بصراحة عجبتني فكرة الموضوع وحبيتا شارك


طبعا أنا من فترة طويلة أفكر اشتري سيارة -لأنه اللي عندي قربت تنتهي صلاحيتها خلاص-


طبعا انا من الناس اللي تفضل 6 سلندر لأنه أداءه افضل واقوى وعمر


كان عندي 3-4 خيارات : الاكورد, التيما , اوريون , واخيرا الافالون


الاوريون شكلها الخارجي لاباس به مقبول .. لكن داخاليا محبطة للآمال بشدة .. نسخة من الكامري ( مع ال 3 دوائر حقة المكيف مادري ايش هاللي تضحك )


الافالون كانت حلم تقريبا ولكن للأسف ماقدر على إمكانياتي الحالية


كنت لآخر فترة ناوي على الالتيما لأنه محركها من افضل المحركات في فئتها ومواصفاتها تطورت عن الموديلات السابقة كثيرا


وجيت للخيار الاخير .. واللي كان الأول صراحة ... الأكورد


سيارة انيقة وفخمة .. طبعا من ناحية الفخامة تجي بعد الافالون هي مباشرة


وانا من الناس اللي تحب الاشياء الالكترونية بالضبط مثل أزرار التحكم في الاكورد والخطوط الانسيابية الجميلة بالداخل والجلد المنسق بعناية وووو



للأمانة الاكورد خارجيا لا باس بها خصوصا الجهة الخلفية لكن هذي له حل .. بتشووفنه تحت


طبعا اللي خلاني اقول الاكورد الخيار الاول والاخير بنفس الوقت هو محركها وتقنية ال VCM


كنت متخوف من هذي الشغلة خصوصا ان المحرك يوقف ويشغل السلندرات باستمرار


ولكن بعد سؤالي لاشخاص اعرفهم , وشفت نفس هذا النظام تقريبا في سيارة قريبي (Dodge Charger ) بديت اقتنع شوي شوي ,, وطبعا ما انسى الاخوان في المنتدى اللي فادوني كثير



ادري طولت عليكم كثير بس الخلاصة اني يوم السبت اللي فات رحت الوكالة عندنا بالبحرين وخذيت مشوار بالسيارة تجربة والحمدلله السيارة زي الفل وسياقتها سلسة ولا تحس بشي .. وبعديها على طول توكلت على الله وحجزت سيارة من الدفعة القادمة باذن الله اكورد 6 سلندر مع جناح ( عشان تعدل من شكل الخلفية مثل ما ذكرت فوق)



وسلامتكم