الموضوع: هل تنصحوني ابدل اكورد بسيفيك

عاشق سيفيك عطني اسباب هل الاكورد
مشاكله اكثر من السيفيك وهل المشي
افضل وهل يسوى واحد ابدل اكورد
بسيفيك اصدق الي قلت ليهم ان ببدل
اكورد بسيفيك اقولون لي بتندم لان
السيفيك صغيرة من جدي قومته اقوى
والباقي لصالح الاكورد
والالتيما شكل يذبح بس ( الكلمة
المعهودة خذه وعقب سنتين المشاكل
بتبدء تطلع ليك) من جدي خفت اجازف
تدري في البحرين الاكورد اشلون منتشرة
بشكل مو طبيعي والسبب الخوف من مشاكل
الالتيما الجديدة بس بعد انتشرت في البحرين
ومشكورين والي عنده نصيحة اخيرة

:d:d:d


اما ابيع الاكورد عشان السيفك


وجهة نظر احترمها

:d:d:d

المشاركة الأصلية كتبت بواسطة ابوزكي

بصراحه ألتيما فل ابشن .. ماشاء الله .. وووووووووعه .. وتعجبني وايد ..
ولو فكرت اغير عن السيفيك .. غير التيما ما باخد ..
وهذي وجهة نظري انا بس .. وشخصياً

اشارك ابو زكي نفس الراي

أنا انصحك تعرض نفسك ع طبيب نفسي :d

طيب لو الاكورد ثقيله مع ذالك تقوم ع السيفك بكل الحالات :p

أجل فاتح موضوع عشان تقول ابغى أبدل سيارتي بسيفك ولا ألتيما ..

انا عارف انت ليش تبغى السيفك ومو عاجبتك الأكورد وتفكر بالألتيما الرخيصه

;)

المشاركة الأصلية كتبت بواسطة هوندا للابد

مشكورين على الردود
بالعكس مقتنع فيها وانا من اشد
المحبين للهوندا بس كنت افكر بالسيفيك
وبعدين اخذت اكورد وكنت قبلا عندي سيفيك
وطبعا معروفين السيفيك من موديل القديم بقوتهم
والقومة قوية فاستغربت من موديل الاكورد الجديد
الشكل فخم وقوي ولكن التناقض ان السيارة في القومة
او التبديلات الاولى بطيئة وبعدين تعتدل سرعته واصير
سريعة وانا من النوع الي احب السيارات الرياضية والاكورد
رياضية ورسمية ولكن ليش مو مقتنع فيها لان احب شىء
اسمه سيفيك وبعدين جربت الاكورد وحبيته لكن ليس
اكثر من السيفيك وقاعد احاول اتعود عليها اكثر واكثر
وفخامته من داخل فخامة غير طبيعية وتحسسك انك راكب
سيارة من الطرازات الفخمة وطبعا سبب شرائي للسيارة
اخذ مشورة الاخرين وعدم تجربة السيارة قبل الشراء
ولكن الحمد لله على كل حال
فالمزعج في الامر ليش جدي ثقيلة في التبديلات الاولى
مع العلم سيارتي لم توصل ل10000 كيلو متر
هل ممكن تتعدل في السرعة والتبديل مع مرور الوقت
هذا سؤالي الي محيرني والسبب الي خلاني اترك الالتيما
جودة المواد الداخلية وكنت اذم في الالتيما لين شفت مقاطع
في النت لسرعة التبديل وهذا الشىء احزنني قليلا لاني
محب للهوندا واشوف السيارات المنافسة في العزم والقوة احسن
من سيارتي الي حبيتها عالشان قوته وعزمه وجودته
اتمنى ما تعبتكم بسالتي

بصراحة نفس الحالة سيارتي ماشية 15000

والسيارة ثقيلة

لما امشي من عند الإشارة تتأخر في التغير بس لو ادعس بنزين بقوة تقوم بس المشكلة لو استمريت على الدعس كذا راح تخرب

الشيء الثاني لما اشغل المكيف السيارة تصير ثقيلة زيادة ما ادري ليش

بصراحة متحسف أنا في بالي أنها زي الأكورد 2007 وبعدين عندي سؤال هل المكيف يؤثر على عزم المكينة ؟؟

والأكورد 2007 نفس الطريقة ؟؟

الأكورد أسرع من السيفيك اكيد، بس كقومة و كمتعة بالسواقة، انصحك بالسيفيك، السيفيك *تحسها* اسرع و امتع و انت ماشي، و انا عندي سيفيكتي و الكورد ٠٧ اسوقهم على طول، كمتعة بالقيادة السيفيك..الكورد الاربع سلندر الجديدة تزعجني فيها القومة الضعيفة على الدوار او الاشارة، تحس السيارة بتموت عشان تبدا تتحرك، و هذا شفته بالتست درايف نفس الشي،،

السيارتين حلويين، و كل وحدة لها حلاوتها، غلط انصح بالسيفيك او الاكورد، لان كل واحد له اولوياته..

شوف الاكورد الكوبية الجديدة، رياضية مثل ما تحب، و شكلها حلو،،

بالنسبة للثبات من واقع تجربة السيارتين اتضح ان ثبات السيفيك اقوى من الأكورد .. ( الموديل الجديد القديم مدري عنه

الألتيما الحمرا فل ابشن روووعة .. حتى الأكورد .. :d

^
سامحني اخوي، بس صدقني السيفيك كتير التحكم سئ من الوكالة، الأكورد الجديد كتير احسن، انا اسبوع اسوق الأكورد و اسبوع السيفك يعني السيارتين فاهملهم تمام..

يمكن كل شي جايز

الليجاسي حلوة

*********
السلام عليكــم
*&&&&&&&&*

أخوي .. لكل سيارة مستوى .. ومستوى عزم الأكورد بالنسبه للسيفيكـ .. الفرق بسيط ولكـن لصالح السيفيك ..

لكـل تخيّل فرق الفخامه بين الأكورد والسيفيـك .. :o ..

معقوله الواحد يكون في مستوى وينزل منّه .. أو يبحث عن مستوى أعلى ؟؟

الاكورد 6 سلندر وبس قوة + فخامه =

بسم الله الرحمن الرحيم

أما انك تبدل السيفيك بالاكورد فهذي مسألة شخصية
عن نفسي لو يعطوني السيفيك بلاش ما أخذته

اما عن قومة الاكورد فيه فديو لـ civicord جاب الميه بـ 7.9 وهو ستوك
ابحث عنه باليوتيوب

وهذا ابلغ رد

المشاركة الأصلية كتبت بواسطة meshoo

^^^

المسئله مو كذا

يعني الاكورد سياره رسميه

والسيفيك تعتبر سياره شبابيه

رأيي بالضبط، كل سيارة لها هدفها و نوعها.

المشاركة الأصلية كتبت بواسطة ::: كـاكـا :::

الاكورد 6 سلندر وبس قوة + فخامه =

مش كل واحد يقتنع يدفع هالمبلغ على هوندا، عن نفسي، بهالمبلغ اشتري VW R32 ألماني، فخم لأبعد الحدود، رياضي و لا يقارن بشي اسمه اكورد بالتحكم و التسارع،، و،،و،،،

المشاركة الأصلية كتبت بواسطة قصيمي جدة

بسم الله الرحمن الرحيم

أما انك تبدل السيفيك بالاكورد فهذي مسألة شخصية
عن نفسي لو يعطوني السيفيك بلاش ما أخذته

اما عن قومة الاكورد فيه فديو لـ civicord جاب الميه بـ 7.9 وهو ستوك
ابحث عنه باليوتيوب

وهذا ابلغ رد

السيفيك مش سيارة سريعة طبعا، و لا الاكورد سيارة سريعة، الثنتين سيارات اقتصادية سعرها مقبول للطبقة الدنيا و الوسطى من الناس، مثلي و مثلك..

هوندا عندها سياراتها الرياضية مثل Turbo FIT,CTR, SI, S2K و اكيد السيفيك و الاكورد مش منها..

في مثل دايما احب اقوله...

"Racing an N/A v4 is just like retards competing in the Olympics games, either you win or lose, you are still a retard"

انا ما ادري كيف حاط الموضوع تبي تغير الاكورد بسفيك شيء غريب والله
وثاني حاجة حرام اصلا الكلام الي تسويه يعني اكورد 2008 وتبي تاخذ سفيك ولا اكورد او التيما 2009 ترى تتحاسب يوم القيامة

ناس مو لاقية اكل تاكل وناس تلعب حرام عليك

واحترم وجهة نظرك
بس هذا كلامي

عن نفسي لو يعطوني السيفيك بلاش ما أخذته

وشدعوة .. :p

ابي اقولك شي يالغالي..
نصيحه مني لك لا تصيـر متردد واجـد
بصراحه لا صرت متـردد ماراح تشتري شي
وإذا شـريت شي وانت متـردد اكيد ماراح تقتنـع فيـه
هذي نصيحه لك فديتك
وفي الاول والاخيـر صـل صـلاة الاستخـاره قبل لا تشتري اي موتـر ,.,
تح.ـيتي

ومثل ماتفضـل اخوي (غضب الاكورد) يعني بصـراحه
سبب البيـع عنـدك غير مقنـع
واذا كنت في نعمـه فـ رعاهـا
يعني الله يستـر عليك لاا تزعل بس من جد حراام تخسـر
10000 او اكثـر عشاان شي تافهه
تح.ـيتي :(

الناس تبدل من سيفك لاكورد ..

والعكس ما يصلحـ ..

ولايهونون اصحاب السيفكـ ..

والنظام ميفرق واجد

لو كان عندي أكورد 2009 بعتها على طوووووووول وشريت سيفيك 2009 ..سمعت الكثير من ملاك أكورد الموديل 2008 يشتكون من كثير من العيوب في هذه السيارة بينما سيفيك لم أسمع عليها ملاحظة قوية أوعيب بها بل بالعكس يثنى عليها كثيراً وأرى أنها أكثر جودة من ناحية الصناعة من الأكورد رغم أنهما من شركة واحدة ..وأنا شخصياً لو عرض علي ألف أكورد 2009 :pماأرضى سيارة بغير السيفيك ..