السلام عليكم ورحمة الله وبركاته


شباب اتمني ما تزعلون من موضوعي وانا من اصحاب الاكورد وعندي 2008 لكن في نفسي اكتب هالموضوع خصوصاً بعد ماسويت مقارنه مع سيارة خويي اوريون

ان جينا للحق مثل ما الاكورد شكلها حلوه فـ الاوريون شوي وتقول لكزس

الاوريون جراندي بدون شاشه بـ 98 الف والاكورد اربعه فل بـ 95 الفرق 3 الاف بس تستاهل وشوفو مواصفات الاوريون

اول شي المكينه 6 سلندر وهذي بحد ذاته تستاهل الثلاث الاف غير المواصفات حساسات اماميه وخلفيه تشغيل بزر دخول ببصمه 6 ايرباقات زينون قير 6 نمر ... الخ

حتى لو قارنا مع السته الفل بتبقى الاوريون اكثر مواصفات وافضل تسارع من الاكورد وارخص من الاكورد بواجد

يعني ان جينا للمكينه فهي افضل وان جينا للمواصفات اكثر وان جينا للسعر فهي افضل والصيانه ارخص ,,, الواحد ماله وجه يقارن سيارته عند اصحاب الاوريون

لحد يقول لي عشان الاكورد يابانيه مافي احد ينكر ان سيارات تويوتا حمارة مكده اعزكم الله يعني ماتفرق معي اذا استرالي وهي بالاخير تكرف وتكد


تقبلو موضوعي بصدر والعذر والسموحه اذا ضيقت خلق احد ولكن هذي حقيقه اراها بمنظوري وماحبيت اخفيها