه ..وعند مين؟.

وســــــــــــــــــــــــــــــــــــــــــــــــ ــــــــامحوني..:o

هاذي ياخوي يسمونها خفايف وماتضر في السياره لانها مجرد عمليات خروج ودخول للهواء يعني وظيفه الانتيك يدخل كميه اكبر للهواء في المكينه على سبيل المثال انت لمن تكون تجري وتكون حاط منديل على خشمك كيف راح يكون الجري اكيد صعب لكن لمن تشيله اكي راح يكون عمليه التنفس اسرع وراح تجري اسرع هاذي وظيفه الانتيك في المكينه وهو طبعا الفلتر الرياضي وراح يعطيك من خمسه للسبعه احصنه اما الهدرز فهور مجرى خروج الهواء يعني يسهل عمليه خروج الهواء من المكينه لان المواصير راح يكون تصميميها انسيابي والفتحات اسع شوي وبذالك يخرج الهواء بطريقه افضل واسرع ونفس الكلام لمن تفك دبه الرصاص في حاله انك ماركبت اكزوست سستم راح يخرج الهواء كمان افضل واسرع وانشالله اكون افدتك ولو انك حاب تركب هاذي الحاجات ركبها وانشالله مايسير اله كل خير ولا تنسا ركبها عند واحد يكون فاهم في هاذي الشغلات يعني مو رفيق ولا ابو يمن يجلس يتفلسف على دماغك وانا في خدمتك

honda Boy

هذا الكلام السليم