السلام عليكم
اليوم و انا طالع من السوق .. مريت على شارع الوكالات .. فقلت ليش ما نسير على الوكاله و خصوصا اني
لي فتره طويله ناوي ازورهم .. بس اتعيجز و اتكيسل
اللي صار هو كالتالي
وصلت عند الوكاله ... الزحمه لا تطااااااااااق 
مافي موقف لسيارتي ابدا ابدا و لا حتى فوق الرصيف
رحت قلت اوقف عند جيرانهم ( فراري و ميزراتي ) .. بعد ما لقيت موقف
قلت ابي اسوي حركة بايخه .. اوقف ورا الوكاله و ادخل مع باب الموظفين
رحت ورا الوكاله
وقفت في مواقف استون مارتن خلف الوكاله ... وقفت محل موظف مكتوب اسمه H. saad
سامحني يا اتش سعد ( غالبا حسن او حسين او ممكن حمدي :d ) وقفت مكانه على السريع
نزلت و دخلت من الباب الخلفي للوكاله .. دخلت على السيارات المنتظر تسليمها لاصحابها ...
لاحظت وجود علامات ( مبروك ) بكل مكان :d
مريت جمب سياره مفتوحه .. و شميت ريحتها ( اما ريحة السياره الجديده .... ادمااااان )
دخلت الوكاله
تقول داخل سوق الاقمشه قبل العيد باسبوع
زحمه !!
غريبه .. بس ما عليه يا هوندا ... تستاهلين
ابي امسك موظف واحد ما قدرت .. الكل مشغول مع زبون !
و للاسف .. كنت في عجله من امري :o
دخلت .. شفت الهوااايل
( شوفو الموضوع اللي راح ينزل بعد هذا الموضوع على طول .. بتطقون على راسكم 
)
المهم
دورت البايلوت
اخذت صور سريعه ( مادري شلون ما صورت وجهيته 
... غابت عني تماما )
حاولت اسأل عن السعر و ما قدرت ... كل اللي قدرت اخذه هو السعر المعلن
شوفو الصور على السريع و بعدها اعطيكم السعر بالكويتي و السعودي ;)
تلاحظون الجامه الخلفيه عليها ستاره داخليه
خلفيه جميله مع الشكمانين ( الاقزوزين ) - نلاحظ علامة 4wd
صوره للستااره و هي مرفوعه
صوره للستاره و هي نص مرفوعه :d
المنظره الجانبيه مزينه بالنيكل و تبدو الاشاره الجانبيه فيها
خط النيكل القصير امام اللمبه الاماميه جميل ... بل جذاب .. و يبدو لكم الكشاف ايضا
لون اخر .... و يبدو ايضا بالصوره السنسرات الاماميه :d
زر الفور ويل درايف
التحكمات المختلفه ابتداء من درجة حرارة السائق الى درجة حرارة الراكب و بالاخير درجة حرارة الركاب الخلفيين
( ما باقي الا يحطون تحكم بدرجة حرارة السياره اللي جمبك )
صوره مرتجه تبين لكم زر التحكم بنظام الثبات + زر التحكم بالسنسرات + زر التحكم بارتفاع الاضواء
( ما لاحظت ان الصوره مرتجه الا لما وصلت البيت )
العدادات
القير و يبدو امامه زر التحكم بالفور ويل ... ويبدو على جانب القير زر الـ D3
صوره اوضح للزر
البراحه اللي بالنص بين السائق و الراكب ( يمديك تنزل فيها صينية مندي لثلاث اشخاص :d )
الدركسون بازراره !!
و اخيرا :
وصلنا للسعر
السعر المعلن كان
9700 دينار
اي ما يقارب
126100 ريال
مائه و سته و عشرون الفا و مائة .... ريال !
طبعا يجي بفتحه و كلو على كلووو !
( ما اعرف مواصفاته بالضبط .. بس جالس اشوف لي اقرب مخرج )
و السلام عليكم و رحمة الله و بركاته !
( لا تنسون تشوفون الموضوع الثاني اللي بينزل بعد هذا طوالي .. تراه اهم من هذا الموضوع بألف مره )
رد مع اقتباس
هوندا بايلوت الجديده كليا في الكويت + السعر
ضوابط المشاركة
مواقع النشر (المفضلة)