المشاركة الأصلية كتبت بواسطة محجوب
طيب بعلق ... بس مو تفهمني غلط وانا مو قصدي السخرية او التكبر او شي من هالقبيل ...
تصميم السيفيك انسيابي على عيني وراسي ... قريبة من الارض على عيني وراسي ... بس أنها أرسى من الأكورد علشان هالسببين !! ... هذي ما تخش العقل ... يمكن ..اقول يمكن هالحاجتين لها دخل في الرساوة والثبات لكن مو هي الاسباب الرئيسة في موضوع الرساوة بشكل عام ...أمثلة حلوة من الحياة الواقعية : الجيب الرنج روفر : شكلها بعيد كل البعد عن الانسيابية وارتفاعها عن الارض يوصل الى كبوت السيفيك ... لكن ما يختلف اثنين على انها اثبت من السيفيك والاكورد وبمراااحل ... تقريبا نفس الكلام ينطبق على سيارات ثانية مثل الرولز رويز او انواع البي ام دبليو والمرسيدس وجيب البورش وغييييييييييييييرها ...
خلنا نكون عقلانيين ... الرساوة والثبات تعتمد على حاجات كثيرة غير اللي ذكرتها منها وزن السيارة وحجمها ونظام التعليق ومنظومة الدفع وأنظمة الثبات وممرات الهواء في السيارة(من جهة الشبك الامامي والسفلي .. وحول الاطارات انتهاء بالصدام الخلفي) .. وحاجات كثيرة وصولا الى نوعية كفرات السيارة وتصميمها ... ....... انا مو خبير في هالسوالف لكن بكل صراحة انا جربت اكوردات من جميع الموديلات على الخط منها 95 و2001 و2004 و2007 و2008 ..... وجربت سيفيكات موديل 2005 وموديل 2006 .... وبصراحة الكفة تميل لصالح الاكورد في الرساوة ... السيفيك ممتازة بالنسبة لقريناتها من الشركات الثانية لكن صغر حجمها يخليك تحس بكل شي في الطريق مثلا اذا الهواء جاي عكسك او مايل تحس ان السيارة تميل معاه او
تثقل .... او اذا تمر جنب شاحنة تحس ان السيارة تميل مع ان الدركسون ثابت للأمام ............. كلامي من واقع تجربة وأرجو أنك ما تزعل منه ..
سلااااااام..
رد مع اقتباس
مواقع النشر (المفضلة)