أخوي..والله العظيم إني عندي سيفيك موديل 99 ..وكان ولد عمي يدور له موتر..المهم شرى له كورولا 2004 فل قير أوتوماتك..والسيارة والله قوية وحلوة..وكان دايم يحاول انه يقاومني بس انا كنت ارفض لأن سيارتي أقدم من سيارته.:(.وكل مرة يحاول يقارن بين سيارتي وسيارته وانا اقول له والله ان سيارتك اطلق بس فكني من شرك..
وفي يوم من الأيام كنت الفلف تقريباً الساعة عشرة بالليل..الا وهذا ولد عمي جا يدربي راسه بسيارته ويحدني ويحاول انه يستفزني..أنا بصراحة ارتفع ضغطي ..وصممت اني بجازف واتقاوم وياه..المهم..أخذ الديوار قبلي وأنا وراه بمسافة بسيطة جدا..ولما عدلت الموتر حطيتة بنمرة 2 وتعال يا دعس.هو شافني دزيت قام عطا سيارته دزة..والله اني ما اعشق الا اذا تفتفت السيارة..مع التبديل الثالث والله العظيم اني طفته..وانا داعس البنص بكل ما أعطاني الله من قوة(مسوي يطلع عزم)والله ما أخذنا نهاية الشارع الا وهو وراي..أخذت الديوار..وفتحت الشباك ..وقفت جنبه وقلت : روح ترى يمديك تلقى شريطية تالي هالليل سهرانين وصدقني بيدسمون شاربك..(أما عاد لو تشوف وجهه) ..شكله راح لعمي وقط المفتاح بوجهه وقال ما ابيها ..غيرها..
..الشاهد..وبالتجربة السابقة لي ..تبين ان السيفيك أقوى من الكوريلا..والله أعلم..المهم اني صفطت الرجال ..

هذي مغامرتي مع الكوريلا..وانت وراسك..ابو جميل موجود..وابو هاشم موجود..