السلام عليكم

الشهرعليكم مبارك

ابي اعرف كيف اقتنعت انك تشتري اكورد وايش السياره الى كنت محتار فيها واخذت اكورد

هل نصحك احد هل جربتها واعجبتك ابي كل واحد يقول لنا كيف اقتنع فيها

_____قصتي مع الاكورد هي______

نحن في مدينه تويوتاويه درجه اولا والى يشرون اكورد يكونون اشخاص كما يقال شاذين عنا

ترا معنا شاذين يعني غريبين يعني نقول عنهم مسوين فاهمين؟؟؟؟ وفي احد الايام وانا اكلم لي واحد
قريب لي قال لي تراني ناوي اشتري اكورد قلت طبعا من كثر مااتكي مع الشياب قلت احد يشوف تويوتا ويروح لهوندا
انت صاحي وقلت له عن مواصفات الكامري ومدحتها لها(((عاد قالت يا المواصفات ماجلست الى شهر وخربت))

وشراها الرجال وانا مستلمه واهزئه وطبعا حزتها معي كامري 2006 وانا ادوج في المنتديات شفت الهجوم الى على كامري الصراحه اثر علي كثير وقلت لازم اجربها وسافرنا وقلت باستاجر اكورد وخلال ايام معدوده قلت الله يقلع الساعه الى عرفنا الكامري فيها وبعد عناء طويل مع الكامري بعتها بدون تردد ولاحزن وقال ابوي وش تبي نشري
قلت ابي لكزس قال عشان تهابد بها بال المطاب؟؟؟؟ الديره قلق قلت اجل اكورد وحتى ماصليت استخاره عشاني
واثق انها ازينهن ولا قمت اقارن

سبب اقتناعي بها هو
1_لاني جربت الصناعه الاستراليه وطلعت نخله في راسي وتبت توبه ماعاد ارجع له وكبرت بعيني اليابانيه
2_التحطيم الى من المنتديات على الكامري سبب لي تحطيم لانني مسوي لي شخصيتي وانا ماعندي ماعند جدتي
3_التحطيم الاصيل انك تكشخ وترز عمرك ويمر ليموزين بنقالي يوقف جنبك ولله تحطيم تحس انك انت وياه بالهوا سوا؟؟؟
4_نصحني قريبي فيها ومع ذالك هو شاريها عشان شكلها مهوب عشانها قويه الضاهر

ونشوف الردود