سرقة الطبلون ؟؟؟ وش سالفتها

**Dr.Java** · 05-09-2008, 10:55 PM

السلام عليكم

أنا معي سيارة أكورد 2008 4 سليندر سبيشل

اليوم قمت الصبح رايح لصلاة الجمعة

لقيت سيارتي مسروقه

و هذي الصور

الشنطة ما كانت مؤمنة و ماسرق الإستبنة و لا سوا شي بس في لوحة العدادات و أخذها معاه

الله ينتقم منه ما يخاف ربه برمضان و قبل صلاة الجمعة ...

_______________________________________

وش يستفيد من لوحة العدادات ؟؟

ليه ما أخذ شي ثاني ( الإستبنه ) ؟؟

أنا أتوقع إن أحد شافة و هرب و لا كمل سرقته

الموقع بحي الروضه شرق الرياض ...

_______________________________________

لو تفيدوني بسعر لوحة العدادات ؟؟

وكيف ممكن يستفيد منها ؟؟

و يعطيكم العافيه

**meshoo** · 05-09-2008, 10:57 PM

الله يعينك

وترا الصور ماتظهر استبدل مركز تحميل الصور بآخر

**Dr.Java** · 05-09-2008, 11:02 PM

غيرته :(

**SAUD** · 05-09-2008, 11:04 PM

الله يكن بعونك

ومعوض بخير

للأسف الأمن عندنا من جرف لدحديره بسبب عدم تطبيق حد ( قص اليد )

ان شاء الله ان سعره مو غالي

**حسوون** · 05-09-2008, 11:09 PM

الله ينتقم منهم ............

والله يعوض خير .......

**kakashi-san** · 05-09-2008, 11:11 PM

وعليكم السلام ورحمةُ الله وبركآتة

الله يعينك يا أخويْ ،

الظاهر الأخ عنده نفس سيارتِك والطبلون ما فيهْ ،

فـ قرر يكسر من أي سيارةْ نفس سيارتهْ ،،

عشان كِذا ما فكّر يآخذ الاستبنهْ ،

والظاهر انه كان مستعجلْ ،،

ما أدري والله عن السعر يا أخويْ ،

طبعاً لو من اليوم إلى بكرة تقول للشرطة ما ظنتي راح يعطونِك تعويضْ ،

الا اذا كنت مسوي تأمين شاملْ ،

وبالتوفيق لكْ ..

**هـــوندا وبـــس** · 05-09-2008, 11:16 PM

أول شي حسبي الله عليهم

شي غريب أنه ينسرق الطبلون لاكن ترى فيه في التشاليح أكوردات كثيره وتحصل عندهم

والله يعوضك خير ان شاء الله

**accord05** · 05-09-2008, 11:21 PM

حسبك الله عليه ... يمكن شخص حاقد عليك الله لايوفقه ... الله يغضب عليه..
حتى في رمضان الناس ماتسلم ...

**اكووورد مجنونه** · 05-09-2008, 11:59 PM

حبيبي انا اعلمك وش السالفه
السالفه ياطويل العمر انت عارف ان عداد الاكورد ما ينفصل ولا باي طريقه والطريقه الوحيده هي تغيير العداد ويمشي عليه زي ما يبغى علشان يستفيد من الضمان يعني اذا راح للوكاله يرجع عداد بلدها او يخلي عداد بلدها على جنب علشان اذا راح يبيع السياره يقولو اكورد مخزنه ماشيه بس 10000 الاف وهي انكدت الين قالت امين
الشي الثاني يستاجر سياره اكورد ويركب عداد ثاني ويكد عليها مكه الرياض وانت رايح واذا راح يرجعها يركب عدادها الاصلي
وهذا هي المشكله

**Dr.Java** · 06-09-2008, 12:13 AM

المشاركة الأصلية كتبت بواسطة اكووورد مجنونه

حبيبي انا اعلمك وش السالفه
السالفه ياطويل العمر انت عارف ان عداد الاكورد ما ينفصل ولا باي طريقه والطريقه الوحيده هي تغيير العداد ويمشي عليه زي ما يبغى علشان يستفيد من الضمان يعني اذا راح للوكاله يرجع عداد بلدها او يخلي عداد بلدها على جنب علشان اذا راح يبيع السياره يقولو اكورد مخزنه ماشيه بس 10000 الاف وهي انكدت الين قالت امين
الشي الثاني يستاجر سياره اكورد ويركب عداد ثاني ويكد عليها مكه الرياض وانت رايح واذا راح يرجعها يركب عدادها الاصلي
وهذا هي المشكله

لو إنه قايلي إنه يبيها ولا يسرقها

كان عطيته ما تغلى عليه بس لا يكسرها :(

الله ياخذه و يموت و هو يستعمله ياررب

**Dr.Java** · 06-09-2008, 12:19 AM

لاكن ترى فيه في التشاليح أكوردات كثيره وتحصل عندهم

وين التشليح ..؟؟

معليش بس تراني جديد على الرياض ...

**It's Me** · 06-09-2008, 12:33 AM

الله يعينك والله اني حاقد مررره

الله يكون في عونك

**هـــوندا وبـــس** · 06-09-2008, 12:52 AM

المشاركة الأصلية كتبت بواسطة dr.java

وين التشليح ..؟؟

معليش بس تراني جديد على الرياض ...

عندك تشليح الحاير في جنوب الرياض

وانت جاي مع الدائري الشرقي على الدائري الجنوبي يجيك مخرج الحاير

تاخذ يسار وتبتل لين يجيك على اليمين التشليح

**mr.lonely147** · 06-09-2008, 12:55 AM

اخوي عظم الله اجرك والله يعوض عليك وعساه ما يتهنى ولا يتوفق والله انه عور قلبي:(:(:(
(<.الله يعينك.>)

**o-k-r** · 06-09-2008, 01:00 AM

لا حول ولاقوة الا بالله

رمضان ويوم جمعة حسبي الله عليهم

والله يصبرك اخوي

**الاخطبوط** · 06-09-2008, 01:33 AM

اعوذ بالله

مسكت معه الا الطبلون

والله الواحد ماعاد يامن على شيء

ماتدري تطلع تلقى سيارتك موقفه على بلك وجنوطك ماهي فيه

ولا تلقى القزاز المثلث مكسور والاستبنه ماخوذه

بكره تلقاهم فاتحين الكبوت وماخذين الماكينه :p والظاهر هذا اللي بيصير الله يكفينا الشر

من جد الدعوه سايبه اذا العقاب غايب

يعني هالسارق تلقاه اصلا ماهو مقدر حجم الفعله اللي سواها ويعتقد بأنها طبيعيه لانه تعود من اخوياه والمجتمع اللي حوله وماشاف عقاب رادع يطبق فعليا

الله يعينك اخوي واحتسب عليه وبإذن الله انك معوض

بالنسبة للتشاليح بالرياض عندك بتشليح الحاير محل اسمه تشليح الامارات كللللله اكوردات

طبعا تشليح الحاير توصله من الدائري الجنوبي مخرج 22 تتجه جنوب وتمشي تمشي تمشي تمشي الين تطفش وبعدها التشليح يجيك يمينك

**CIVICORD** · 06-09-2008, 01:55 AM

يؤ يؤ يؤ يؤ يؤ .. الله ينتقم منه ابن الكلب هذا .. ..
يلعن ابليسه طيب وشلون تمشي انت الحين .. ؟؟

شكله كان بيسرق السيارة نفسها .. بس ما قدر .. وحطها فالطبلون ..

.. لا تقص اليد إلا إذا كان الشيء المسروق في حرز ..
يعني جوا البيت حرز .. فالشارع مهوب حرز ولا تقطع يده .. << كلام شيخ ..

**الشمــــالـــي** · 06-09-2008, 02:11 AM

"حسبي الله ونعم الوكيل"

الله ينتقم منهم هالكلاب

ومعوّض خير اخوي ان شاءالله

والله يعينك على المرمطة بالتشاليح .

**أبوعبدالله** · 06-09-2008, 02:24 AM

الله ينتقم منهم

ومعوض انشا الله.

**الاخطبوط** · 06-09-2008, 02:27 AM

المشاركة الأصلية كتبت بواسطة civic 98

.. لا تقص اليد إلا إذا كان الشيء المسروق في حرز ..

يعني جوا البيت حرز .. فالشارع مهوب حرز ولا تقطع يده .. << كلام شيخ ..

وشهو الحرز المخصص للطبلون

**Dr.Java** · 06-09-2008, 02:52 AM

.. لا تقص اليد إلا إذا كان الشيء المسروق في حرز ..

يعني جوا البيت حرز .. فالشارع مهوب حرز ولا تقطع يده .. << كلام شيخ ..

هذا تخلف لا سرقنا سياراته بيعرف يفتي زي الناس

**اكوردياني** · 06-09-2008, 03:17 AM

الله يحفظنا بحفظه
والله انها بلشة كثرت السرقات خاصة الاكورد 2008
الله يستر الواحد قام يخاف على سيارته
طيب وش الحل ادخلها معي البيت

**assassin_vip** · 06-09-2008, 03:47 AM

لا حول ولا قوة الله بالله !!!
بس اعتقد انه مهو اول مرة يسرق طبلون اكوورد الظاهر انه عادة عنده لأنه الشخص الي يكون اول مرة يسرق طبلون اكوورد ما راح يفكه بلإحتراف هذا ...
على فكرة ليش انذار السيارة ما شتغل ؟؟؟ ولا الظاهر انه ما فتح الباب ودخل من الشباك

**أبو الريش** · 06-09-2008, 04:04 AM

يخرب بيتو الآدمي ذا

وش الي مسويه

في رمضان يسرق و في يوم جمعة ما يخاف ربه الله ينتقم من الظالمين

حسبي الله عليه

**O m a r** · 06-09-2008, 04:15 AM

لا حول ولا قوة إلا بالله

ابشـر بالعوض وانا اخوك ، عز الله إنها غبينه !

يا شبــآب نصيحه لكم ( وقفوا سيارتكم داخل الحوش )

وإذا ما فيه حوش وقفها بالسطح والا نم جنبها < اقول لا يكثر :bhraini_2005: