هوندا ليجند ... * نفس عميق*

**The Godfather** · 05-09-2008, 06:29 PM

بسم الله الرحمن الرحيم
السلام عليكم
ابتداء من اليوم .. الخامس من سبتمبر 2008 .. سوف يتم بيع الهوندا ليجند في اليابان .. ليست هوندا ليجند اللي اقصدها هي نفسها اللي شفناها بالصور .. ليجند اليابان اللي تصف مع اللكزس 460 ال اس .. هي اللي اقصدها .. اللي تجي بدفع رباعي مستمر

شوفو شويه الصور هاذي :

السياره راح يبتدي بيعها ابتداء من اليوم
و فيها نظام جديد ... اخترعته هوندا ..
اللي هو اسمه ESP
النظام هذا يعمل بالتعاون مع نظام VSA
اللي يسويه انه يوجهه السايق نحو قياده افضل
من حيث اللفات و الطرق المنزلقه و الزلقه :d
هو عباره عن توجيه الكتروني للدركسون
يدرس الشارع و اللفه و السرعه و حالة الشارع و يوجهه السائق نحو لفات افضل :d
يعطيه تنبيهات بالشاشه .. و يساند السائق
يعني اذا بتلف الطاره بالكامل .. ما تحتاج مجهود كبير و انت تلفها .. تحس كأن في واحد يلفها معاك :d ( جني ياباني )
هذا اللي فهمته من خلال الشرح اللي قرأته عن النظام ..
و اللحين صار وقت الفطور و رايح اصلي و اتفطر .
و السلام عليكم و رحمة الله و بركاته

------------------------------------------
صور زياده لليجند بعد طلب الاعضاء :

هاذي صور زياده .. بس من النسخه الاكيورا منها .. نفس المواصفات بالضبط ما تفرق الا بالشبك الخارجي و شويه لمسات

و هاذي صورة لقاعدة العجلات و نظام الدفع الرباعي فيها

و السلام عليكم و رحمة الله و بركاته

**اكوردياني** · 05-09-2008, 06:45 PM

ههههههههههه
مشكور اخوي اعجبني فيها كل شي خاصة الجني الياباني
موفق ان شاء الله

**amooor** · 05-09-2008, 06:56 PM

واااو

روعه هذي بتنزل في السعودية؟؟!

مشكور ويعطيك العافية

**@اكورد وبس@** · 05-09-2008, 07:03 PM

وااااااااااو

تغطي عالكزس

يا رب تنزل عندنا

مشكور

**أبوعبدالله** · 05-09-2008, 07:28 PM

مشكووووووووور وما قصرت

وما فيها كلام السياره رووووعه

**CIVICORD** · 05-09-2008, 08:23 PM

والله سيارة توب التوب .. يكفي نظام الـsh-awdـ أووووووووووووووف ..

يسلمو

**حسوون** · 05-09-2008, 08:43 PM

واااااااااااااو السياره حلوووووه .....................

ان شالله تنزل عندنا ....................

مشكور ع الموضوع ..,,.,,..,,

**الشمــــالـــي** · 05-09-2008, 09:34 PM

اوف اوف اوف

لو تنزل عندنا

والله تغطي على اللكزس .

الله يعطيك العافية عالموضوع

**ELEGANT BOY** · 05-09-2008, 09:56 PM

مشكووووووووور وما قصرت

**فقندش** · 05-09-2008, 10:01 PM

السياره جدا حلوه
بس ياجماعه اتركوكم من المبالغه وين تغطي على اللكزس
اعطو كل ذي حق حقه

**&فارس&** · 05-09-2008, 10:12 PM

ماشاء الله تصميم فائق الروووعة

...
تسلم يدك على الموضوع الرائع ..

**The Sniper** · 06-09-2008, 01:07 AM

السيارة ذي كانت سيارتي بس انا تنازلتلهم عنها والجني عطيتهم واحد والثاني للحين نايم في الشنطة(محترف بالصواريخ););).,.

**o-k-r** · 06-09-2008, 01:15 AM

صراحة شكل قوي مررررررة

وخاصة دفع رباعي والمواصفات حلوة

**أكورداوي** · 06-09-2008, 02:29 AM

السياره قويه جدا ..

لكن يبطون عظم يوصلون للكزس 460

**THE_HUNTER** · 06-09-2008, 02:44 AM

^^^^^:p

ومشكو أخوي على الصور الله يعطيك العافيه

**CIVICORD** · 06-09-2008, 03:31 AM

للمعلومية السيارة أفضل من الـ460 .. من المحرك للقير للدفرنس .. وتبطي اللكزس عليها ..

**كبرياء فارس** · 06-09-2008, 04:45 AM

السيارة رائعة بكل ما تحملة الكلمة من معنى لاكن لا اعتقد ابدا ان تنزل عندنا وان نزلت ستفشل فشل ذريع والسبب السعر السعر السعر عالي جدا جدا جدا

**accord05** · 06-09-2008, 04:56 AM

مشكور عقيل على الموضوع والصور من جد شكلها فخمه بقوة ...

الله يرزقني انا بس وحدة فل كامل وانتو لا >>>ام الحسد :d

**zeyad** · 06-09-2008, 06:49 AM

هاذي زي الانفينتي Q45

الى بس يفكر يشتريها يجيبونها له بالبيت ويحبون راسه عشان يشريها؟؟؟؟

الى سمعته ان سعرها 160الف بلاهي عليكم تبون احد يدفع 160 على هوندا ولله قويه
قلنا اكورد على العين والراس نشريها عشان مافيه زيها ولا فيه اجمل منها من المنافسين
ونفتخر انها يابانيه ومع ذالك ولله اني مستكثر عليها ال94الف الي دفعتهم عليها

وبعض الاعضاء جاب طاري ال460 اقول ياعمي وش جاب لجاب هاذي هناك وهاذي هنا
حتى لو محرك ذي اقوا ولو مكينه ذي 5لتر مالمك احد

ولو فيها مربحه كان باعوها الوكاله وعشان كذا انا رافع راسي اسوق ازين سياره في شركه هوندا

**The Godfather** · 06-09-2008, 07:08 AM

^^
اسمح لي اقول لك ما جابوها الخليج علشان الناس المتخلفه .. اللي تقول لك ( ادفع فلوسي في لكزس احسن )
كأن لكزس نازله من السما !
على عيني و على راسي ... شركه قويه .. لكزس
بس الناس المتخلفه
و في شي اسمه امتلاك السوق !
مثل ما لكزس مصكره على السياراة الفارهه بالخليج .. عندك انتل مصكره على سوق البروسسرات بالكمبيوتر ... عندك ميكروسوفت بالانظمه الحاسوبيه .. عندك ريد بول في مشروبات الطاقه .. عندك الرولكس في الساعات ... و على فكره .. كل شغله تكون ماشيه في مكان و مو ماشيه في مكان ثاني !

اللكزس ماشيه بالخليج .. بس باليابان .. مو ذااك الزود ...
اللكزس ماشيه بالخليج بعد ... بس بأوربا .. مو ذاك الزود
اللكزس ماشيه بالخليج بعد مره .. بس بأمريكا ... مو لذيك الدرجه !

الانتل ماشي بالخليج ... بس بامريكا .. واااقف سوقه مقابل معالجات أي ام دي ..
انا قبل فتره .. علشان اشتري معالج اي أم دي .. احتج اني افتر السوق كله .. و لا لقيت الا بمحل واحد !
مع العلم .. انه الاحسن و هذا الشي تم اثباته .. بس الناس اللي من اول ما تتعرف على الكمبيوتر و ما تسمع الا انتل .. ما تشتري بعدين الا انتل !

و هذا الشي حاصل باللكزس .. لما الواحد يسمع ( مطلوب سيارة يابانيه فارهه ) ما يروح الا لـ لكزس ... مع العلم انه ما جرب شي غيرها علشان يحكم انها الاحسن !

بتقولي الليجند سعرها عالي ... ترا حتى اللكزس سعرها عالي .. بس قلة الطلب تخلي المنتج يرتفع سعره .. و كثره الطلب تخلي المنتج يقل سعره !
خلي الناس تقاطع لكزس لمدة سنه ..
تشوف سعر اللكزس يوصل للسما السابعه !
خلي الناس تشتري ليجند .. ما اقول لك بالاف .. بالمئات .. و ما اتكلم بالسعوديه بس .. بالخليج
يعني خلي وكالات الخليج يبيعون ما بين 400 الى 900 سياره ليجند .. على كبر الخليج .. بتشوف سعرها ينزل !
( مع استثناء السعوديه .. لظروف الوكيل اللي فاهم المعادله عكس )

خليها بالقلب تجرح و لا تطلع تفضح .... الناس مغمضين و لاهم عارفين يفتحون عيونهم

**LikE.nO.oThER** · 06-09-2008, 12:30 PM

الله يعلن ال****************** على ابو ال************
على الي مايجيب هذه السياارات على بلاده

يعطييك العاافيه عقييلو .. وشكله الصياام جاايب نتائج كويسه معااك :p

**just ACCORD** · 06-09-2008, 12:55 PM

it's so cool

ماشاء الله والله مره خطيره السياره واهم شي الي فيها الجني الياباني :d

تحياتي لك ;)

**ابو سعود** · 06-09-2008, 02:01 PM

والله السياره مجنوووووووووووووووووووووونه
مب صاحيه
فخمههههههههههههههههههه
بس لو فيه احد يجيبلنا الصور الداخليه نكون له من الشاكرين

**The Godfather** · 06-09-2008, 04:49 PM

^^^
ما طلبت الا عزك .. تم تعديل الموضوع و حطيت لك فيه صور للداخليه

**دحوم** · 06-09-2008, 09:53 PM

ماشاء الله ، السيارة قمه في الروعة وإن شاء الله تنزل عندنا في الخليج عشان تنافس انفينيتي ولكزس ، وتكون هناك منافسه شرسة بين الوكالات اليابانية الثلاثة تويوتا ونيسان وهوندا .