تكفووووون يا شباااب ابي شوركم

**بـــدر** · 29-08-2008, 02:43 PM

السلام عليكم ورحمة الله وبركاته

شباب انا اشتريت هوندا اكورد 2008 وكاله سبيشل

المهم السياره مالها معاي شهرين

ضبطتها ركبت زنون و كشافات و انوار خلفيه زنون حقت الشنطه السياره طالع شكلها تحفه ما شاء الله

المهم يوم السبت وانا جاي من الدوام

لف علي مصري يسوق ددسن وضرب عندي رفرف خلفي فوق غطا البنزين

جلسنا ساعتين وكنت متضايق سماحته مع انه مخطئ ومشيت

اليوم الثاني الاحد وقفت عند اشاره وقدامي باص صغير

فتحت الاشاره اخضر مشى الباص مشيت انا وانتعت السياره مع الباس ووقف

وصدمته من ورا وضرب علي الرفرف الامامي طبعا يعتبر الخطا علي

قلت له تبي شئ قال لا

مشيت وتركته وامري لله

جلست بعدها من شباب قالوا هاذي عين

وواحد يقول لي نفس السالفه صارت مع ولد عمه الضربه الاولى خفيفه والثانيه خفيفه

والثالثه جاب المصيبه قلت له لا ان شاء الله وجلسنا نضحك

يوم الخميس بعد اخر حادث بـ 4 ايام جاي مع الاهل في طريق جابر بالرياض

وصدمت تريله الحادث قوي :(

الحمدلله سالم انا والاهل

بس شال الجنب

يعني بـ اسبوع واحد 3 حوادث

وش رايكم شباب اصلحها وابيعها

واشتري فل كامل

والا اصلحها واستعملها

الله يكفينا وياكم شر العين

لا حول ولا قوة الا بالله

**meshoo** · 29-08-2008, 03:25 PM

لاحول ولا قوه الا بالله

عين ماصلت على النبي

شكلي مابطلع سيارتي مره :d

اذا كنت مقتدر صلحها وبيعها واشتر جديده عشان ماتتعذب لان احتمال بعد كل هالحوادث وبعد ماتصلحها تسمع اصوات ومدري وشو ويمكن تتضايق مع الوقت

لكن خل في بالك 2009 زياده 4000 ريال تقريبا على كل فئه اما 2008 نفس الاسعار الاولى

**د. تعليمات** · 29-08-2008, 04:00 PM

انصحك بالرقية الشرعية والاذكار ,,,,,,,

تبي الصراحة شئ مبكي 3 حوادث والسيارة توها جديدة الله يكون بعونك مدري وش أقول أحسك متحطم من جد .......

حتى والحوادث مجرد رفرف بس شئ يضيق الصدر .......عموما الحمدالله على كل حـــــــــــــال ....

أنصحك تزينها وتوكل على الله صعبة تشتري جديدة وماتشوف شر ,,,,,,,,,

**acura RL** · 29-08-2008, 04:15 PM

اول شي ماتشوف شر والله يكفينا من شر الحاسدين ..

اذا تبي نصيحتي سم سيارتك واذا اعجبك السعر بعها واصبر شوي واشتر ...هذا رأي

واذا بتبيع اعرف شراي..

**اكوردي...** · 29-08-2008, 04:32 PM

زي ماقال لك ميشوو اذا كنت مقتدر بيعها وخذ ثانيه احسن لك واقرا الاذكار اول ماتركب فيها وكل صباح ومساء

**naio0of** · 29-08-2008, 04:56 PM

انا برايي بيعها ....:d

**بـــدر** · 29-08-2008, 06:57 PM

يعطيكم العافيه يا شبااب على الردود بيض الله وجيهكم

ويستر عليكم وعلى سيارتكم وكل مسلم

من جد شئ يحزن

الحمدلله على كل حال هذا قضاء الله وقدره

والله انا الي افكر فيه حاليا انتظر تقدير المرور قالوا لي يوم السبت

واشوف كم يعطوني واشوف كم بتكلفني فرق لو اشتري سياره جديده

من ناحية البيع الحمدلله

الوالد ما قصر قال لك مبلغ وقدره وعطني السياره

وزد عليها واشتر سياره جديده

طبعا اانا اذا افكر اشتري بأخذ 2008 فل كامل مستعمله وش رايكم ..؟؟؟؟؟؟؟

وسؤال ثاني هل التقدير تبع المرور بيقدر التصليح على سعر الوكاله والا لا:(

**meshoo** · 29-08-2008, 07:08 PM

المرور يقدر على سعر الوكاله اي نعم لانها 2008

**الاخطبوط** · 30-08-2008, 02:23 AM

الله يعينك وثلاث حوداث بأسبوع وعلى سيارة جديده :(

اهم شيء انك والاهل بخير وحمد الله عالسلامه

ان شاء الله انها خيره ولو بتعبيعها افضل (شكل السيارة طاحت من عينك) ولو تاخذ فل بعد

>> الفل غير

**بـــدر** · 30-08-2008, 07:05 PM

اليوم جيت مركز التقدير

قدروا شغل اليد بـ 2000

والقطع الغيار في الوكاله لما جيتها قدروها 9000

صراحه انا اشوف انهم ظلموني في قيمة شغل اليد

طلع التعويض لكها 11 الف

الله يعين وان شاء الله ببيعها خلاص

شكرا اخواني على الردود