ساعدوني

[القنلص الرومانسي]

الوالد الله يحفظه لقد حدد لي سيارتين:
1- أكورد

2- لاندكروزر (GX) أو (GXR)

المساعدة تكفون:o

[القنلص الرومانسي]

طبعا :
أكورد 6 سلندر

لاندكروزر (gx)
6سلندر فل كامل

لاندكروزر (gxr)
6سلندر فل كامل
8سلندر فل كامل

[سعودي ستايل]

طيب الموديل ؟؟
وين ساكن ؟؟

[القنلص الرومانسي]

طبعاً 2010
في السيارتين
وأعيش في الجبيل

[SAND]

هـذي فئـه وهذيك فئــه

لو عنــدك عائلــه خذ لاندكروزر

لو ماعنــدك خذ الاكورد

[سعودي ستايل]

اول شي يالهلا فيك بالمنتدى ومنور بوجودك يالغالي

اول شي انت حق بر و تطعيس تحب تصعد الرصيف ؟؟؟؟ تطلع من جبيل ؟؟
اذا كان ايه فا اختار الاندكلوزر
واذا كان لا
نكمل معاك الاسأله :d

[القنلص الرومانسي]

أنا ما أحب البر بس إذا نزل مطر أطلع مع الأهل بعض الأحيان
ما أطلع من الجبيل

[القنلص الرومانسي]

سعودي ستايل
أنا ودي أقول لي الوالد أخذ ss كابريس
وش رأيك فيها
بس إني سمعت إن ss كابريس فيها خرابات عمرك ما شفتها ولا سمعت عنها مثل القير الأكثر سمعه فيها خراب
بس أنا ما أفحط ولا رلعي قومات وإذا أشتريت ss كابريس أو أكورد
سأعتني بها ودلعها دلع
تكفى سعاعدني سعودي ستايل
بتكون هذي أول سيارة أشتريها وتكفون سيارة المستقبل

[سعودي ستايل]

يالغالي الكابرس وربي خطر خطرخطر وخربات خربات خربات وصيانه فاشله فاشله فاشل مع احترامي للكابرس على شان ما يزعلون مني
حبيبي الي اخذو كابرس قالو كذا قبلك ووالحين تلقاهم عند الاشاره اول ما تولع سمعك الصوت الشكمان والكفرات
المهم
اذا انت منت راعي بر ولا تطلع من جبيل <<<سبب سوالي عن طلعتك من جبيل انتو ماشاء الله شوارعكم مره كويسه غيركم محفره شوارعهم زي الدمام والرياض وباقي المناطق

يتبع << على شان فيه كلام كثير بس اخاف تقول سحبت علي انا موجود بموضوعك

[المـــــلكـ اكـــــورد]

لو انك قارنت اللكزس es بالجيب<< لانهم متقاربين بالسعر

اما اكورد وجيب صراحه بقولك جيب بغض النظر اختلاف الفئه او الميزات
___________

يكفيك فرق السعر بين الاكورد واللاندكروزر

[سعودي ستايل]

لا ندكلوزر الصراحه سعره غالي مره مره اول سياره لا زم تكون على قدك الاند كبير مره وضخم يعني انت ما تحتاجه

اذا انت عاجبتك الهوندا اكورد اقولك توكل على الله واخذها سياره صيانه وتكد معاك واذا بغيت تبيعها الكل يبغاها منك
صحيح القطع غيارها غالي بس يعيش معاك فتر طويل صحيح تويوتا قطعها رخيصه بس فترت القطعه محدوده

[سعودي ستايل]

وانا اشوف فكرت الجيب ماراح تفيدك الان انت ماتروح البر وجبيل ماشاء الله مافيها الزحمه على شان تخليك تصعد رصيف
وشوارعها ماشاء الله خاليه من الحفر والبواليع

واذا نويت على هوندا اختار العنابي يسمونه عودي من داخل بيج وربي يوفقك انشاء الله

اي خدمه ثانيه طال عمرك :d <<< سارقتها منك يا محمد بن عبدالعزيز

[الاخطبوط]

ليه محتار بين الاكورد و اللاندكروزر؟؟

[assassin_vip]

والله اذا انتا كاش خذ لكزس وريح راسك لا تقول طلعت خارج الموضوع بس انا شايفك مخير بين سيارتين مافي مقارنة بين الأثنين من ناحيت السعر اقصد الجيب تقريباً سعره فوق 100 الف هذا اذا كان كاش اما اذا بتاخذها اقساط ... هذي صعبة والله ما عندي اجابة ...
تقبل تحياتي ...