تعالو يااعضاء النادي سؤال

**badr** · 28-08-2008, 07:34 AM

ياشباب انا ناووي اطلع اكورد 2008 فل مخمل ونفسي في اللون اللؤلؤي وسمعت انه مخلص من فروع الوكاله بالممكله وش رايكم قولكم بتجي دفعه ثانيه لموديل 2008 لؤلؤي ولا مافيه امل طيب هل احصل في المعارض وبكم زايد سعرها عن الوكاله او انه مالي الا انا اخذ موديل 2009 بس راح يكون غالي علي شوي
وانا ابطلعها نظام التأجير المنتهي بالتمليك كم راح يطلع سعرها علي ؟ ؟

**تركي القاضي** · 28-08-2008, 08:21 AM

اخوي

بالنسبة لالفين وثمانية فل اللولوي والاسود خلص بالوكالة
واسيبشل كذلك خلص كل الالوان

والسياحي موجود وكل الالوان

وبالنسبة لدفعة جديده الفين وثمانية
قبل يومين كنت بالوكالة وسالت عن دفع جديده
احجز من الحين قلت لة

قال لا والله ماحتجي لانه برمضان مابين ال 17 - 22 رمضان حتنزل 2009

وبالنسبة للمعارض موجودة وكل الالوان
والاسعار الظاهر زيادة 100 ريال بس

وبالنسبة كم تتطلع عليك
حسب علمي حسب الراتب حقك ياخذون القسط الشهري

الله يوفقك بالموتر الزين

تحياتي

**badr** · 28-08-2008, 07:34 PM

مشكور اخي تركي القاضي على الرد الوافي ويعطيك العافيه

**badr** · 28-08-2008, 07:38 PM

طيب انا قررت اخذ اكورد 2008 فل محمل لؤلؤي من المعارض وش الفرق اذا ماخذتها من الوكاله غير زيادة السعر ؟؟
وهل بأمكاني اخذها بنظام التأجير المنتهي بالتمليك من المعارض ؟؟
ابي نصائحكم وشكراً

**دحوم** · 28-08-2008, 07:45 PM

مافيه اي فرق اللهم ان اللي راح تطلعها من وكالة وهذي من معرض وممكن من الوكالة يعطونك خصم على تظليل معين مثل V-cool او Zebrat بس ، هذا الفرق والصيانة والضمان وشنطة السلامة على الوكالة تأخذ ورقة من المعرض تقدمها للوكالة وهم يعملون اللازم خاصة مع الشنطة اللي والطفاية اللي تجي مع السيارة ، وبالنسبة لنظام التأجير تقدر لكن راح تظرب عليك وراح تزيد اقل حاجة 30الف ريال ، طبعاً انت ودفعتك كل مازادت دفعتك قلت الفائدة ولكن كل مانقصت زادة الفائدة مع دفعة اخيرة ايضاً ، واقل دفعة للسيارة هو 10% من قيمتها يعني 10000ريال مثلاً على الاكورد 2009 اللي سعرها حالياً 100الف ريال +رسوم انهاء معاملة للبنك 3600ريال ، يصير المجموع دفعة اول 13600ريال والباقي تأجير ميسر مابين 1500ريال إلى 1800ريال شهرياً ودفعة اخيرة لاتقل عن 25000ريال ، ومايميز التأجير التأمين الشامل على السيارة والتصليح في الوكالة .

وتحياتي لك اخوي واي خدمة احنا حاضرين باللي نقدر عليه . ;)