السلام عليكم ورحمة الله وبركاته
حبيت أعرف العزل الصوتي في الـ أكورد 2008 هل هو مثل الـ 2007 أكورد
السالفة طويله وعريضه ...
أخوي الكبير ناوي يشتري سيارة وهو محتار بين سيارتين كلاهما نفس المواصفات تقريبا وموديل 2009
V6 ACCORD EX & AVALON LIMETED
والرجال أهم شيء عنده العزل حق السيارة وهدوء المقصوره لأنه كل يوم وهو ماسك خط
طبعا سيارتي 2007 أكورد V6 .... والصراحة العزل فيها لك عليها ... والله مرة واحد دق
بوري بجنبي وأزعجني
المهم حاولت أرفع الزر حق القزاز وتفاجئ إنه مسكر أصلا ... قلت يمكن من فتحة السقف ...
برضو كانت مقفله ...
عشان كذا أخاف أقول له خذ أكورد ويكون فيها تنسبم ويروح يكفخ فيني :d
برضو في أعضاء من أكثر من منتدى يمتلكون أفالون يسبون في العزل حقها
والله ياشباب ماعمري احترت بين سيارتين زي هذه المرة
ومن ناحية أخرى الأفالون مافيها مواصفات ... غير اللهم ثنتين
1- المفتاح والتشغيل الذكي
2- تدفئة وتبريد المقاعد الأماية
تصدقون بالله ان مسجل الكرولا والكامري MP3 وهي مسجلها عادي ( 6 أوديو سيدي )
أيضا يقال ان فيها مشاكل في الجير (صوت حنه , مايستجيب , مايبدل بسرعة)
أخيرا ... أرجو من اللي معاه أكورد 2008 وطلع أفالون يفيدنا أيهما أفضل
من ناحية العزل وناحية السيارة بشكل عام
ملاحظة: تم إجراء خاصية البحث في المنتدى ولكن لم نستفد بشكل كبير !!
مواقع النشر (المفضلة)