عدة استفسارات ارجو الرد علي ..

**S-A-S** · 13-09-2008, 04:21 AM

السلام عليكم ..

كيف حالكم ؟

انا ناوي ان شاء الله على اكورد 2008 سياحي ورحت للوكالة ابي لؤلؤي ولا حصلت فياليت اذا تخبرون معرض باقي عنده للحين تعطوني خبر .. او على الاقل سبشل اذا تعرفون .. طبعا 2008
اهم شي لؤلؤي ..

والتخشيبة بكم يسوونها الوكالة حقت الفل كامل ؟

وايضا وش الفرق بين السياحي والسبشل ( الجنوط والفتحة وغيره ؟ ) وهل السياحي في مثبت سرعة ؟

وأبي معرض تبيع اكوردات 2009 بسعر اقل من الوكالة في الرياض ..

تراني غشييييييم في الأكورد ..

في انتضاركم ،،

**S-A-S** · 13-09-2008, 07:26 PM

كلمة ولو جبر خاطر :d

**المتميز** · 13-09-2008, 08:19 PM

أول شي السياحي ما فيه مثبت سرعة
السياحي قير توماتيك وبس
أما السبشل فتحة وقير
وبعدين يا أخوي الوكالة ما يسوون تخشيب .. إذا اشتريت السيارة تخشب في الغرابي
ثاني شيء في معرض اسمه الملحم في مخرج 15 قدام اسواق المجد موزع معتمد لهوندا
أرجوا أني أكون افدتك
:d

**هـــوندا وبـــس** · 13-09-2008, 08:28 PM

المشاركة الأصلية كتبت بواسطة المتميز

أول شي السياحي ما فيه مثبت سرعة

من قال أنه السياحي مافيه مثبت سرعه

موجود في 2008

**A C C O R D 0 8** · 13-09-2008, 08:34 PM

المشاركة الأصلية كتبت بواسطة المتميز

أول شي السياحي ما فيه مثبت سرعة
السياحي قير توماتيك وبس
أما السبشل فتحة وقير
وبعدين يا أخوي الوكالة ما يسوون تخشيب .. إذا اشتريت السيارة تخشب في الغرابي
ثاني شيء في معرض اسمه الملحم في مخرج 15 قدام اسواق المجد موزع معتمد لهوندا
أرجوا أني أكون افدتك
:d

888888888888

والله يا ان الكلام عندكـ ببلاش ..

يبوي ترانا مناب غشمان .. واذا انت ماتعرف لا تقول انك تعرف لمجرد انك ترد على الرجال ..

واذا انت منت متأكد من كلامك لاتقوله وخله عندك الله لايهينك ..

---

بالنسبه لصاحب الموضوع اتمنى انك تتصل على الوكاله بالرياض وهم يفيدونك اكثر ..

والتخشببه موجوده بالوكاله يركبونها لك عندهم هي وانوار الضباب بعد والجناح .. كل شي موجود عندهم ويركبونه لك ..

وهذا رقمهم ..4454646

ودوامهم برمضان من الساعه 9 الى الساعه 2 الظهر ..

ومن الساعه 9 بالليل الى 12 ..

**LikE.nO.oThER** · 13-09-2008, 08:35 PM

^^^^
يااازين وكيل الامارات .. عندنا مثبت وتحكم بالصوت بالسياحي والسبشل !!
عندكم يعطونك اياهم بس بالتقسيط الملل !! :p
وعلى كلن .. فكر بال2009 تراا فيها VSA يعني نظام مانع الانزلااق ووجوده يفييدك كثير ان شااء الله ..
وعلى كلن الف مبروك .. ;)

**meshoo** · 13-09-2008, 08:52 PM

^^^^

طيب حتى عندنا في مثبت سرعه وتحكم في الدركسون بكل الفئات بعد

**S-A-S** · 14-09-2008, 08:35 PM

الله يعطيكم العافية ياشباب ..

مشكوووورين ..

لكن سمعت ان 2008 فيها عيوب مصنعية .. مثل الحذفة والطقطقة في المكيف ! صحيح هالكلام ؟ :(

**CIVICORD** · 14-09-2008, 08:49 PM

^^^^^^^^^^^^^^^

اللي يقول لك تسذوب .. :p

بس هم حاطين دفعه خاصه .. فيها طقاقات ورا .. 2008 دفعه 2 - حصري - ..
وفحماتها تخلص بسرعه ..

والديكور عشان التقلص والتمدد بسبب الحرارة - ارتفاعها و نقصانها - لأنك تشغل المكيف مثلا على درجة 15 والحراره قبل كانت 40 وش تتوقع .. اكيد بيتقلص البلاستيك ..

.. فيزياء ..

لكن البعض عندهم الحذفه ..

**S-A-S** · 15-09-2008, 03:33 AM

الله يعطيك العافيه اخوي ..

مشكوووووور وماقصرت

**kakashi-san** · 15-09-2008, 04:19 AM

وعليكم السلام ورحمةُ الله وبركآتة ،،

هلا فيك أخويْ ،،

بالنسبة لـ 2008 وأبيضْ ،، أتوقع بتلقاه مستعملْ ،،

لأن الجديد أتوقع خلص من الوكالاتْ ،،

بس توي لاقي في وكالة البحرين 2008 ،، لكن مو أبيضْ ،،

وبالنسبة لإستفساركْ عن التخشيبهْ ،،

ايه تتركب في الوكالةْ ،،

وللمعلوميه ترى مثبت السرعة والتحكم بالصوت وكل شيء موجود في كل الفئات ؛ السياحي والسبيشل والفل ،،

أما عن 2009 ما أدري والله عن اسعارها ،،

وبالتوفيق لك عزيزيْ ( :