I'm back

سلملم ياحلويين :o

اول شي الحمد لله على السلامه ومشكورييييييين جدا على

اهتمامكم ياشباب واشكر كل من سأل عني أو أتصل بي

بصراحه الحادث غبي شوي بس وش تسوي الله بالينا بهالغشمان :p <<<< وش عنده الطاره :p

المهم الاسبوع الماضي كنت بالرياض عندي يوم اوف <<<< يعني اجازه يوم

رحت الرياض وصلت العصر وخذيت لي فره الييين المغرب دخلت افطرت مع اهلي وريحت لي شوي صحيت الساعه 10:30 بالليل وكلموني الشباب تعال ترانا مجلسين في آخر الشارع<<<<< كل شي الى الان حلو

قمت من النوم مالي خلق اروح محل ونصيييييييحه ياشباب اللي يقوم ماله خلق يطلع محل لا يطلع واللا بيصير له مثل ماصار لي وخلاص اخذتها قاعده اذا مالي خلق اطلع ماني طالع....... <<<<< تكفى اطلع يالزين وش عنده ل وطلعت من البيت متجها الى الشباب الله لايعوده من يوم ...

ادري متحمسيييييييييين تعرفون كيف صار الحادث صح؟؟

المهم .......يؤ خلص الوقت يالله تكملة الحلقه بكره زي ذا الوقت <<<<<< بيتصففففففففق :d

طيب وصلت الاشاره طلعت يمين الحين انا على الشارع اللي الشباب مجلسين في آخره طبعا شارع عام طلعت المطبه على مهلي وبعدين مسكت اليسارالطريق لي صح؟
المهم وانا ماشي تقريبا 100 اشوف قدامي راعي جيب ربع ( كبسوله) مادري بس الزبده ان قلبي ناغزني منه ذاك الوقت ماشي بين المسار الايمن والاوسط واول ماقربت منه وعلى طوووووووول شغل ابو هنود( الكوامري ) <<<<<<عارفين قصدي ابو لمبه :d دق اشاره مع لفه تقول شارع مو ابوه جده ياشيخ <<<<<< انا اتوقع ان الناس ذولي سياراتهم اوتو بس يدق اشاره على طووووووول السياره تلف من نفسها<<<< ;) ويقلط علي الرجال وانا اللي اضرب فرامل الييييين طرشت السياره الماكينه ومانفع المهم واوخر عنه وهو مازال قدامي ابن اللذين ماوخر واروح يمين الا وقدامي الله يكرمكم درام (زباله) وسط الخط وش عندخ الظاهر ان الدرام ناوي يعبر الطريق <<<هههههههه<<< خل العياره الحين تراني سمعتك ياالاخطبوط هههههه ;) واول ماشفت الدرام و أهج يسار وعلى طوووووووول مادريت الا وراي موكب يحسبوني الصوفي معطي حركة الموت <<<<<< بيستانس S T ! N G هاه دحوم

وعلى طول مع حركة الموت وانا احاول اعدل مع ان المسافه مررررررررررررررره قريبه ماأمداني وانا اللي ابنط في الدرام وردي يالسياره يمين وانا اللي اهجد السياره واوقفها

المهم تجمعوا الناس يدورون لي وين راعي الاكورد ويدورون يمين يسار عاد انا ماشاء الله جسمي يغطي السياره العب حديد <<<<<<< تراني قوي وشوي اطلع لهم من الدرج اللي تحت المسجل

سلامات سلامات

المهم نزلت من السياره وخوينا راعي الربع واقف عند اللفه يطالع ويشوف واحد نتفه <<<<<<< اصلا مايشوف شي يشوف بس يد تتحرك ورا وقدام <<<<< يعني واحد قاعد يهاوش وعلى طول رجع وتبون الصراحه على اللي سواه والنكبه اللي نكبني فيها الا انه ولد حلال جاء المهم استلمته استلام وهو يهدي واخر شي استحيت على وجهي وقمت اضحك معه واسولف والله ياعيال انها اول مره في حياتي تجيني نكبه واقعد شوي واضحك واللا بالعاده اقل شي يومين الاخلاق سياحيه اخرها الجوال انسرق قبل شهر تقريبا الى يومكم وانا ادعي عليه مو عشان الجوال لا والله عشان الارقام اللي راحت بس سالفة الجوال قعدت يومين مدخل نفسي سجن ابو غريب بعدين طلعت

المهم جا الرجال وكلمنا المرور وقال لي مأمن قلت منتهي قال خلاص انا مأمن ولا تتنازل خل التأمين يصلح السياره قلنا مافيه مشكله
المشكله ماهي مشكلة تأمين أو غيره المشكله السياره نظيفه <<<<<<<< كيف القافيه بس ههههههههه
انواع الاهتمام والتنظيف والمحافظه واخرتها تسذا <<< اخطبوط هديه لك
بعدين رحنا المرور وانواع طاش ماطاش وانتوا عارفين قصدي زيييييييين احسن دوائر حكوميه في العالم عندنا بعد يومين ان شاء الله بانزل موضوع عن كيف تعمل الدوائر الحكوميه عندنا بس لاتنسون.

طبعا السياره صار لها اسبوع واقفه عند الوكاله في الخالديه والى الان موجوده اللي يبغى يشوفها يروح هناك واليوم ان شاء الله بيشتغلون فيها والله يعين ان شاء الله تخلص قبل العيد وهذا وجهي اذا خلصت بس نتفائل خير..

ادري طولت عليكم بس والله اشتقت لكم
حييييييييييييييييييييييييييييييييييييييييييييييييي ييييييييييييييييييييييييل
وودي اسولف معاكم بس الجايات اكثر <<<< قال ايش الاسبوع اللي راح قال خلاص باقطعكم فتره وقطع من جد هههههههه
والله ادري وانتوا تقرون الموضوع بتقولون وش ذا الحادث مع سالفتي ذي احس ان الحادث قعد يومين وانا في السياره يمين يسار ههههههههههههههههههه

وسلملم........

المرفقات:

التأمين: الشركه الأهليه
الأضرار :
1- شخصيا: شوية رضوض وكدمات في الكتف الايسر والركبه.
2- السياره : الباب الأيمن الخلفي مع الرفرف.
3- القيمه الاجماليه: مع قطع الغيار وشغل اليد ......... خلوها مستوره اقول لكم بعدين....
4- اترككم مع الصور. <<<< والله كنت ناوي انزل موضوع فيه صور للسياره من برا وداخل ومع الطبلون هديه عشان واحد من الشباب خويه مو مصدق ان السياره ماشيه 100000 والاضافات الي سويتها بس الحمد لله على كل شي.

















في الحلقه القادمه:
1- كيفية عمل الدوائر الحكوميه عندنا انواع المرض ليه ياشيخ؟؟؟
2- قطع الغيار والاكسسوارات اللي احتاجتها المزيزنه وكم قدرها شيخ المعارض اول شي حسبي الله عليه.( كم موديلها 2005 ليه القيمه كذا لا مايصير!!!!وأرد عليه طيب شف الاوراق واحكم)
8
8
8
8
وش عنده المسلسل
هههههههههههه