والله لو انا مكانك اخذ يا ارمادا او يوكون او تاهو
والله يوفقك
والله ياخوان الاعزاء للى ثلاث شهور ومتردد بين كذا سيارة عائلية :
1- اليوكون
2- التاهو
3- الارمادا نيسان
4-فورد اكسدبيشن
5-الهوندا بايلوت 2009
6-اللاند كروزر تويوتا- Gxr
قريت عن الهوندا بايلوت واعجبتنى من قوة السيارة ووسائل السلامة المتوفرة وعمر القطع الغيار.
مع ان الشكل ليس مهم عندى .فانا أرغب بالسيارة للعمل وللعائلة
سيارتى الحالية هوندا اكورد 2007 وضيقة على وعلى العائلة (زوجتى والخدامة والاولاد الله يصلحهم ويحفظهم ان شاءالله خمسة أولااد ) .. وصاير زحمة داخل السيارة.
ما الالوان المتوفرة على Pilot Honda 2009 ??
وما أفضل لون يعطى للسيارة منظر حلو؟؟
الشى الاخر لو انت محلى ماذا تختار بين السيارات التى ذكرت ..فانا والله محتار والى الان لم أقرر!!!
واتمنى منكم ان تعطونى سلبيات وايجابيات كل سيارة على حدا لو ما عليكم امر؟؟
والافضل فى نظركم؟؟
ميزانتى حدود 150 الف ريال وبشترى كاش .. ولا عندى نية بيع ان شاءالله باستخدمها لعدة سنوات..
انا اعرف انى كلفت عليكم ولكن وانا اخوكم ما عندنا وكالات للسيارات .انا من سكان مدينة عفيف ..
فاتمنى ان تنصحوننى بما تنصحوا به انفسكم ولا خاب من أستشار..
وجزاكم الله الف خير
ووفقكم الله ورعاكم ومتعكم بالصحة والعافية
اخوكم ابو راكان
والله لو انا مكانك اخذ يا ارمادا او يوكون او تاهو
والله يوفقك
التاهو او اليوكون
وبالتوفيق يارب والله يطعمك من خيرها ويكفيك شرها
إذا أنا مكانك و لا يهمني الشكل باخذ لي يوكون
أما إذا ما يهمني باخذ لي بايلوت >> خالي معه واحد موديل 2006 MR-V و جربته صرااااااحه قمة ماشاء الله
و أنصحك إنك تشيل الأرمادا أسأل عنه و الله يوفقك باللي تختار و لا تنسى الإستخارة
.
.
.
.
.
.
.
يوكون أو تاهو ......... هذا رأيي و ربي يوفقك
حبيبي اخوي شرى بااايلوت لونه ثلجي وسعره ممتاز 139000 ريال روووووعه جدااااا ماتوقعنا فخامته وروعته بكل شي
وبامكانك تطلع الوكاله وتجربه لانه جدا قوووي واجمل واروع مواصفات من اللي قبله جررررررربه وشوووف
خذ يوكون 2008 من الجميح الحق قبل مايخلص العرض ماخذه 122500 كاش زائد تظليل درايف 7 زائد تأمين شامل
كلفتني 12700 كاش نصيحه خذه
لا تنسى الاستخاره
'
'
'
بسم الله ابداء
كُل عام وانت بألف خير
وحفظك الله لا اولادك وحفظ اولادك لكَ
ارى انك تأخذ لاندكروزر افضلك بكثير سياره تستحق
كل قرش يدفع بها وموديلتها القديمه تثبت وهي السياره الوحيده التي تعجبني في تويوتا
ولو اني ما احب الامريكي بس لو بنصحك بنصحك باليوكون
ولاتنسى صلاة الاستخاره
وفقكَ الله لما يحب ويرضى
السـلام عليكم ،،
الله يوفقك إن شاء الله ويخلي الخمسه كلهم لك ، ويبلغك فيهم !
طبعاً كل عام وانت بخير وعساك من عواده قبل الزحمه ..
بالنسبه لإستفسارك ، ارى انك في عفيف وهذا يعني انك راعي بر
أو انك تنزل بر احياناً والعائله كبيره وطبعاً الاكورد ما راح تتسع لهم بشكل مريح
فـ اشوف انك تشتري لاندكروزر كـ ياباني ويمسك قيمته ولا يكلفك قطع غيار ،
أما اذا انت ما تفرق معك كل الي ذكرت فـ اليوكن او السوبربان أفــضل حل !
واتمنى إنك ما تشتري سياره عائليه الا تسأل مجربيها من اقارب وزملاء ،
وإذا لك احد في الريـاض انا اقدر اســـــــــــــاعدك بسياره عائليه مناسبه عن طريق معرضنا .
اخوك عمر
مواقع النشر (المفضلة)