السلام عليكم ورحمة الله وبركاته
وشهر مبارك على الجميع وينعاد عليكم بالصحة والعافبة
للمجربين الموديلات السابقة والحالية انا ابي منكم نصيحة أخ الى أخوة لاني ناوي اشتري أكورد 2009 فل كامل بس اني محتار بين لونين الاول ( الأسود ) ، الثاني ( اللؤلؤي ) طبعاً لكل لون مميزات وعيوب لان الأسود في الرياض ما ينفع أبد مثلكم عارفين الشمس والجو الي كل يوم شكل مرة غبار ومرة شمس وأنا اداوم 9 ساعات باليوم يعني السيارة بتقعد بالشمس طوال 9 الساعات وحرام الاسود بيقعد سنة و ( بيشهب ) غير كذا انا راعي سفر هذا بالنسبة للون الأسود .
اما اللون اللؤلؤي كثير من الي اعرفهم معهم نفس اللون اوانا احب أختلف عن غيري وزي منتو عارفين أن الرياض كلها يعني مو كلها اغلبها معهم لؤلؤي .
والله انا الحين ( متورط ) ما ادري وش آخذ لحد يقول خذ ذهبي ولا فيراني لاني في راسي واحد من هذولي اللونين وأنا احس اني اميل للؤلؤي شوفو التوقيع
فأنا اترك النصيحة لكم وانا واحد ابي استخدم يعني ماراح ابيع الا بعد سنين طويلة .

الفزعة ، هذي اول مشاركة لي وانشاء الله راح افيد وأستفيد .

لكم مني جزيل الشكر ... أخوكم خبير أكورد