الموضوع: طلب مشوره من الاخوه الاعزاء

هلا وغلا ..

الشباب راح يفيدونك .. وبخصوص ال 2006 وال 2007 مافيه فرق ..

بس اتوقع فيه فرق قوي بخصوص السعر .. يعني ال 2006 ارخص من ال 2007 ..

والخيار لك ياخوي سامي ..

.

حاول تاخذها 2007 فل
اما المواصفات انشاء الله الاعضاء يفيدوك
مع تحياتي...

والله ان شفت 2007 وهي نفسها بالضبط 2006 يعني وفر فلوسك وخذلك 2006 وإذا كانت الميزانية فايضة لايردك إلا 2007 لاوبعد 6 سلندر .

ومبروووووك مقدما .

المشاركة الأصلية كتبت بواسطة أبـوعـابـد

هلا وغلا ..

الشباب راح يفيدونك .. وبخصوص ال 2006 وال 2007 مافيه فرق ..

بس اتوقع فيه فرق قوي بخصوص السعر .. يعني ال 2006 ارخص من ال 2007 ..

والخيار لك ياخوي سامي ..

.

ابو عابد ..

شاكر لك مرورك يا عزيزي ..


لك اعذب التحايا ..

المشاركة الأصلية كتبت بواسطة DuGarrY

والله يخوي الفل كامل اربعه سلندر يجيك بجلد تجيك الطاره بجلد هاذي سعره 2007 على خبري بـ 88
وفيه فل كامل مخمل ويجيك بسعر 84 اما عن المواصفات
اول شي نظام Abs نظام مانع الانزلاق
نظام VSA نظام ثبات السياره
مسجل سي دي 6 اسطوانات
تخشيبه تجيك مهب كامله درج وعند المساكة حقت الباب وعند القير
فيه مقسم مكيفين ويقدر الراكب الي معك يتحكم بالمكيف الي عنده
القير خمس تغييرات
المرايه تقدر تخفف النور يعني مثلا واحد وراك غاثك تخفف النور بالمرايه
ازرار على الدريكسون حقت مثبت سرعه
فتحة سقف
وهذا الي اذكره
____________________
السته سلندر فرق عن الاربعه سلندر فل كامل اول شي زيادة ازرار بالدركسون حقت مسجل
تتحكم بالممسجل ومقياس درجة حراره
وهذا الي اعرفه :\ ما عندي خبر عن سعره بس اتوقع اتوقع تجي على 93 ، 94
______________________

فيه فئه تجيك نص فل الا وهي زيادة عن السياحي بفتحة سقف واوتوماتيك
والسياحي شل كل الي قلته بالفل كامل وخل نظام Abs وبدون جنوط
مسجل سي دي ياخذ اسطوانه وحده والقير خمس تغييرات

___
النص فل سعره يجي 76
والسياحي 73 اوتو ماتيك
وقير عادي 69

ملاحظه : منب متاكد ميه بالميه من الاسعار حقت 2007 الي عطيتك اياه

___________

واعذرونا ان نسينا شي وشكرا ومبروك مقدما

اخوي DuGarrY

والله ما قصرت .. الله يعطيك العافية ويجزاك الجنه ..

يعني اذا بغينا نشتري من الفل وفوق .. السياحي ونص الفل مو مرغوبات ..


طيب ..

اقدر اسوي إضافات على السياحي واخليها فل .. او ما اقدر ..



لك أعذب التحايا ..

المشاركة الأصلية كتبت بواسطة The Black Accord

حاول تاخذها 2007 فل
اما المواصفات انشاء الله الاعضاء يفيدوك
مع تحياتي...

هلا اخوي The Black Accord


وإن شاء الله ناخذ الي يناسب ..


ويعطيك العافية على المرور والإفاده ..



لك أعذب التحايا ..

المشاركة الأصلية كتبت بواسطة دحوم

والله ان شفت 2007 وهي نفسها بالضبط 2006 يعني وفر فلوسك وخذلك 2006 وإذا كانت الميزانية فايضة لايردك إلا 2007 لاوبعد 6 سلندر .

ومبروووووك مقدما .

هلا بك يا دحوم ..

لا والله وانا اخوك الميزانيه مو فايضه بالمره ..

بس ياخوك الواحد وده يركب سياره كشخه ورزه .. وسعرها فيها ..

وانا مقبل على زواج ان شاء الله .. والي شفته ان الكورد مناسبه جدا للشباب وعمليه جدا .. حسب ما سمعت من الأخوان هنا وفي الجلسات الخاصه مع الشباب ..

بس الي مخوفني هو قطع الغيار .. وصرفيه البنزين .. حسب ما سمعت انها مكلفه جدا ..


ويعطيك العافية يا دحوم .. ودامك في الرياض .. نبي نستفيد منك .. ;)



تقبل اعذب التحايا ..

اخوي تقدر تاخذ سياحي او نص فل وتقلبه فل كامل من الناحيه الخارجيه جنوط ورش جوانب فقط

ومن الناحيه الداخليه تخشيب تقدر تخشب تخشيبه افضل من الوكاله اوكيه

اما من ناحية صرفية البنزين للاربعه سلندر حلوووه مره يعني انا ياصل عداد البنزين للنص

تقريبا تفلله بـ 13 ريال او عشره تقريبا يصير فل

اما قطع الغيار ترى الكلام الناس هرجججج فاضي مره اسولف مع واحد جالس يتكلم على الاكورد

يقول قزازة المرايه بـ 800 وهي اصلا المرايه كله بـ 500 تقريبا يعني كلام ناس؟

القطع الاستهلاكيه فحمات وغيره سعرها زي كل السيارات

والقطع الغيار الثانيه اسعار عاديه بس الناس يبونها زي الكامري الاسطب بخمس طعش ريال

يجلس معك يومين ويلعن جدفه وقطع الغيار حقت الاكورد تعيش معك صح

والخيار بالاخير راجع لك بس تبي سياره كشخه ورزه لا كامري ولا التيما ولا شي ما عندك

الا الاكورد ومنتب متندم صدقني

قزازة المرايه بـ 800 وهي

سعرها 80 ريال لسيارتي!!

اخوي dugarry

الله يجزاك الجنه ..

أخوي هوندا ..

شاكر لك هالمعلومه المهمه ..


تحياتي لكم ..

والله انا اقول لك لا تأخذ الا فل اوبشن ولو عن الموديل خذ اللي تشوفه مناسب

انا اشوف 2006 افضل لك لانه ماتغير شي

يا ولد خذ لك 2005 وخل عنك 2006


لان شكلها روعه احسن من 2006


وبكيفك

الشباب ما قصروا معاك

وألف مبرووووووك مقدماً

ماشاء الله الشباب ماقصروا معاك

وانا عن نفسي انصحك بالفل