والله اذا طلع نظيف توكل على الله
مدام انك راعي بر مالك الا النسيان بس
السلام عليكم
كيف حالكم .؟
قبل كل شي .. مبروك عليكم الشهر وكل عام وانتم بخير ..
اليوم انا رحت المعارض ابي لي سياره (( للبـر )) دورت دورت دورت .. لقيت جيب هوندا باب واحد دبل قير عادي موديل 99 ...
وعندي كم سؤال للي جرب هذي المديلات من الهوندا ..
هل قطعها متوفرهـ بمحلات قطع الغيار ..؟ >> يعني اروح الصناعيه القاله قطع ..؟ ولا لازم الوكاله .؟
هل الحرارهـ ترتفع ..؟ >> هذا عيب بعض السيارات القديمهـ ..!
هل تنصحون فيـه ..
مع العلم انهـ ب 10 الاف .. هل يسوا ..؟
وسلامتكم ..
والله اذا طلع نظيف توكل على الله
مدام انك راعي بر مالك الا النسيان بس
البر مالة الا نيسان او تويوتا ...
اذا كان الجيب بـ 10.000
بكم باعة صاحبة؟
وكم كسب فية راعي المعرض ؟
وبكم بتبيعة اذا شريتة ؟؟!
نصيحة ..
هوندا مشهور على الشوارع ... ليست مشهورة في البر ..
رحنا وجينا البر مرات كثيرة ... ما اذكر اني شفت ( H ) على الطعوس .. ابداً ,,
شروكي موديلات التسعينات افضل بكثير
ثاني شي اذا قيمه الموتر لاتتعدى 30 الف انصح بشرائه من الحراج مباشره بدون وسيط
^^ والله انك صادق ,,
الشروكي هو حق البر ,,
بس اذا طحت في واحد فية مشاكل تكرة ام البر ..
دور النظيف ولا تستعجل ..
وفي نفس الوقت استعجل
اذا جا الشتا طارت اسعارها ..
مانعرف عن الهوندا لكن اسال مجرب خذلك ربع نيسان 93-97 نظيف تسير ملك البر
الشروكي معروف بالحراره .. وسعره غالي ..!
ربع النيسان 94 بـ 26 وطالع ..!
انا حدودي 10 :d
اجل مالك الا هالسوزوكي
واذا تبي نصيحتي الشخصيه خذ لك دباب بانشي افضل
10000 ماتجيب لك جيب بر يابعد حيي
^^^^^^^^^^^
اي والله اني ادورهـ ..
هو للبيع ..؟
ووين احصله دورت السووق كله مالقيت مثله ..
مواقع النشر (المفضلة)