أكورد واللا كامري

**جريح الروح** · 27-09-2008, 01:41 AM

السلام عليكم ورحمة الله وبركاته
بما هذي اول مشاركة الى في المنتدى مابيكم تردوني

انا افكر اشتري سيارة وحطيت في بالي كم سيارة الى هم الأكورد والكامري

واخذت الى جوله على المنتديات منهم منتداكم
فقلت خلني اسالكم ايهي افضل الأكورد والله الكامري من ناحية القوة والراحة وعدم التعطيل
فا انا ابي نصيحتكم شباب وانا حاط في بالي الاكورد الى هي اقل مستوى من القير توماتيك
فابي نصيحتكم أكورد والله كامري
واذا مايتعبكم موصفاتها وصور اليهاا
وابي اسعار الاكورد موديل 2008 وايهو افضل لون ماشي في السوق

وأتمنا انكم تردوي علي في اقرب وقت ممكن واتمنا اني ماتعبتكم

تحياااااااااااااااااااااااااااااااااااااااااااتي

**zaeem 4ever** · 27-09-2008, 01:59 AM

اخوي انا كنت محتار زيك واخس بس انا استقريت على الاكورد ولله الحمد

مواصفات اقل درجه اظن انه يقال لها سياحي :

1- قير اوتوماتيك
2- مثبت سرعه + التحكم بالمسجل من الدركسون
3-الظاهر عليها عرض الي هوه كشافات +تخشيبه داخليه +جناح خلفي تجي مع السياره
4- المسجل سي دي Mp3

السعر هوه 83500

واللون الافضل بالنسبه للأكورد هوه وبلا منازع الابيض الؤلؤي

ان شاء الله يفيدونك الاخوان بالنسبه لصور

تحياتي لك وان شاء الله اني افدتك

**Classic Design** · 27-09-2008, 04:31 AM

^^^^^^^^

النوع اللي قلت عنه الإسبشل أرفع من السياحي و أقل من الفل >> بينهم

ولا ياخوي يكفي إن الأكورد ياباني و الكامري استرالي

**أبو الريش** · 27-09-2008, 04:45 AM

المشاركة الأصلية كتبت بواسطة Classic Design

يكفي إن الأكورد ياباني و الكامري استرالي

هذي لوحدها تكفي و توفي

**naio0of** · 27-09-2008, 05:01 AM

والله الكامري سابقا ... اذا تبي كامري خذ 2002 وما اقل ...

اما حاليا اكورد و بس للرزه ومش للحج ..

**جريح الروح** · 27-09-2008, 05:21 AM

مشكووووووووورين اخواني
أنا ابي مواصفات السياحيه وسعره
ومازلت بانتظار باقي الأعضاء باعطائي رايهم

تحياااااتي

**أبو سليمان** · 27-09-2008, 07:17 AM

أكيد أكورد

والسعر ما ادري والله بس اتوقع حول الـ 78 وعليها عرض تخشيبه وكشافات على كلام الأعضاء :d

مواصفاتها قير اوتو , طاسات , بدون فتحه سقف , مثبت سرعه , تحكم المسجل من الدركسون بس

صعب تقرر تشتري سيارة من كلام الناس روح للوكاله وشف الأكورد ( طاسات ) هي السياحيه

شف الصورة اللي بتوقيه أخونا naio0of هذي سبيشل تفرق عن السياحيه بجنوط وفتحه سقف بس

الألوان اسود , ابيض وفيه لون جديد على 2009 عنابي

http://www.hondaarabia.com/club/showthread.php?t=5704

هذا تقرير عن السيارة ( فل كامل )

**المباشر** · 27-09-2008, 08:13 AM

جالس اسولف مع عمي في يوم من الأيام طبعآ بعد ماصرفته لأنة ناشب لي يبيني ابيع له موتري ويبيه للولد يبي يدلعه ..

وأقول له عن السيارات وهو يبي 2007 يقول ماعجبته خلفية 2008

المهم من الكلام شوي الا قال ياولد اخوي يكفيك انها يابانيه 100% ماتوقعت عمي يقول هالكلمة عاد انا فرحت وقلت ماشاءالله عليك ياعمي متابع ورى السيارات .

عاد بعد هالكلام مااعتقد انك لازم تفكر وتتعب حالك .. خذ لك أكورد وان شاءالله مافيها الا العافية .

انا مثلك قبل كنت افكر آخذ كامري واستأجرت وحده ورحت وجيت عليها لكن في الاخير ( أكورد ) مالها مثيل

**انتي حبي** · 28-09-2008, 02:07 AM

بالنسبة الاكورد السياحي
قيمتها من الوكالة ( 78 ) لكن اعتقد انها مخلصة من الوكالة وخاصة افضل الوانها ( لؤلؤي )
ولكن تجدها في المعارض بقيمة ( 77 ) على الزيرو
مواصفاتها : طيس ـ مثبت سرعة وتحكم بالمسجل من الدركسون ـ عليها عرض ـ التخشيبة ـ كشافات ـ جناح خلفي

**zeyad** · 28-09-2008, 06:03 AM

وش جاب لجاب

تدري من الى يقدر الكامري تكسي ولا طعس مع احترامي

والى شريتها انسى شي اسمه تميز للابد

والكامري ماهيب افضل من الاكورد ولا تصف جنبها

ابي احد يسئل راعي كامري كم حصان سيارتك واتوقع 90% مايدري وش معني الحصان ذا

الاكورد مهوب كلن ركبها يالحبيب بس الكامري اقرب ليموزين

وفيه كلمه في كل المنتديات تكرر الى هي(يكفيك ان الاكورد ياباني والكامري استرالي)
هاذا صعب تقتنع فيها الين تجرب شي استرالي وذاك الوقت تقتنع ومعناها زي(الى مايعرف الصقر يشويه)

**جريح الروح** · 28-09-2008, 07:16 AM

مشكووووووووووووووورين
المشكله في الشكل الاكورد الخلفيه مو داك الزود بس الكامري شكلها مناسب وهذا الى مخليني اتردد ولا في سيارات بهذي الاسعاروقوية وجميلة

**صاحب الأحزان** · 28-09-2008, 07:31 AM

السلام عليكم ورحمة الله وبركاته

ردي ما راح يكون متعصب وراح أكون حيادي

لــكل سيارة مميزاتها وعيوبها و ما أحد يقدر ينكر ان الكامري

منافس قوي للاكورد فــ هنا راح أعطيك الاشياء التي تتميز بها الكامري عن الأكورد والعكس

الأكورد :

1- أثبت و أرسى من الكامري .

2- تتمتع بديكور ممتاز وفي تقييم في موقع أجنبي لديكور الأكورد وكانت النتيجة ممتازة .

3- ما شاء الله صوت مكينة الأكورد هادئ .

4- سيارة ذات جودة ممتازة وهذا يعود لجودة الصناعة اليابانية .

5- شكل وتصميم السيارة عصري ورائع خاصة المقدمة ممتازة والداخلية روعة .

ــــــــــــــــــــــــــــــــــــــــــــــــــ ــــــــــــــــــ

الكامري :

1- ثبات السيارة والرساوة تحسنت بكثير عن الموديلات السابقة لـكن تضل أقل من الأكورد .

2- ما شاء الله تتمتع السيارة بأداء ممتاز للفرامل أفضل من الموديلات السابقة و أفضل من فرامل الأكورد أيضاً

وذلك من خلال تجربة شخصية ومن خلال تقييم موقع http://www.edmunds.com وكان الفرامل لصالح الكامري .

3- السيارة سيارة كرف وقوية صحيح أن الجودة أضعف من السابق لــكن بشئ قليل ويشهد على كلامي تقييم

j d power للعام 2008 و اليكم هذه الصورة وللعلم قطع الكامري يابانية بس التجميع إسترالي .

5- خدمات الصيانة وسعر إعادة البيع ممتاز .

هذه كل الي أعرفه من تجربتي ومن التقارير في المواقع العالمية

والرأي الأول والأخير لــك .

**ELEGANT BOY** · 28-09-2008, 08:07 AM

.......الاكورد موديل 2008 .......

:d...بدون منازع في جميع الاسواق...:d

**عشقي الأول** · 29-09-2008, 01:58 AM

أنت سألت عن الأمور هذي

القوة والراحة وعدم التعطيل

القوة :
القوة الحصانية تصب لصالح الأكورد

الراحة:
كنعومه على المطبات والحفر مثلا فالكامري اريح ( بحكم تجربة ) مقارنة بالأكورد
لكن احب اعلق على نقطة وهي ان قساوة التعليق في الأكورد ينعكس على اشياء ثانيه مهمة وهي القدرة على المناورة والثبات في السرعات العالية

عدم التعطل:
هذي ترجع في المقام الأول للمالك وطريقة تعامله مع السيارة فأي سياره مهما كان نوعها وموديلها إذا اسيء استخدمها ستبدأ بالتذمر وتجيك الأعطال
لكن في حالة الإستخدام العادي اميل للكامري أكثر من ناحية الإعتماديه وقلة الأعطال >> وجهة نظر

وفي النهاية الحكم لك استخر وتوكل على الله

**بلا حدود** · 29-09-2008, 08:12 AM

الاكورد وبالفلم المليان اقولها

الشغله مو بس مواصفات

جرب سوق الاكورد وبعد سوق الكامري

تحسس المواد المستخدمه بالاكورد ومن ثم الكامري

والله ماني متخيل نفسي اترك الاكورد واخذ الكامري

يمكن اكون وقتها انجنيت

**zeyad** · 29-09-2008, 10:51 AM

حتى خلفيه الاكورد الى ماهي زينه

لو تدقق فيها زين لقيت ان شكلها غريب وهي الوحيده بالعالم الى جابت شكل مثل كذا

يعني شكل جديد على الناس جديد في عالم السيارات شوف الكزس لو نقوم نعدل بالاصبط صار يربك على كامري
ولو نعدل فيه شوي ركب على السوناتا يعني زي بعض ماجابت شي جديد على الناس

وماهو اكبر همي اغير سياره باكملها عشان اصطب ولو انه قبيح كان ماشفت الناس بالوكاله تطب رواسي عشان تحجز
وبعض الناس مالقا نفس الي يبيه اما الكامري بخمس دقايق تاخذ النوع الي تبيه

**جريح الروح** · 30-09-2008, 05:55 AM

للــــــــــــــــــــــــــــــــــــرفــــــــــ ــــــــــــــــــــــــــــــــــــــــــــــــــ ــــــــع

**GameOver** · 02-10-2008, 04:39 AM

الله يهديك اخوي تقارن اكورد بكامري
ايش جاب الكامري للاكورد
وانت مغمض اكورد خذ

**ابو سراج** · 02-10-2008, 08:00 AM

شوف حبيبي انا من الناس اللي كان عندي كورولا

وذحين اشتريت سيفيك

شوف الجودة الكورولا زي السيفيك لانها كلها يابانية هذا الكرلا موديل 2000 الحين ما ادري

لكن اللي يعيب الهوندا بشكل خاص

هوا الوكيل

ما في فروع الا قليلة عندك جنوب المملكة فرع في مكة والثاني في جازان يعني لو تعطلت عليك السيارة في الباحة راح تسحبها يا لمكا يا لجازان

لكن التويوتا حتى القرى قاموا يفكوا فيها فروع وانتشار رهيب جدا :(:(:(:(

وانت اللي فهمتوا من كلامك انك راح تاخذ اكورد اقل شي خذها نصيحة مني لاتاخذ سيارة اقل فئة لما تمشي في الشارع وتشوف الناس هذا راكب فل وهذا سبيشل وانت اقل فئة راح تنقهر

اذا الكامري اللي بتاخذها مهي اقل فئة خذها وتوكل على الله

خذ الفل مهي الرياضية حلوة

وتقبل مروري

واسف على الاطالة

**wahd** · 02-10-2008, 09:12 AM

ما أقدر أتكلم كفو ووفو

**جريح الروح** · 04-10-2008, 01:52 AM

مشكوووووووووووووووووورين شبااااااااااااب وراح افكر واشوف

تحيااااتي

**أبو داحم** · 04-10-2008, 01:57 AM

ياخوووي الغالي بصراحه مانقدر نقول لك شي أنا كنت أتوقع انك بتقول اكورد 2007 وكامري 2009 اصلا والله مافيه مقارنه بينهم واسألني عنها الكامري مو حلوه ابدا وان صار معك حك والا حاجه الله يعينك ماغير الصوت اللي في الديكور عند القير وصوت الساعه والسيدي بعض المرات يخبط نصيحه خذ اكورد 2008 سبيشل ولاتفكر أبدا

**جريح الروح** · 07-10-2008, 09:29 PM

مشكور اخوي ابو داحم

**أبُو فِيصَلْ..!** · 07-10-2008, 09:54 PM

المشاركة الأصلية كتبت بواسطة zeyad

حتى خلفيه الاكورد الى ماهي زينه

لو تدقق فيها زين لقيت ان شكلها غريب وهي الوحيده بالعالم الى جابت شكل مثل كذا

يعني شكل جديد على الناس جديد في عالم السيارات شوف الكزس لو نقوم نعدل بالاصبط صار يربك على كامري
ولو نعدل فيه شوي ركب على السوناتا يعني زي بعض ماجابت شي جديد على الناس

وماهو اكبر همي اغير سياره باكملها عشان اصطب ولو انه قبيح كان ماشفت الناس بالوكاله تطب رواسي عشان تحجز
وبعض الناس مالقا نفس الي يبيه اما الكامري بخمس دقايق تاخذ النوع الي تبيه

هيه هيه هيه

وش الي الوحيدهـ

نسيت الاتيما نفس خلفيهـ الاكورد

لا يكثر

الاكورد راح تخبط عليك بعدين

خذ الكامري قطعها رخيصهـ وحتى في الباقلهـ تحصل لها قطع

اما الهونا ناااااااااااااااااار

والكامري فيها حساسات

والفرامل

واذا على قصة الصيراهـ راسيهـ حتى الكرسيدا راسيهـ

ولا تقول الكامري حقت لموزين الفورد وهو اطلق من الكامري والاكورد لومزين

كآآآآآآآآآآآآمري وارفع يدكـ :d

**gogo** · 08-10-2008, 02:45 AM

بسمه تعالى :

^^^^^^^^^^^^^^^^^^^^^^^^^
^^^^^^^^^^^^^^^^
^^^^^^^^^^^
^^^^^^^^
^^^^^
^^^
^^
^
:d

رد يستحق خمس نجوم :d

نسيت الاتيما نفس خلفيهـ الاكورد

أين هي أوجه التشابه الألتيما بجهة و الأكورد بجهة أخرى :d

الاكورد راح تخبط عليك بعدين

أفتيت بما لم يكن و لم يحصل بالمستقبل و كيف حصل :d

خذ الكامري قطعها رخيصهـ وحتى في الباقلهـ تحصل لها قطع

اما الهونا ناااااااااااااااااار

الباقلة :d أقصد البقالة لا تبيع سوى المشروبات المنعشة و أدوات المعيشة
فكيف نحصل عليها بالبقالة و هل بالفعل الهونا :d أقصد الهوندا قطعها
نار ..لا أعتقد مقارنة بقطع تويوتا الأصلية

والكامري فيها حساسات

والفرامل

واذا على قصة الصيراهـ راسيهـ حتى الكرسيدا راسيهـ

من قال الكامري فقط حتى الأكورد بها حساسات و فرامل :d
و أما الصيرا راسية فلا تقارن رساوة الأكورد برساوة الكرسيدا
و شتان بينهما :d

الله يجمل حالك أخي أبا فيصل :d فعلآ ردك أنعشنا و فرفش جو المنتدى :d
و أرجوا التأكد من المعلومات قبل سردها بهذه الطريقة المرحة :d