الموضوع: كم مرة تغسل موترك ؟؟

والله انا اغسل السياره كل 5 ايام يزيد يوم او ينقص يوم على حسب المزاج ...,

اما بالنسبة للعامل قيل فيما قيل ان الغبار اذا تجمع على السياره وجا العامل وغسل السياره على طول راح يؤدي احتكاك ذرات الغبار بالبدي وبعدين تطلع دوائر اذا ظربتها الشمس ((((ام التعقيد)))


اما المغاسل يرشها بالمويه اول فيروح الوسخ ثم يفركها ...,

اما بالنسبه للستوب فاللي بالمغاسل يزودونه مويه فيطلع خفيف اللمعه بايخه وبسرعه تروح فخذ لك انت من محلات الزينه ستوب رغوه وقيمته 15 ريال لا غير قابل للتفاوض واذا رجعت لبيتكم بعد الغسيل مخمخ على الكفرات ...,

واذكر ربك على سيارتك لا تجيبها بعين....و

س1 - قد مسكت معك فترة ولو بسيطة ( مع تحديد المدة ) تغسل يوميا ؟

ج1 : لااااااااا ولا فكرت لول

س2- هل جربت تأجر عامل يغسلها يوميا عند باب بيتكم ؟ وما رأيك بهذه الطريقة وما إيجابياتها في نظرك وماهي سلبياتها ؟

والله بيني وبينك مشكله ياخي يجيك واحد ما يعرف يغسل سيارتك يطلع لك مخوش خاصه اللون الاسود تطلع مخوش باللون الابيض شلون مدري !! على فكره ترى لوني لؤلؤي :\ بس من واقع تجربه بسياره ثانيه ،، بعدين الله يخلي سواقنا لا تورطت ولا شي مهب مغسل سيارتي الا هو

س3- هل اللون الأسود والغامق بشكل عام يتوصخ بسررعة ؟

والله ياخي انا لا امتلك سياره سوداء عشان اجاوبك صح بس اعرف واحد معه اكورد سوداء
ياخي ما خبرت يجي عليها نظيفه وما تحسها وصخه تحسها شهباء كذا ماله لمعه مدري كيف
جايه وهو اصلا ما امداه مطلعها بس كلن وذوقه عندك ناس تحب تغسل الموتر كل يوم :p

س4- في الشهر كم مرة تغسل ؟ وفي اي يوم تحب تغسل فيه ؟ ولماذا ؟

والله يا اخي الكريم يمكن 3 مرات بالشهر حلو واحب اغسل يوم الثلاثاء عشان اطلع فيه اربعاء
وخميس اكشخ :p

س5- هل تحب ان تضع (( الستوب )) ملمع الكفرات ع الكفرات بشكل دوري واذا حطيته كم يجلس وبعدين يروح لمعت الكفر ؟

عن نفسي مسكات يعني ان غسلت السياره بيحطونه بالمغسلات
بس بعض الاحيان كذا ادور اتحري واحد شي اقف عندهم يا بوووو الشباب لمع كفرات
يمكن يروح بعد يومين حوله

وشكرا لك موضوع جيد

والله يا عزيزي انا اغسل من ثلاث الى اربع مرات شهرياً

صارت مرتين يوم جبت عامل وخليته يغسل لكن بعدين صرفتة لانة يوصخ ما يغسل ،،،، ويغسل على كيفة

انا سيارتي زيتي فيبان فيها الوصخ على طوووووووووووووووووول

احب اغسل يوم الاربعاء علشان اروح ادج مع الشباب

عندي ملمع كفرات خاص بي

تحياتي لك

اغسل السيارة في الشهر اربع مرات إلى خمس مرات احيانا يوم الثلاثاء او الاربعاء او الخميس عشان نكشخ فيها ياصار فيه زواج او طلعنا التحلية يطلع للسيارة نظرة .
مسكت مرة معي اعطي عامل فلوس يغسل سيارتي اللي قبل الاكورد ولقيتها طريقة غير إيجابية يعني بإختصار ( التغسيل الله بالخير+القماش اللي معه متوصخ من كثر مايغسل سيارات غيرك+ انه يغسلها في الشمس وهذا خطر على بوية السيارة طبعا اهو ماعنده مشكلة اهم شيء يستفيد مادياً+ يغسلها بشكل سريع عشان يلحق على السيارات الثانية يعني مايهتم ذاك الإهتمام ) .

واللون الاسود يتوصخ بسرعة وتبين فيه الوصاخة من اول هبة ريح .

وبالنسبة للستوب احطه ويستمر معك ممكن اسبوع لاتستغرب اهم شيء لاتطب في المياه الجارية في الشارع .

وسلامتك .

اغسلها مرة كل اسبوع , وفي المغسلة ...

اما العامل فيبغالك عامل زين .... وهذا صعب تحصلة .. وغير كذا يلزمك تسوي طبقة اللي ضد الخدش عشان العامل ياخذ راحتة بالغسيل ولايؤذي بودي السيارة

س1 - قد مسكت معك فترة ولو بسيطة ( مع تحديد المدة ) تغسل يوميا ؟

لا

و لو يحصل لي اغسلها كل يوم ما غسلتها

س2- هل جربت تأجر عامل يغسلها يوميا عند باب بيتكم ؟ وما رأيك بهذه الطريقة وما إيجابياتها في نظرك وماهي سلبياتها ؟

ايجابيتها ان سيارتك دايم نظيفه لكنها مشهبه ( بدون لمعه )

يعني ما استفدت شي

س3- هل اللون الأسود والغامق بشكل عام يتوصخ بسررعة ؟

اكيد

س4- في الشهر كم مرة تغسل ؟ وفي اي يوم تحب تغسل فيه ؟ ولماذا ؟

ثلاث او اربع مرات .. و غالبا اغسلها يوم الاربعاء لانه وقت الطلعه

س5- هل تحب ان تضع (( الستوب )) ملمع الكفرات ع الكفرات بشكل دوري واذا حطيته كم يجلس وبعدين يروح لمعت الكفر ؟

ما احرص عليه كثير

لكن اذا حطيته يقعد يومين او ثلاثه

[quote=أبـوعـابـد;15425]

س1 - قد مسكت معك فترة ولو بسيطة ( مع تحديد المدة ) تغسل يوميا ؟

ج1 - والله مسكت بس الوالد مايخليني كل شوي يقول لي ذبحت السياره شكلك بتتزوجها
كذا تعدم السياره ومن ذا الكلام

س2- هل جربت تأجر عامل يغسلها يوميا عند باب بيتكم ؟ وما رأيك بهذه الطريقة وما إيجابياتها في نظرك وماهي سلبياتها ؟

ج2- مافيه امل اخلي عامل يغسلها عند البيت او اني اخليها في المغسله واروح عنها وبصراحه الطريقه هذي سلبياتها اكثر من ايجابياتها

س3- هل اللون الأسود والغامق بشكل عام يتوصخ بسررعة ؟

ج3- هذا اللي شائع وملحوظ على السيارات غامقة اللون

س4- في الشهر كم مرة تغسل ؟ وفي اي يوم تحب تغسل فيه ؟ ولماذا ؟

ج4- والله تقريبا 5 مرات في الشهر كل اسبوع مره واللا اذا شفتها مغبره شوي غسلتها :d

س5- هل تحب ان تضع (( الستوب )) ملمع الكفرات ع الكفرات بشكل دوري واذا حطيته كم يجلس وبعدين يروح لمعت الكفر ؟

ج5- اكيييييييييييييييييد بس انا ماأحط ستوب انا احط ملمع الكفرات الجل ابو ريحة عنب :d والباقي احطه بشعري ههههههههههههههه :p

.

انا من كثر ما غسلت سيارتي تعقد وقلت مالها الا ادخلها التلميع كل شهر مره عشان اللون الاسود صج انه هيبه وملك الالوان لاكن يعقدك نفسينا

المشاركة الأصلية كتبت بواسطة حياتي كلها اكورد

انا من كثر ما غسلت سيارتي تعقد وقلت مالها الا ادخلها التلميع كل شهر مره عشان اللون الاسود صج انه هيبه وملك الالوان لاكن يعقدك نفسينا

صادوه............

نكد اقول اعقل لانبش الماضي


<<<< تراني اقوى قوي يعني انتبه

هلا وغلا ..

مشكورين شباب ع الردود وماقصرتواا ..

وصراحة اغلب الشباب يغسلون 4 مرات شهريا زيي هع هع ..

والواضح ان العمال الي يغسلون يوميا مامنهم فايدة انا كنت افكر احطلي واحد بس الحين هونت ..

.

ابو عابد كم مره تغسل موترك بستم في السنه ؟

اناعن نفسي اغسلها بخار مره واحدة في السنة ..... وبذات بعد انتهاء موسم الامطار يعني بدايت الصيف .

وهل يضر الموتر ؟