الموضوع: هدرز + بواجي رياضية = توضيح > محتاااااج مساعدتكم

أهلين حبيبي ...

كل عام و انت بخير و ينعاد علينا و عليك بالصحة و العافية .

أما موضوعك و استفساراتك .

بالنسبة للبواجي أنسى موضوعها :( , فما راح تفرق معاك كثير بالعزم و إذا اتركبت غلط راح تسويك مشاكل منها القير و يمكن تدمر لك البلوك حق المكينة هذا غير الأجزاء إللي داخل المكينة إللي راح تودع , فالأحسن أبعد عنه و هو ما راح يفرق إلا على الـ 6 سلندر و انت طالع أما الـ 4 سلندر فالفرق ضئيل و يكاد لايذكر .

بالنسبة للهيدرز , فأنا مثلك و للآن بأبحث عن محل يبيع هيدرز ممتاز للأكورد في جدة لكن للأسف ما في كل المحلات لما تسألهم عن الأكورد يقولك في فيابر و في شمعات و من هذي الحاجات ...... فاهتمام المحلات عندنا بالنسبة للأكورد مجمله على الشكل الخارجي للسيارة فقط :( .
الهيدرز بالنسبة للأكورد 4 سلندر يجي تفصيله على طريقة 1-2-4 و هذه الأرقام تعني :
4 مخارج من المحرك , 2 ( مخرجين ) من الأربع مخارج أو مايسمى برقبة الهيدرز أو الكُوع , 1 المخرج الأخير للإكزوز ( و هو موجود فقط في الهيدرز اللونج و هذه القطعة من الهيدرز هي التي تحل محل دبة الرصاص ) .
جميع الهيدرزات في جدة شورت و ليست لونج :( .
الهيدرز بيعطيك قوة تقدر بين الـ 15 و الـ 20 حصان بدون مبالغة لأنه فعلا أقوى قطعة في التعديل بالنسبة للمرحلة الأولى .

فوائده :
يريح المكينة و يرفع عنها الضغط إللي كان موجود من الهيدرز القديم و من دبة الرصاص فراح تشوف السيارة تفلت معاك خصوصا في الخط .
مضاره :
ما في مضار تذكر على الهيدرز لكن يمكن إذا أتركب غلط راح ينفك اللحام تبعه و يصر العزم تعبان و راح تلاحظ تغير في صوت السيارة .

بالنسبة لك ...
إذا إن سيارتك أكورد 4 سلندر موديلات 03 - 07 فسوي الأشياء التالية ( مثلي ) و راح تنبسط إلين نشوف هيدرز محترم و كويس .
ركب إنتيك و فلتر و هذا ينباع في جدة عند محل يوسف ( بلاك لاين ) في حي النهضة و اشتري منه الإنتيك بس و لاتاخذ الفلتر و سعر الإنتيك بـ 250 ريال فقط .
روح بعدها للسيارة الرياضة إللي في مركز الحفني بالتحلية أو محل 3C عند تقاطع شارع صاري مع طريق المدينة و خذ منهم الفلتر الرياضي K&N بمقاس الفتحة 2.5 إنش و سعره 350 ريال .
إذا لقيت مروحة التورنيدو ركبها , أنا ركبت النوع الأمريكي منها و فرق معاي فرق حلو ( أقل شي 3 أحصنة ) و سعرها بـ 150 ريال بس نادرا إذا حصلتها :d .
كنداسة رياضية و أنصحك بالـ MAGNAFLOW رائعة و صوتها رايق و نفس شكل كنداسة الوكالة بس نيكل :d . و سعرها أعتقد إنه بـ 750 ريال و في عندنا إثنين مركبينهم على أكورد 2005 و 2008 لهم يمكن 6 شهور و مرتاحين معها .
ركب الحاجات هذي إلين نلاقي حل مع الهيدرز , في محلات تفصل مثل ورشة FOX بالصناعية لكن أسعارهم غالية :( , يعني أنا سألتهم و قالولي يكلفك إكزوز مع هيدرز 4800 ريال مع التركيب و الكنداسة و الله غالي و ما يسوى لكن , حمزة تيربو يسويها بـ 3500 ريال لكن للأسف ورشته مقفلة اللحين :( .

شوف أنا عندي أكورد 2006 , مركب إنتيك SPW شورت و فلتر الـ K&N و كنداسة رياضية DNX و مروحة التورنيدو الأمريكية و كل هذ الشغلات أعطتني تقريبا ( حسب ما قرأت و حسب أصحاب المحلات )
الإنتيك مع الفلتر 7 أحصنة و الكنداسة 5 أحصنة و المروحة 4 أحصنة يعني الشغلة كلها بـ 16 حصان زيادة .
إجمالا يعني قوة سيارتي حاليا 187 + 16 حصان حق القطع = 203 أحصنة , خليها 200 حصان . ما هي حلوة ؟ :d .
و الصافي , قوة السيارة 174 حصان + 16 حصان حق القطع = 190 حصان .

للعلم أمس متقاوم مع أكورد 2008 مركب إنتيك فلتر و هو أول أكورد مسوي هالشغلات و في القومة مع بعض لكن أول ما شبكت الثاني بدأت أطلع عليه ;) .

أتمنى ما أكون طولت عليك و تكون إنشالله فهمت علي .

بالنسبة للهيدرز نسيت أوضح شغلة مهمة ...

الهيدرز المصنوع من السيراميك أفضل من المصنوع من الستانلي ستيل ;) .
السبب :
السيراميك يعزل حرارة أكثر من الستانلي ستيل و بالتالي عزم أفضل و حرارة أقل . و الأفضل لو تشتري الـ RAP إللي هو عازل الحرارة عن الهيدرز و يكفي للأكورد لفة واحدة و سعرها بـ 150 ريال .

ميدو مشاكل :
يوم تفضى بس أعطيني ألو , أنا فاضي من الساعة 10 إلين الفجر ما عندك مشاكل ;) .
و شغلة الإنتيك , إذا جيتني و معاك الفلتر فأنا أضمن لك إن الشغلة ما راح تاخذ حتى ساعة واحدة بس .